BREAKING NEWS

41.9% വോട്ടുകൾ എണ്ണിക്കഴിഞ്ഞപ്പോൾ നെതന്യാഹുവിന്റെ ലിക്കുഡ് പാർട്ടിക്ക് 28 സീറ്റുകളിൽ ലീഡ്, ആഘോഷത്തിന് തുടക്കമിട്ട് അനുയായികൾ!! രാഷ്ട്രീയത്തിൽനിന്ന് വിരമിക്കണമെന്ന് ഐസൻകോട്ട്

· · 1 min read
Share: Copied!

ടെൽ അവീവ്: ഇസ്രയേൽ പാർലമെന്റായ നെസെറ്റിലേക്ക് ചൊവ്വാഴ്ച നടന്ന തിരഞ്ഞെടുപ്പിന്റെ വോട്ടെണ്ണൽ പുരോഗമിക്കുമ്പോൾ പ്രധാനമന്ത്രി ബെഞ്ചമിൻ നെതന്യാഹുവിന് വീണ്ടും അധികാരത്തിലെത്താൻ സാധ്യത തെളിയുന്നതായി റിപ്പോർട്ട്. ആർക്കും വ്യക്തമായ ഭൂരിപക്ഷം ലഭിക്കില്ലെന്നായിരുന്നു പുറത്തുവന്ന എക്സിറ്റ് പോൾ പ്രവചനങ്ങൾ. എന്നാൽ 41.9 ശതമാനം വോട്ടുകൾ എണ്ണിക്കഴിഞ്ഞപ്പോൾ നെതന്യാഹുവിന്റെ ലിക്കുഡ് പാർട്ടി 28 സീറ്റുകളിൽ ലീഡ് നേടി മുന്നിലെത്തി. പ്രധാന എതിരാളിയായ ഗാദി ഐസൻകോട്ടിന്റെ പാർട്ടി 21 സീറ്റുകളിലാണ് മുന്നേറുന്നത്.

നെതന്യാഹുവിനെ അനുകൂലിക്കുന്ന പാർട്ടികൾ 57 സീറ്റുകളിൽ ലീഡ് ചെയ്യുമ്പോൾ എതിരാളികളുടെ സഖ്യം 47 സീറ്റുകളിലാണ് മുന്നിലുള്ളത്. പ്രാഥമിക ഫലസൂചനകൾ പുറത്തുവന്നതിനു പിന്നാലെ നെതന്യാഹുവിന്റെ അനുയായികൾ ആഘോഷം ആരംഭിച്ചു. 120 അംഗങ്ങളുള്ള നെസെറ്റിൽ സർക്കാർ രൂപീകരിക്കാൻ കുറഞ്ഞത് 61 സീറ്റുകളുടെ പിന്തുണ ആവശ്യമാണ്.

വോട്ടെണ്ണലിന്റെ ആദ്യഘട്ടത്തിൽ നെതന്യാഹുവിന് മുൻതൂക്കം ലഭിച്ചെങ്കിലും അദ്ദേഹം രാഷ്ട്രീയത്തിൽനിന്ന് വിരമിക്കണമെന്ന് പ്രധാന എതിരാളിയായ ഗാദി ഐസൻകോട്ട് ആവശ്യപ്പെട്ടു. അന്തിമഫലം തനിക്കനുകൂലമാകുമെന്ന ആത്മവിശ്വാസം പ്രകടിപ്പിച്ച ഐസൻകോട്ട്, വോട്ടർമാർ നെതന്യാഹുവിന്റെ നേതൃത്വത്തെ തള്ളിക്കളഞ്ഞതായും അവകാശപ്പെട്ടു.

ബുധനാഴ്ച പുലർച്ചെ ടെൽ അവീവിലെ തന്റെ ‘യഷാർ’ പാർട്ടി ആസ്ഥാനത്ത് അനുയായികളെ അഭിസംബോധന ചെയ്ത് സംസാരിക്കുകയായിരുന്നു മുൻ സൈനിക മേധാവി കൂടിയായ ഐസൻകോട്ട്. ഇസ്രയേൽ ജനങ്ങൾ മാറ്റത്തിനുവേണ്ടിയാണ് വോട്ട് ചെയ്തതെന്നും വിപുലമായ ഭരണസഖ്യം രൂപീകരിക്കുമെന്നും അദ്ദേഹം പ്രഖ്യാപിച്ചു.

മറ്റൊരു തിരഞ്ഞെടുപ്പ് നടത്തുന്നത് തെറ്റായ നടപടിയായിരിക്കുമെന്നും ജനങ്ങളുടെ ആഗ്രഹം നടപ്പാക്കാൻ സാധ്യമായതെല്ലാം ചെയ്യുകയെന്നത് തന്റെ കടമയാണെന്നും ഐസൻകോട്ട് പറഞ്ഞു. രാഷ്ട്രീയ താൽപര്യങ്ങൾക്കായി ഇസ്രയേലിന്റെ സുരക്ഷ ഉപയോഗപ്പെടുത്താൻ ശ്രമിക്കരുതെന്നും നെതന്യാഹുവിനോട് അദ്ദേഹം ആവശ്യപ്പെട്ടു.

വോട്ടെണ്ണൽ പൂർത്തിയാകുന്നതോടെ ഇസ്രയേലിൽ അടുത്ത സർക്കാർ രൂപീകരിക്കാനുള്ള സാധ്യതകൾ കൂടുതൽ വ്യക്തമാകും. പ്രാഥമിക കണക്കുകളിൽ നെതന്യാഹുവിന്റെ പക്ഷം മുന്നിലാണെങ്കിലും, സർക്കാർ രൂപീകരണത്തിന് ആവശ്യമായ 61 സീറ്റുകളുടെ പിന്തുണ ഉറപ്പാക്കാനാകുമോ എന്നതാണ് നിർണായകം.

BREAKING NEWS
‘പപ്പയുടെ മടിയിലിരിക്കുന്ന മമ്മ’; രാജീവ്–സോണിയ ബന്ധത്തെക്കുറിച്ചുള്ള പരാമർശത്തിൽ രാഹുലിനെ ട്രോളി ബിജെപി, ശിവ–പാർവതി ചിത്രം പങ്കുവെച്ച് മറുപടി നൽകി രാഹുൽ; ’മനുഷ്യരെ ദൈവങ്ങളോട് ഉപമിക്കുന്നത് അഹങ്കാരം’: വിമർശിച്ച് അസം മുഖ്യമന്ത്രി
18 Nov 2026
BREAKING NEWS
വീണ്ടും യു​ദ്ധഭീതി; ഇറാനിൽ സ്ഫോടനങ്ങൾ, ഹോർമുസിൽ മിസൈൽ ആക്രമണം, ഖേഷം ദ്വീപിൽ നിന്നും പുകയുയരുന്നതായി റിപ്പോർട്ട്; മനാമയിലും ആശങ്ക; ഹോർമുസിൽ കപ്പലുകൾക്ക് തീപിടിച്ചു, ഇന്ത്യൻ നാവികനെ കാണാതായി; 24 പേർ രക്ഷപ്പെട്ടു
17 Nov 2026
BREAKING NEWS
ഹോർമുസ് കടലിടുക്കിന് മുകളിലൂടെ പറന്ന അമേരിക്കൻ ഡ്രോൺ ഇറാൻ വെടിവെച്ചിട്ടു; മണിക്കൂറുകൾക്കിടെ രണ്ടാമത്തെ ആക്രമണം; പശ്ചിമേഷ്യയിൽ സംഘർഷം മുറുകുന്നു
17 Nov 2026
BREAKING NEWS
’സയൻസ് അറിയാത്ത പൊട്ടന്മാരുടെ സൃഷ്ടി; ചില മഹാന്മാർ കന്നാസിൽ പെട്രോൾ കൊണ്ടുപോയി സ്വയം മിക്സ് ചെയ്തതാണോ എന്നറിയില്ല; ഇ-20 പെട്രോളിൽ ആശങ്ക വേണ്ട,ഇതുവരെ ഒരു പരാതിയുമില്ല, ക്ലെയിമുമില്ല’ വിമർശനങ്ങൾക്ക് സുരേഷ് ഗോപിയുടെ മറുപടി
17 Nov 2026