കോഴിക്കോട്: കെഎസ്ആർടിസി ബസിൽ മൂന്ന് സ്ത്രീകൾ അതിക്രമം നടത്തിയതായി പരാതി. കോഴിക്കോട്-സുൽത്താൻബത്തേരി റൂട്ടിൽ സർവീസ് നടത്തുന്ന പ്രിയദർശിനി ബസിലാണ് സംഭവം. സ്റ്റോപ്പിനെ ചൊല്ലിയുണ്ടായ തർക്കമാണ് അതിക്രമത്തിലേക്ക് നയിച്ചതെന്നാണ് വിവരം.
തർക്കത്തിനിടെ ബസിലെ ബെൽ ഉറപ്പിച്ചിരുന്ന കയർ സ്ത്രീകൾ വലിച്ചുപൊട്ടിച്ചതായി ജീവനക്കാർ പരാതിപ്പെട്ടു. സംഭവത്തെ തുടർന്ന് ബസിൽ കുറച്ചുസമയം സംഘർഷാവസ്ഥ നിലനിന്നു.
