മുംബൈ: ജൂലൈ 14ന് ആരംഭിക്കു്നന ഇംഗ്ലണ്ടിനെതിരായ ഏകദിന പരമ്പരയ്ക്കുള്ള ഇന്ത്യൻ ടീമിൽ സൂപ്പർ താരം രോഹിത് ശർമ കളിക്കും. ഇന്ത്യൻ പ്രീമിയർ ലീഗ് ഫൈനലിനിടെ പരുക്കേറ്റ വിരാട് കോലിയുടെ ഫിറ്റ്നസ് പരിശോധനകൾ പൂർത്തിയാക്കിയ ശേഷമാകും താരത്തെ കളിപ്പിക്കുന്ന കാര്യത്തിൽ അന്തിമ തീരുമാനമെടുക്കുക. ഞായറാഴ്ചയാണ് മൂന്നു മത്സരങ്ങളുള്ള പരമ്പരയ്ക്കുള്ള ടീം പ്രഖ്യാപിച്ചത്.
അതുപോലെ പരുക്കിന്റെ പിടിയുള്ള മുംബൈ ഇന്ത്യൻസ് താരം ഹാർദിക് പാണ്ഡ്യ ടീമിൽ ഇല്ല. അഫ്ഗാനിസ്ഥാനെതിരെ സെഞ്ചുറി നേടിയ യുവതാരം യശസ്വി ജയ്സ്വാളിനെ ഇംഗ്ലണ്ടിനെതിരെ പരിഗണിച്ചില്ല. മലയാളി താരം സഞ്ജു സാംസണെയും ഒഴിവാക്കി. അതേസമയം കോലിയുടെ മടങ്ങിവരവോടെയാണ് ജയ്സ്വാൾ ടീമിൽനിന്നു പുറത്തായത്.
മൂന്നു വർഷത്തെ ഇടവേളയ്ക്കു ശേഷം പേസർ ജസ്പ്രീത് ബുമ്രയും ഏകദിന ടീമിലേക്കു മടങ്ങിയെത്തി. 2023ലെ ഏകദിന ലോകകപ്പ് ഫൈനലിൽ ഓസ്ട്രേലിയയ്ക്കെതിരെയാണ് ബുമ്ര അവസാനമായി ഏകദിനം കളിച്ചത്. അഫ്ഗാനെതിരെ കളിച്ച പ്രസിദ്ധ് കൃഷ്ണ, ഹർഷിത് റാണ, ഗുർനൂർ ബ്രാർ, അർഷ്ദീപ് സിങ് എന്നിവരും ടീമിലുണ്ട്. ജൂലൈ 14ന് എജ്ബാസ്റ്റനിലാണ് മൂന്നു മത്സരങ്ങളടങ്ങിയ പരമ്പരയ്ക്കു തുടക്കമാകുന്നത്. ട്വന്റി20 പരമ്പരയ്ക്കു ശേഷമാണ് ഇന്ത്യ– ഇംഗ്ലണ്ട് ഏകദിന പോരാട്ടങ്ങൾ ആരംഭിക്കുക.
ഇന്ത്യൻ ടീം– ശുഭ്മൻ ഗിൽ (ക്യാപ്റ്റൻ), രോഹിത് ശർമ, വിരാട് കോലി, ശ്രേയസ് അയ്യർ (വൈസ് ക്യാപ്റ്റൻ), കെ.എൽ. രാഹുൽ, ഇഷാൻ കിഷൻ, വാഷിങ്ടൻ സുന്ദർ, അക്ഷർ പട്ടേൽ, നിതീഷ് കുമാർ റെഡ്ഡി, കുൽദീപ് യാദവ്, ജസ്പ്രീത് ബുമ്ര, പ്രസിദ്ധ് കൃഷ്ണ, ഹർഷിത് റാണ, അർഷ്ദീപ് സിങ്, ഗുർനൂർ ബ്രാർ.
