BREAKING NEWS

‘സാധനം സേഫ് അല്ലെ’-മുഖ്യപ്രതിയുടെ ഫോണിലേക്ക് മൂന്നാംവർഷ വിദ്യാർഥിയുടെ കോൾ, ‘ഹോളി നമുക്ക് പൊളിക്കണ’മെന്ന് വാട്സാപ്പ് ചാറ്റും പണപ്പിരിവും, അഞ്ചു​ഗ്രാം കഞ്ചാവിന് വില 500 രൂപ- കളമശേരി മെൻസ് ഹോസ്റ്റൽ കഞ്ചാവ് കേസ് വിവരങ്ങൾ പുറത്ത്

· · 1 min read
Share: Copied!

കൊച്ചി: കളമശേരിയിലെ ​ഗവ. കോളേജ് മെൻസ് ഹോസ്റ്റലിൽനിന്നു രണ്ടു കിലോ കഞ്ചാവ് കടത്തിയ കേസിൽ നിർണായക വിവരങ്ങൾ പുറത്ത്. ഹോസ്റ്റലിൽ റെയ്ഡ് നടക്കുമ്പോൾ ആകാശിന്റെ ഫോണിലേക്കു വന്ന കോൾ, സംഭവത്തിൽ കൂടുതൽ പേർ ഉൾപ്പെട്ടിട്ടുണ്ടെന്നതിന്റെ സൂചനയാണെന്നു പോലീസ് പറയുന്നു. കോട്ടയം സ്വദേശിയായ മൂന്നാം വർഷ വിദ്യാർഥിയുടെതായിരുന്നു ആ ഫോൾ കോൾ. ‘സാധനം സേഫ് അല്ലെ’ എന്നായിരുന്നു കോളിലെ ചോദ്യം. അതേസമയം കളമശേരിയിലെ‍ മറ്റു വിദ്യാഭ്യാസ സ്ഥാപനങ്ങൾ കേന്ദ്രീകരിച്ചും ലഹരി റാക്കിന്റെ സാന്നിധ്യം വ്യക്തമാക്കുന്ന മൊഴികൾ പോലീസിനു ലഭിച്ചിട്ടുണ്ട്.

ഹോളി ദിവസം അനിയന്ത്രിത ലഹരി ഉപയോ​ഗമുണ്ടാകും, നിരീക്ഷണം ശക്തമാക്കണം- പോലീസിനു സൂചന നൽകിയത് കോളേജ് പ്രിൻസിപ്പൽ

കളമശേരി പോളിടെക്നിക് കഞ്ചാവ് വേട്ട, ഹോസ്റ്റലിൽ കഞ്ചാവെത്തിച്ചത് പൂർവ വിദ്യാർഥികൾ, രണ്ടുപേർ പിടിയിൽ, കെഎസ് യു നേതാവിനെ പിടികൂടാൻ സമ്മർദ്ദമേറുന്നു

ഹോളി ആഘോഷിക്കാൻ ക്യാംപസ് കേന്ദ്രീകരിച്ച് ലഹരിയെത്തിക്കാൻ സാധ്യതയുണ്ടെന്ന കോളേജ് പ്രിൻസിപ്പലിന്റെ കത്ത് ഡിസിപിക്ക് നേരത്തെ ലഭിച്ചിരുന്നു. അതിനാൽതന്നെ സ്പെഷൽ ബ്രാഞ്ച് നിരീക്ഷത്തിലായിരുന്നു ക്യാംപസും ഹോസ്റ്റലും പരിസരവും. ഹോളി ആഘോഷമുണ്ടെന്നറിഞ്ഞതോടെ സ്പെഷൽ ബ്രാഞ്ച് കൂടുതൽ ജാഗ്രതയിലായി. പിന്നാലെ ഹോസ്റ്റലിലെ ചിലരുടെ നേതൃത്വത്തിൽ പണപ്പിരിവും തുടങ്ങി. വാട്‌സാപ്പ് ഗ്രൂപ്പ് കേന്ദ്രീകരിച്ചായിരുന്നു പണപ്പിരിവ്.

‘ഹോളി നമുക്ക് പൊളിക്കണം’ എന്ന രീതിയിൽ ഗ്രൂപ്പിൽ മെസേജുകൾ വന്നു തുടങ്ങി. അഞ്ചുഗ്രാം കഞ്ചാവിന് 500 രൂപയായിരുന്നു വിലയിട്ടത്. ആകാശാണ് രണ്ടുകിലോയോളം വരുന്ന കഞ്ചാവ് പൊതി സൂക്ഷിക്കുന്നതെന്നും ചില്ലറ വിൽപ്പന നടത്തുന്നതെന്നുമാണ് സ്പെഷൽ ബ്രാഞ്ചിന് വിവരം ലഭിച്ചത്. വൈകാതെ ഡാൻസാഫ് സംഘം ഈ മുറിയുൾപ്പെടെ റെയ്ഡ് നടത്തുകയായിരുന്നു. വ്യാഴാഴ്ച രാത്രി നടത്തിയ റെയ്ഡിൽ മൂന്നു വിദ്യാർഥികൾ അറസ്റ്റിലായിരുന്നു. കൂടാതെ കഞ്ചാവെത്തിച്ച രണ്ടുപേരേയും പോലീസ് അറസ്റ്റ് ചെയ്തു.

BREAKING NEWS
ബാങ്കിൽനിന്ന് പണമെടുത്തിറങ്ങിയ യുവാവിനെ പട്ടാപ്പകൽ ആക്രമിച്ച് 9.90 ലക്ഷം കവർന്നു; നാലംഗസംഘത്തിന്റെ വിളയാട്ടം പട്ടാപ്പകൽ നാട്ടുകാരുടെ കൺമുമ്പിൽ; ആക്രമണത്തിന്റെ ദൃശ്യങ്ങൾ പുറത്ത്; സംഭവം നിലമ്പൂരിൽ
16 Nov 2026
BREAKING NEWS
പരിശോധനയ്ക്കിടെ സംശകരമായി വന്ന മഹീന്ദ്ര ഥാർ തടഞ്ഞു; പോലീസുകാർക്കു നേരെ ഥാർ ഇടിച്ചുകയറ്റി ലഹരി സംഘം; നാലുപേർക്ക് പരിക്ക്; സിപിഒയുടെ കൈ ഒടിഞ്ഞു തൂങ്ങി, മൂന്നുപേർ പിടിയിൽ
16 Nov 2026
BREAKING NEWS
ഫുക്കറ്റിൽ വൻ തീപിടിത്തം; 11 പേർ വെന്തുമരിച്ചു, 16 പേർക്ക് പരുക്ക്; നൂറോളം ബൈക്കുകൾ കത്തിയമർന്നു, പെട്രോൾ, എൻജിൻ ഓയിൽ, പ്ലാസ്റ്റിക് വസ്തുക്കൾ, ടയറുകൾ എന്നിവ സൂക്ഷിച്ചിരുന്നിടം ചാമ്പലായി; സമീപത്തെ കെട്ടിടങ്ങളിലേക്കും തീ പടർന്നു
16 Nov 2026
BREAKING NEWS
’97 കോടി പൗരന്മാർ വോട്ട് രേഖപ്പെടുത്തുന്ന മഹത്തായ രാജ്യമാണ് ഇന്ത്യ; അവിടെ പോയി ജനാധിപത്യത്തെക്കുറിച്ച് ക്ലാസെടുത്തുകൊടുക്കേണ്ട ആവശ്യമില്ല’; ഫിലിബെക്കിന്റെ വിമർശനത്തിന് ഇറ്റാലിയൻ പ്രധാനമന്ത്രി ജോർജിയ മെലോണിയുടെ പാർട്ടി നേതാവ്
16 Nov 2026