തിരുവനന്തപുരം: സ്കൂൾ വിദ്യാർത്ഥികൾക്ക് വായനയ്ക്ക് ഗ്രേസ് മാർക്ക് നൽകുമെന്ന് മന്ത്രി വി.ശിവൻകുട്ടി. അടുത്ത അധ്യയനവർഷംമുതൽ പത്ത് മാർക്ക് ലഭിക്കും. ഇതിനുള്ള ഉത്തരവ് വൈകാതെ പുറപ്പെടുവിക്കുമെന്നും അദ്ദേഹം അറിയിച്ചു. സി.എം.-മെഗാക്വിസ് ആദ്യഘട്ട സമ്മാനദാനം നിർവഹിക്കവെയാണ് മന്ത്രി പുതിയ പദ്ധതി പ്രഖ്യപിച്ചത്.
കുട്ടികൾ പുസ്തകങ്ങളും പത്രങ്ങളും പരസ്യമുള്ളവ വായിക്കുന്നത് പ്രോത്സാഹിപ്പിക്കുന്നതിൻ്റെ ലക്ഷ്യം വിദ്യാഭ്യാസ വകുപ്പുണ്ട്. വായനയുടെ വസന്തം എന്ന പദ്ധതിയുടെ ഭാഗമായി 12 കോടി രൂപയുടെ പുസ്തകങ്ങൾ കേരളത്തിലെ പതിനാലായിരത്തോളം വരുന്ന സ്‌കൂളുകളിൽ ചെറുതും വലുതുമായ ലൈബ്രറികളിൽ നൽകിയിട്ടുണ്ട്. എന്നാൽ, പല കാരണങ്ങളാൽ കുട്ടികൾ ആ പുസ്തകങ്ങൾ വായിക്കുന്നില്ല. അതുപോലെ വായിക്കേണ്ടവർ അതിനെ പ്രോത്സാഹിപ്പിക്കുന്നില്ലെന്നുള്ള പ്രശ്നം നിലനിൽക്കുകയാണ്. ഈ സാഹചര്യത്തിലാണ് വായനയ്ക്ക് ഗ്രേസ് മാർക്ക് നൽകുന്ന പദ്ധതി വിദ്യാഭ്യാസ വകുപ്പ് ആലോചിക്കുന്നതെന്നും മന്ത്രി അറിയിച്ചു.
ഇതുമായി ബന്ധപ്പെട്ട മാധ്യമപ്രവർത്തകരുടെയും എഴുത്തുകാരുടെയും ഈ മേഖലയുമായി ബന്ധപ്പെട്ട് പ്രവർത്തിക്കുന്ന മറ്റ് വ്യക്തികളുടെയും യോഗം ചേർന്നിരുന്നു. പ്രോജക്റ്റ് അടിസ്ഥാനത്തിൽ വായന ശീലം പരിഗണിക്കുകയും പത്ത് മാർക്ക് ഗ്രേസ് മാർക്കായി നൽകാമെന്ന നിർദ്ദേശമാണ് പ്രാഥമിക റിപ്പോർട്ടായി അവർ നൽകിയത്.
മുഖ്യമന്ത്രിയുള്ളവരുടെ അംഗീകാരം നേടിയ ശേഷം അടുത്ത അധ്യയന വർഷത്തോടെ ഈ പദ്ധതി നടപ്പാക്കാൻ കഴിയുമെന്ന് പ്രതീക്ഷിക്കുന്നതായി വിദ്യാഭ്യാസ മന്ത്രി അറിയിച്ചു. ഗ്രേസ് മാർക്കിന് വേണ്ടി കുട്ടികൾ ഇപ്പോഴേ വായിച്ച് തുടങ്ങണമെന്നും മന്ത്രി ആഹ്വാനം ചെയ്തു.
