കൊച്ചി : ജിയോയുടെ പത്താം വാർഷികാഘോഷങ്ങളുടെ ഭാഗമായി കുടുംബാംഗങ്ങളുടെ സുരക്ഷയ്ക്കായി പുതിയ സേവനമായ ജിയോ ഷീൽഡ് അവതരിപ്പിച്ചു. വീടിന് പുറത്തും ഓൺലൈനിലും കുടുംബാംഗങ്ങളുടെ സുരക്ഷ ഉറപ്പാക്കാൻ സഹായിക്കുന്ന ഫാമിലി സേഫ്റ്റി സൊല്യൂഷനാണ് ജിയോ ഷീൽഡ്. കുട്ടികളെയും പ്രായമായ മാതാപിതാക്കളെയും സുരക്ഷിതരായി നിരീക്ഷിക്കുന്നതിനൊപ്പം അവർക്ക് സ്വതന്ത്രമായി പഠിക്കാനും വിനോദങ്ങളിൽ ഏർപ്പെടാനും സൗകര്യമൊരുക്കുകയാണ് സേവനത്തിന്റെ ലക്ഷ്യം.
ഒരു വർഷത്തേക്കുള്ള ജിയോ ഷീൽഡ് സബ്സ്ക്രിപ്ഷന് 1,000 രൂപയാണ് നിരക്ക്. അതായത് പ്രതിമാസം ഏകദേശം 83 രൂപ. പത്താം വാർഷിക പ്രത്യേക ഓഫറിന്റെ ഭാഗമായി 1,000 രൂപയുടെ ജിയോ റീചാർജ് വൗച്ചറും ലഭിക്കുന്നതിനാൽ സബ്സ്ക്രിപ്ഷൻ തുക ഫലത്തിൽ സൗജന്യമാകുമെന്ന് ജിയോ അറിയിച്ചു.
കുടുംബാംഗങ്ങളുടെ സുരക്ഷയും ഡിജിറ്റൽ ക്ഷേമവും ഒരുമിച്ച് കൈകാര്യം ചെയ്യാൻ കഴിയുന്ന സംവിധാനമാണ് ജിയോ ഷീൽഡ്. ലൊക്കേഷൻ ട്രാക്കിങ്, സുരക്ഷാ അലർട്ടുകൾ, SOS അലർട്ടുകൾ എന്നിവയാണ് പ്രധാന ഫീച്ചറുകൾ. കുട്ടികളുടെ സ്ക്രീൻ ടൈം നിയന്ത്രിക്കാനും നിരീക്ഷിക്കാനും, അവർക്ക് ഉപയോഗിക്കാവുന്ന ആപ്പുകളും കോൺടാക്ടുകളും നിയന്ത്രിക്കാനും മാതാപിതാക്കൾക്ക് കഴിയും. ഉപകരണത്തിന്റെ ബാറ്ററി കുറയുമ്പോഴും അലർട്ട് ലഭിക്കും.
പത്താം വാർഷിക ഓഫറിന്റെ ഭാഗമായി 1,000 രൂപയുടെ റീചാർജ് വൗച്ചറിന് പുറമെ 12 മാസത്തെ Canva Pro സബ്സ്ക്രിപ്ഷൻ (4,000 രൂപ മൂല്യം), 28 ദിവസത്തേക്ക് അൺലിമിറ്റഡ് 5G എന്നിവയും ലഭിക്കും. 1,000 രൂപയുടെ റീചാർജ് വൗച്ചർ 399 രൂപയും അതിന് മുകളിലുമുള്ള അൺലിമിറ്റഡ് 5G മൊബിലിറ്റി പ്ലാനുകളുടെ റീചാർജിന് ഉപയോഗിക്കാം.
ജിയോ ഷീൽഡ് രണ്ട് ആപ്പുകളുടെ സംയോജനത്തിലൂടെയാണ് പ്രവർത്തിക്കുന്നത്. മാതാപിതാക്കൾക്കായി JioThings ആപ്പും, കുട്ടിയുടെ ഫോണിൽ JioShield ആപ്പും ഇൻസ്റ്റാൾ ചെയ്യണം. ഇവ രണ്ടും ലിങ്ക് ചെയ്താൽ കുട്ടിയുടെ ലൊക്കേഷൻ ട്രാക്ക് ചെയ്യാനും സ്ക്രീൻ ടൈം, ആപ്പുകൾ, കോൺടാക്ടുകൾ എന്നിവ നിയന്ത്രിക്കാനും സുരക്ഷാ അലർട്ടുകൾ സ്വീകരിക്കാനും മാതാപിതാക്കൾക്ക് കഴിയും.
കുട്ടിയുടെ ഫോണിൽ Android 10 അല്ലെങ്കിൽ അതിന് മുകളിലുള്ള ഓപ്പറേറ്റിങ് സിസ്റ്റമുള്ള ആൻഡ്രോയിഡ് സ്മാർട്ട്ഫോണും സജീവമായ ജിയോ മൊബൈൽ നമ്പറും ഉണ്ടായിരിക്കണം. മാതാപിതാക്കളുടെ ഫോണിൽ JioThings ആപ്പ് ആവശ്യമാണ്. നിലവിൽ ആൻഡ്രോയിഡിൽ ലഭ്യമായ JioThings ആപ്പ് 2026 ഒക്ടോബർ 1 മുതൽ iOS ഉപയോക്താക്കൾക്കും ലഭ്യമാകും. ജിയോ ഷീൽഡിൽ രജിസ്റ്റർ ചെയ്യുന്നതിന് മാതാപിതാക്കളും കുട്ടിയും ജിയോ നമ്പർ ഉപയോഗിച്ച് രജിസ്റ്റർ ചെയ്യണം.
ജിയോ ഷീൽഡിന്റെ 1,000 രൂപയുടെ വാർഷിക പത്താം വാർഷിക ഓഫർ 2026 സെപ്റ്റംബർ 26 മുതൽ അർഹരായ ഉപഭോക്താക്കൾക്ക് ലഭ്യമാണ്.
