കൊച്ചി: ജിയോയുടെ 10-ാം വാർഷികത്തോടനുബന്ധിച്ച് ജിയോ പ്രൈം മെമ്പർഷിപ്പ് വീണ്ടും അവതരിപ്പിച്ചു. ഭാവിയിലെ താരിഫ് മാറ്റങ്ങളെക്കുറിച്ചുള്ള ആശങ്ക ഒഴിവാക്കി, നിലവിലെ നിരക്കിൽ ഇഷ്ടപ്പെട്ട യോഗ്യമായ ജിയോ പ്ലാനുകൾ ഉപയോഗിച്ച് റീചാർജ് തുടരാൻ ഉപഭോക്താക്കൾക്ക് അവസരം നൽകുന്നതാണ് പുതിയ ജിയോ പ്രൈം അംഗത്വത്തിന്റെ പ്രധാന പ്രത്യേകത.
പുതിയ ജിയോ പ്രൈം അംഗത്വം എടുക്കുന്നവർക്ക് 2027 സെപ്റ്റംബർ 5 വരെ ഒരു വർഷത്തേക്ക് നിലവിലെ നിരക്കിൽ തങ്ങളുടെ ഇഷ്ടപ്പെട്ട ജിയോ പ്ലാനുകളിൽ റീചാർജ് തുടരാം. ഈ കാലയളവിൽ ഭാവിയിൽ താരിഫ് നിരക്കുകളിൽ മാറ്റം വന്നാലും, അംഗങ്ങൾക്ക് നിലവിലെ നിരക്കിൽ തന്നെ റീചാർജ് ചെയ്യാനുള്ള സൗകര്യം ലഭിക്കും.
ജിയോയുടെ നിലവിലെ പ്രധാന താരിഫ് പ്ലാനുകൾ, ₹299 പ്ലാൻ ഉൾപ്പെടെ, എല്ലാ ഉപഭോക്താക്കൾക്കും തുടർന്നും ലഭ്യമാകും. പുതിയ ജിയോ പ്രൈം അംഗത്വം വില ഉറപ്പിന്റെ അധിക ആനുകൂല്യം ആഗ്രഹിക്കുന്ന ഉപഭോക്താക്കൾക്കായാണ് അവതരിപ്പിച്ചിരിക്കുന്നത്.
₹600യുടെ ക്യാഷ്ബാക്ക് വൗച്ചറുകൾ
• ജിയോ പ്രൈം അംഗങ്ങൾക്ക് ആകെ ₹600യുടെ ക്യാഷ്ബാക്ക് വൗച്ചറുകളും ലഭിക്കും.
• പുതിയ JioHome അല്ലെങ്കിൽ JioPC കണക്ഷന് ഉപയോഗിക്കാവുന്ന ₹300 ക്യാഷ്ബാക്ക് വൗച്ചർ
• സുഹൃത്തുക്കൾക്കോ കുടുംബാംഗങ്ങൾക്കോ പുതിയJio SIM കണക്ഷൻ ചേർക്കുമ്പോൾ ഉപയോഗിക്കാവുന്ന ₹300 ക്യാഷ്ബാക്ക് വൗച്ചർ
• ഇതിന് പുറമെ പുതിയ ജിയോ ഉൽപ്പന്നങ്ങൾ, സേവനങ്ങൾ, ട്രയലുകൾ എന്നിവയ്ക്ക് നേരത്തെയുള്ള ആക്സസ്, പ്രത്യേക സർവീസ് ചാനൽ വഴിയുള്ള മുൻഗണനാ കസ്റ്റമർ സപ്പോർട്ട്, അംഗങ്ങൾക്ക് മാത്രമായി പ്രഖ്യാപിക്കുന്ന മറ്റ് ആനുകൂല്യങ്ങൾ എന്നിവയും ലഭിക്കും.
എല്ലാവർക്കും അംഗമാകാം
നിലവിലുള്ള ജിയോ പ്രീപെയ്ഡ്, പോസ്റ്റ്പെയ്ഡ് ഉപഭോക്താക്കൾക്ക് ₹300 ഒറ്റത്തവണ ഫീസ് നൽകി ജിയോ പ്രൈം അംഗത്വം എടുക്കാം. മറ്റ് നെറ്റ്‌വർക്കുകളിലുള്ള ഉപഭോക്താക്കൾക്ക് ജിയോയിലേക്ക് പോർട്ട് ചെയ്യുകയോ പുതിയ ജിയോ കണക്ഷൻ എടുക്കുകയോ ചെയ്തും പദ്ധതിയിൽ ചേരാം.
MyJio ആപ്പ്, Jio.com, Jio Stores, അംഗീകൃത Jio പങ്കാളി സ്റ്റോറുകൾ എന്നിവ വഴി അംഗത്വം നേടാം.
ജിയോയുടെ ആദ്യ 100 ദശലക്ഷം ഉപഭോക്താക്കൾക്കുള്ള നന്ദി പ്രകടനമായാണ് ജിയോ പ്രൈം മെമ്പർഷിപ്പ് ആദ്യം അവതരിപ്പിച്ചത്. ഇപ്പോൾ 500 ദശലക്ഷത്തിലധികം ഉപഭോക്താക്കളുള്ള ജിയോ കുടുംബത്തിനായി, ഭാവിയിലെ നിരക്കുകളിൽ കൂടുതൽ ഉറപ്പും അധിക ആനുകൂല്യങ്ങളും നൽകുന്ന രീതിയിലാണ് പദ്ധതി വീണ്ടും അവതരിപ്പിച്ചിരിക്കുന്നത്.
