BREAKING NEWS

കടവന്ത്രയിലെ ആഡംബര ഹോട്ടലിൽ ഡോക്ടർമാരും അഭിഭാഷകരും അടങ്ങുന്ന എട്ടംഗ സംഘത്തിന് ലഹരിയെത്തിച്ചുകൊടുത്തു, സിനിമാ മേഖലയിലുള്ളവർക്കും ലഹരി എത്തിക്കുന്ന സംഘത്തിലെ പ്രധാന കണ്ണി… ആറുമാസമായി പോലീസിനെ കബളിപ്പിച്ച് കേരളത്തിനകത്തും പുറത്തും തങ്ങി, ഒടുവിൽ പോലീസിനെ വെല്ലുവിളിച്ച് തിരുവല്ലയിൽ താമസം തുടങ്ങി, സഹോദരനു പിന്നാലെ സഹോദരിയും പിടിയിൽ

· · 1 min read
Share: Copied!

കൊച്ചി: കാക്കനാട് ലഹരിമരുന്ന് കേസിൽ ആറുമാസമായി ഒളിവിൽ കഴിഞ്ഞിരുന്ന രണ്ടാം പ്രതി തിരുവല്ല മുത്തൂർ മുളയ്ക്കൽ വീട്ടിൽ നീതു എസ്.കുമാർ (38)നെ തൃക്കാക്കര പോലീസ് അറസ്റ്റ് ചെയ്തു. ആഡംബര ഹോട്ടലിലെ പാർട്ടിക്ക് ലഹരിമരുന്നു വിതരണം ചെയ്ത കേസിലെ പ്രധാന പ്രതിയുടെ സഹായിയായിരുന്നു നീതു. കേസിലെ പ്രധാന പ്രതി തൊടുപുഴ സ്വദേശി കെവിൻ ബി. മാത്യു (42) വിനെ നേരത്തെ പോലീസ് പിടികൂടിയിരുന്നു. തിരുവല്ലയിലെ വാടകവീട്ടിൽ നിന്നാണ് ഇവരെ പിടികൂടിയത്. 181 ഗ്രാം എംഡിഎംഎയും 90 ഗ്രാം എക്സ്റ്റസി ഗുളികകളും പിടിച്ചെടുത്ത കേസിലാണ് ആറുമാസമായി ഒളിവിലായിരുന്ന നീതു പിടിയയിലായത്. കെവിനു ലഹരിമരുന്ന് എത്തിച്ചതിന് എക്സൈസ് സംഘം മുൻപു പിടികൂടിയ വിപിൻ എസ്.കുമാറിന്റെ (30) സഹോദരിയാണ് നീതു.

കഴിഞ്ഞ ഏപ്രിലിലാണ് 183.55 ഗ്രാം എംഡിഎംഎയും 93.51 ഗ്രാം എക്സ്റ്റസി ഗുളികകളുമായി കെവിൻ ബി. മാത്യു അറസ്റ്റിലായത്. അന്നുതന്നെ, ഇയാളു‌ടെ പ്രധാന സഹായി നീതുവാണെന്നും ലഹരിമരുന്ന് ഇടപാടുമായി ബന്ധപ്പെട്ട് ലക്ഷക്കണക്കിനു രൂപയുടെ ഇടപാടുകൾ നടത്തുന്നത് അവരാണെന്നും പോലീസിനു മനസിലായിരുന്നു. കെവിന്റെ ബാങ്ക് അക്കൗണ്ടുകൾ കേന്ദ്രീകരിച്ചു നടത്തിയ വിശദമായ പരിശോധനയാണ് നീതുവിലേക്ക് അന്വേഷകരെ എത്തിച്ചത്.

ലഹരിമരുന്ന് വാങ്ങുന്നതിനും വിൽക്കുന്നതിനുമായി നീതു 20 ലക്ഷത്തിലധികം രൂപയുടെ ബാങ്ക് ഇടപാടുകൾ നടത്തിയതായി തെളിഞ്ഞു. ഇവരെ പിടികൂടാൻ ശ്രമിച്ചെങ്കിലും ഒളിവിൽ പോയി. തമിഴ്നാട്ടിലും കേരളത്തിന്റെ വിവിധ പ്രദേശങ്ങളിലുമായി ഒളിത്താവളങ്ങൾ മാറിമാറി താമസിച്ചു വരികയായിരുന്നു നീതുവെന്നാണ് പോലീസ് വ്യക്തമാക്കുന്നത്. മാസങ്ങൾ നീണ്ട അന്വേഷണത്തിനൊടുവിൽ നീതു തിരുവല്ലയിൽ വാടക വീടെടുത്ത് രഹസ്യമായി താമസിക്കുന്നതായി പെോലീസിന് വിവരം ലഭിച്ചു. തുടർന്ന് നടത്തിയ നീക്കത്തിലൂടെയാണ് പ്രതിയെ പിടികൂടിയത്.

അതേസമയം കടവന്ത്രയിലെ ആഡംബര ഹോട്ടലിൽ ഡോക്ടർമാരും അഭിഭാഷകരും അടങ്ങുന്ന എട്ടംഗ സംഘത്തിന് ലഹരിമരുന്നു നൽകിയ കേസിന്റെ അന്വേഷണത്തിലാണ് കെവിൻ പിടിയിലായത്. ആഡംബര പാർട്ടികൾക്കും സിനിമാ മേഖലയിലുള്ളവർക്കും ലഹരി എത്തിക്കുന്ന സംഘത്തിലെ പ്രധാന കണ്ണിയാണു കെവിൻ എന്നാണ് പോലീസ് പറയുന്നത്. ഇതിന്റെ അന്വേഷണത്തിനിടെയാണ് വൈറ്റിലയിൽ വച്ച് തിരുവല്ല ഒറ്റത്തെങ്ങ് അമ്പാട്ടുപറമ്പിൽ വരുൺ ദേവും (35) കൂട്ടാളി വിപിൻ കുമാറും പിടിയിലായത്. കോട്ടയത്തു നിന്ന് 232 ഗ്രാം എംഡിഎംഎയുമായി വരികയായിരുന്നു ഇവർ. ഡൽഹിയും ബെംഗളൂരുവും അടക്കമുള്ള സ്ഥലങ്ങളിൽനിന്ന് വലിയ അളവിൽ എംഡിഎംഎയും മറ്റും കോട്ടയത്ത് എത്തിച്ച് സൂക്ഷിക്കുകയും ചെറിയ അളവിലാക്കി കെവിൻ ഉൾപ്പെടെയുള്ള വിതരണക്കാർക്കു നൽകുകയുമായിരുന്നു വരുണിന്റെ രീതി എന്നാണ് എക്സൈസ് പറയുന്നത്. പണമായിട്ടാണ് ഇതിന്റെ പ്രതിഫലം വരുൺ സ്വീകരിച്ചിരുന്നത്. കോടതിയിൽ ഹാജരാക്കിയ നീതുവിനെ റിമാൻഡ് ചെയ്തു.

BREAKING NEWS
'മനഃപൂർവം ചെയ്തതാണ്, ആരെയും കൊല്ലാനല്ല, ഷോപ്പ് നശിപ്പിക്കാൻ'; കോഴിക്കോട് ഹ്യൂണ്ടായി ഷോറൂമിലേക്ക് അതിവേ​ഗത്തിൽ കാർ ഇടിച്ചു കയറ്റി; ഒഴിവായത് വൻ ദുരന്തം; ജീവനക്കാരെ ആക്രമിച്ചു; ഇടിപ്പിച്ച വാഹനത്തിൽ നാലുപേർ; മൂന്നുപേർ ഓടി രക്ഷപ്പെട്ടു; ഒരാൾ പിടിയിൽ
18 Nov 2026
BREAKING NEWS
ആശുപത്രിക്കെതിരെ വ്യാജവാർത്ത; പിൻവലിക്കാൻ 10 ലക്ഷം വാങ്ങി, ദൃശ്യങ്ങളും ശബ്ദരേഖയും പുറത്ത്; തിരുവനന്തപുരം ഡിസിസി അം​ഗം സുഹൈൽ ഷാജഹാൻ അറസ്റ്റിൽ; പിന്നാലെ നെഞ്ചുവേദന, അഭിനയമെന്ന് പോലീസ്
18 Nov 2026
BREAKING NEWS
അതിർത്തിയിൽ പട്രോളിങ്ങിനിടെ വഴിതെറ്റി ബംഗ്ലാദേശിലെത്തി; ഇന്ത്യൻ ജവാനെ കസ്റ്റഡിയിലെടുത്ത് ബി.ജി.ബി; കൈമാറാൻ ‘ഫ്ലാഗ് മീറ്റിങ്’
18 Nov 2026
BREAKING NEWS
‘പപ്പയുടെ മടിയിലിരിക്കുന്ന മമ്മ’; രാജീവ്–സോണിയ ബന്ധത്തെക്കുറിച്ചുള്ള പരാമർശത്തിൽ രാഹുലിനെ ട്രോളി ബിജെപി, ശിവ–പാർവതി ചിത്രം പങ്കുവെച്ച് മറുപടി നൽകി രാഹുൽ; ’മനുഷ്യരെ ദൈവങ്ങളോട് ഉപമിക്കുന്നത് അഹങ്കാരം’: വിമർശിച്ച് അസം മുഖ്യമന്ത്രി
18 Nov 2026