BREAKING NEWS

‘സൗദി വ്യോമാതിർത്തിയിലൂടെ പോകുന്ന യാത്രാ വിമാനങ്ങൾ ആക്രമിക്കും’- ഹൂതികളുടെ ഭീഷണി; യെമനിൽ പോരാട്ടം രൂക്ഷം; മോക്ക തുറമുഖ നഗരം തിരിച്ചുപിടിച്ചെന്ന് സൗദി സഖ്യസേന

· · 1 min read
Share: Copied!

ദുബായ്: സൗദി വ്യോമാതിർത്തിയിലൂടെ സഞ്ചരിക്കുന്ന യാത്രാ വിമാനങ്ങൾ ആക്രമിക്കുമെന്ന മുന്നറിയിപ്പുമായി യെമനിലെ ഹൂതി വിമതർ. യെമനിൽ ഹൂതികൾ പിടിച്ചെടുത്ത പ്രദേശങ്ങൾ തിരിച്ചുപിടിക്കാൻ സൗദിയുടെ നേതൃത്വത്തിൽ സൈനിക നടപടി ആരംഭിച്ചതിന് പിന്നാലെയാണ് ഹൂതികളുടെ ഭീഷണി. സംഭവത്തിൽ സൗദി ഇതുവരെ പ്രതികരിച്ചിട്ടില്ല.

അതിനിടെ, രൂക്ഷമായ പോരാട്ടത്തിനൊടുവിൽ യെമനിലെ തന്ത്രപ്രധാന തുറമുഖ നഗരമായ മോക്ക തിരിച്ചുപിടിച്ചതായി സൗദി സഖ്യസേന അറിയിച്ചു. ഒരു മാസം മുൻപാണ് ഹൂതി വിമതർ മോക്ക പിടിച്ചെടുത്തത്. മോക്കയുടെ നിയന്ത്രണം നഷ്ടമായതോടെ ചെങ്കടലിലെ നിർണായകമായ ബാബുൽ മൻദിബ് കടലിടുക്കിന്റെ നിയന്ത്രണവും ഹൂതികളുടെ കൈകളിലായിരുന്നു. ബാബുൽ മൻദിബിന്റെ നിയന്ത്രണം തിരിച്ചുപിടിക്കാനുള്ള നീക്കവും സൗദി സഖ്യസേന ശക്തമാക്കിയിട്ടുണ്ട്.

2014 മുതൽ ഹൂതികളുടെ നിയന്ത്രണത്തിലുള്ള യെമൻ തലസ്ഥാനമായ സനാ തിരിച്ചുപിടിക്കാനും ശക്തമായ ആക്രമണമാണ് നടക്കുന്നത്. യെമൻ സേനയ്ക്ക് സൗദിയുടെ നൂറോളം യുദ്ധവിമാനങ്ങൾ പിന്തുണ നൽകുന്നുണ്ട്. തന്ത്രപ്രധാനമായ 324 ലക്ഷ്യങ്ങൾ തകർത്തതായി യെമൻ പ്രസിഡന്റ് റഷാദ് അൽ അലീമി അവകാശപ്പെട്ടു.

‘ഡോൺ ഓഫ് യെമൻ’ എന്ന പേരിലാണ് സൈനിക നടപടി നടത്തുന്നത്. ചെങ്കടലിലെ തന്ത്രപ്രധാന കടലിടുക്കായ ബാബുൽ മൻദിബിന് സമീപമുള്ള ദുബാബ് ജില്ല തിരിച്ചുപിടിക്കാനുള്ള ശ്രമങ്ങളും പുരോഗമിക്കുകയാണ്. ഹൂതികളുടെ സൈനിക കേന്ദ്രങ്ങൾക്കെതിരെ 1,122 ആക്രമണങ്ങൾ നടത്തിയതായി യെമൻ ഭരണകൂടം അറിയിച്ചു.

പീരങ്കി, റോക്കറ്റ് വിക്ഷേപണ കേന്ദ്രങ്ങൾ, പ്രതിരോധ കോട്ടകൾ, സൈനിക നീക്കത്തിനുള്ള പാതകൾ, ആയുധങ്ങൾ എത്തിക്കുന്ന മാർഗങ്ങൾ, സൈനിക കമാൻഡ് കേന്ദ്രങ്ങൾ എന്നിവ ലക്ഷ്യമിട്ടാണ് ആക്രമണം നടത്തിയതെന്നാണ് യെമൻ ഭരണകൂടത്തിന്റെ വിശദീകരണം.

അതിനിടെ, ഇറാന്റെ അനുമതിയില്ലാതെ ഹോർമുസ് കടലിടുക്ക് കടക്കാൻ ശ്രമിച്ച ഇന്ധന ടാങ്കർ റവലൂഷനറി ഗാർഡ് തടഞ്ഞ് തിരിച്ചയച്ചതായും റിപ്പോർട്ടുണ്ട്. മുന്നോട്ടുനീങ്ങിയാൽ ആക്രമിക്കുമെന്ന ആവർത്തിച്ചുള്ള മുന്നറിയിപ്പിനെ തുടർന്നാണ് കപ്പൽ തിരിച്ചുപോയത്.

BREAKING NEWS
വിളിച്ചുവരുത്തി വകവരുത്തി... വനിതാ ഹെഡ് കോൺസ്റ്റബിൾ പ്രണയബന്ധം അവസാനിപ്പിക്കാൻ ആ​ഗ്രഹിച്ചു, എഎസ്ഐ വഴങ്ങിയില്ല, വീട്ടിലേക്ക് വിളിച്ചുവരുത്തി കൊലപ്പെടുത്തി, സഹോദരനേയും ബന്ധുവിനേയും കൂട്ടി മൃതദേഹം വനത്തിലെത്തിച്ച് കാറിലിട്ട് കത്തിച്ചു!! നാലുപേർ അറസ്റ്റിൽ, തീ ആളിപ്പടരുന്നതിനിടെ യുവതിക്കും പൊള്ളലേറ്റു
18 Nov 2026
BREAKING NEWS
സാവരിയ ബസന്ത് കൊല്ലപ്പെട്ട കേസ്, ഉസ്ബക്കിസ്ഥാനിൽ സഹപാഠിക്ക് എട്ടരവർഷം തടവ്, ഒരേ കുറ്റകൃത്യത്തിന് രണ്ടു രാജ്യങ്ങളിൽ വിചാരണ നടത്തുന്നതിൽ നിയമപരമായ പരിമിതി, സംസ്ഥാന ക്രൈംബ്രാഞ്ച് അന്വേഷണം അവസാനിപ്പിക്കാൻ നീക്കം
18 Nov 2026
BREAKING NEWS
സിഎംആർഎൽ- എക്സാലോജിക്... ഒന്നാംഘട്ട കുറ്റപത്രം ഉടൻ കോടതിയിൽ!! മുഹമ്മദ് റിയാസിന്റെ സുഹൃത്തുക്കളെ ചോദ്യം ചെയ്യാൻ ഇ.ഡി, 3 പേർക്ക് സമൻസ്, ഈ മാസം അവസാനം ഹാജരാകാൻ നിർദേശം
18 Nov 2026
BREAKING NEWS
"അവൻ വിഡ്ഢിയാണ്, പക്ഷേ ഞാൻ ക്യാപ്റ്റനാണ്, എന്റെ അഹങ്കാരത്തിന് വഴങ്ങുകയാണെങ്കിൽ അവന്റെ ബാഗുകൾ പാക്ക് ചെയ്ത് ഇപ്പോൾ തന്നെ വീട്ടിലേക്ക് അയക്കാം, എന്നാൽ ചെന്നൈയെ വിജയിപ്പിക്കാൻ അവന് കഴിയും, അതുകൊണ്ട് എന്റെ അഭിമാനവും അഹങ്കാരവും മാറ്റിവെച്ച് അവനെ തുടർന്നും കളിപ്പിക്കും," 2023 ഐപിഎല്ലിലെ സംഭവം വെളിപ്പെ...
18 Nov 2026