BREAKING NEWS

തുടക്കം കിടുക്കി…അർധ സെഞ്ചറിയുമായി കളം നിറഞ്ഞ് സഞ്ജു, ന്യൂസീലൻഡിനെതിരായ ട്വന്റി20 പരമ്പരയിൽ ഇന്ത്യയ്ക്ക് വിജയത്തുടക്കം

· · 1 min read
Share: Copied!

ക്രൈസ്റ്റ്ചർച്ച്: മലയാളി താരം സഞ്ജു സാംസണിന്റെ ബാറ്റിങ് കരുത്തിൽ ന്യൂസീലൻഡിനെതിരായ ട്വന്റി20 ഇന്ത്യ വിജയത്തോടെ തുടങ്ങി. ക്രൈസ്റ്റ് ചർച്ചിൽ നടന്ന ആദ്യ മത്സരത്തിൽ നാലു വിക്കറ്റിനാണ് ഇന്ത്യയുടെ വിജയം. ആദ്യം ബാറ്റു ചെയ്ത ന്യൂസീലൻഡ് നാലു വിക്കറ്റ് നഷ്ടത്തിൽ 225 റൺസെടുത്തപ്പോൾ, മറുപടിയിൽ 19.4 ഓവറിൽ ആറു വിക്കറ്റിന് വിജയം ഉറപ്പിച്ചു. 33 പന്തുകൾ നേരിട്ട ഓപ്പണർ സഞ്ജു സാംസൺ നാല് സിക്സുകളും എട്ട് ഫോറുകളും ഉൾപ്പടെ 67 റൺസെടുത്തു.

15 പന്തിൽ 42 റൺസുമായി പുറത്താകാതെനിന്ന നമൻ ധീറിന്റെ പ്രകടനവും ഇന്ത്യൻ വിജയത്തിൽ നിർണായകമായി. ശ്രേയസ് അയ്യർ‍ (28 പന്തിൽ 42), അഭിഷേക് ശർമ (12 പന്തിൽ 29) എന്നിവരും ബാറ്റിങ്ങിൽ തിളങ്ങി. ഇന്നിങ്സിലെ മൂന്നാം പന്തിൽ മാറ്റ് ഹെൻറിയെ അതിർത്തി കടത്തിക്കൊണ്ടാണ് സഞ്ജു തുടങ്ങിയത്. ഇതേ ഓവറിൽ തന്നെ അഭിഷേക് സിക്സടിച്ചെങ്കിലും ആക്രമണത്തിന്റെ ചുമതല സഞ്ജു ഏറ്റെടുത്തു. മൂന്നാം ഓവറിൽ ലോക്കി ഫെർഗൂസനെ തുടർച്ചയായി മൂന്ന് ബൗണ്ടറികൾ കടത്തിയ സഞ്ജു, 23 പന്തുകളിൽനിന്നാണ് അർധ സെഞ്ചുറി കുറിച്ചി. 29 റൺസെടുത്ത അഭിഷേക് ശർമയുടെ വിക്കറ്റ് നഷ്ടമായെങ്കിലും പവർപ്ലേയിൽ 94 റൺസ് കണ്ടെത്താൻ ഇന്ത്യയ്ക്കു സാധിച്ചു. പരമ്പരയിലെ രണ്ടാം മത്സരം ശനിയാഴ്ച ക്രൈസ്റ്റ് ചർച്ചിൽ നടക്കും.

ഇന്ത്യൻ സ്കോർ 115 ൽ നിൽക്കെ മിച്ചൽ സാന്റ്നറുടെ പന്തിൽ ബോൾഡായാണു സഞ്ജു പുറത്താകുന്നത്. തിലക് വർമയും (ആറ്), ഇഷാൻ കിഷനും (ഒന്ന്) വന്നപോലെതന്നെ പോയത് ഇന്ത്യയ്ക്കു തിരിച്ചടിയായി. പിന്നീട് ക്യാപ്റ്റൻ ശ്രേയസ് അയ്യർ തകർത്തടിച്ചതോടെ 17.2 ഓവറിൽ സ്കോർ 200 പിന്നിട്ടു. ആദം മിൽനെയുടെ പന്തിൽ മിച്ചൽ സാന്റ്നർ ക്യാച്ചെടുത്താണ് ശ്രേയസ് പുറത്താകുന്നത്. അവസാന ഓവറിൽ എട്ടു റൺസായിരുന്നു ഇന്ത്യയ്ക്കു ജയിക്കാൻ വേണ്ടിയിരുന്നത്. മാറ്റ് ഹെൻറിയുടെ ആദ്യ പന്ത് ബൗണ്ടറി കടത്തി നിതീഷ് കുമാർ റെഡ്ഡി വിജയലക്ഷ്യം അഞ്ചാക്കി ചുരുക്കി. ഇതേ ഓവറിലെ നാലാം പന്തിൽ മാറ്റ് ഹെൻറിയെ സിക്സർ തൂക്കി നമൻ ധീർ ഇന്ത്യയ്ക്കായി വിജയ റൺസ് കുറിച്ചു. ന്യൂസീലൻഡിനായി മിച്ചൽ ബ്രേസ്‍വെൽ, മിച്ചൽ സാന്റ്നർ എന്നിവർ രണ്ടു വിക്കറ്റുകൾ വീതം വീഴ്ത്തി. ആദം മിൽനെയും ലോക്കി ഫെർഗൂസനും ഓരോ വിക്കറ്റുകളും നേടി.

സ്കൂളില്‍ ജാതി വിവേചനം, സഹപാഠികളും അധ്യാപകരും അകറ്റിനിര്‍ത്തി, മനംനൊന്ത് ദളിത് വിദ്യാര്‍ത്ഥി ആത്മഹത്യ ചെയ്തു

BREAKING NEWS
സ്കൂട്ടറില്‍ ചരക്കുലോറിയിടിച്ചു, ദേഹത്തുകൂടി ടയര്‍ കയറിയിറങ്ങി ഏഴുവയസുകാരന് ദാരുണാന്ത്യം, അമ്മയ്ക്കും സഹോദരനും പരിക്ക്
18 Nov 2026
BREAKING NEWS
രണ്ട് ആണ്‍മക്കളെയും കനാലിലെറിഞ്ഞ് കൊലപ്പെടുത്തി പിതാവ്
18 Nov 2026
BREAKING NEWS
'മനഃപൂർവം ചെയ്തതാണ്, ആരെയും കൊല്ലാനല്ല, ഷോപ്പ് നശിപ്പിക്കാൻ'; കോഴിക്കോട് ഹ്യൂണ്ടായി ഷോറൂമിലേക്ക് അതിവേ​ഗത്തിൽ കാർ ഇടിച്ചു കയറ്റി; ഒഴിവായത് വൻ ദുരന്തം; ജീവനക്കാരെ ആക്രമിച്ചു; ഇടിപ്പിച്ച വാഹനത്തിൽ നാലുപേർ; മൂന്നുപേർ ഓടി രക്ഷപ്പെട്ടു; ഒരാൾ പിടിയിൽ
18 Nov 2026
BREAKING NEWS
ആശുപത്രിക്കെതിരെ വ്യാജവാർത്ത; പിൻവലിക്കാൻ 10 ലക്ഷം വാങ്ങി, ദൃശ്യങ്ങളും ശബ്ദരേഖയും പുറത്ത്; തിരുവനന്തപുരം ഡിസിസി അം​ഗം സുഹൈൽ ഷാജഹാൻ അറസ്റ്റിൽ; പിന്നാലെ നെഞ്ചുവേദന, അഭിനയമെന്ന് പോലീസ്
18 Nov 2026