BREAKING NEWS

ഭാര്യയ്ക്ക് ബന്ധുക്കളില്ല, തന്റെ മരണശേഷം ആര് നോക്കുമെന്ന് ആശങ്ക, പിറകിലൂടെ ചെന്ന് ഭാര്യയെ കഴുത്തുഞെരിച്ച് കൊന്ന് ഭര്‍ത്താവ്, പിന്നാലെ അയല്‍വാസിയെ വിളിച്ച് കുറ്റസമ്മതം, 75കാരന്‍ അറസ്റ്റില്‍, പ്രതിക്ക് മാനസിക പ്രശ്നമുണ്ടെന്ന് പൊലീസ്

· · 1 min read
Share: Copied!

ബെംഗളൂരു: ഭാര്യയെ കഴുത്തുഞെരിച്ച് കൊലപ്പെടുത്തിയ കേസില്‍ മുന്‍ ഐ.എസ്.ആര്‍.ഒ ജീവനക്കാരനെ പൊലീസ് അറസ്റ്റ് ചെയ്തു.  ബെംഗളൂരുവിലെ അലവഹള്ളിയിലുള്ള അപാര്‍ട്ട്‌മെന്റിലാണ് നടുക്കുന്ന കൊലപാതകം നടന്നത്. സന്ധ്യ ശ്രീ എന്ന സ്ത്രീയാണ് മരിച്ചത്. ഇവരുടെ ഭര്‍ത്താവ് നാഗേശ്വര്‍ റാവു (75) ആണ് അറസ്റ്റിലായത്. ബുധനാഴ്ച രാവിലെ 11 മണിയോടെയായിരുന്നു സംഭവം.

അടുക്കളയിലായിരുന്ന സന്ധ്യയെ പിറകിലൂടെ ചെന്ന് ടവല്‍ ഉപയോഗിച്ച് കഴുത്തുഞെരിച്ച് കൊലപ്പെടുത്തുകയായിരുന്നുവെന്നാണ് പൊലീസ് പറയുന്നത്. പിന്നീട്, അതേ അപ്പാര്‍ട്ട്‌മെന്റില്‍ താമസിക്കുന്ന ഒരാളെ വിളിച്ച് ഭാര്യയെ താന്‍ കൊലപ്പെടുത്തിയതായി അറിയിച്ചു. തുടര്‍ന്ന് അതേ അപ്പാര്‍ട്ട്‌മെന്റില്‍ താമസിക്കുന്ന ഒരു ഡോക്ടര്‍ എത്തി മരണം സ്ഥിരീകരിക്കുകയും പൊലീസിനെ വിവരം അറിയിക്കുകയുമായിരുന്നു.

സന്ധ്യയ്ക്ക് ബന്ധുക്കള്‍ ഇല്ലെന്നും താന്‍ മരിച്ചാല്‍ ഭാര്യയെ ആര് നോക്കുമെന്ന ആശങ്കയിലാണ് കൊലപാതകം നടത്തിയതെന്നും ഇയാള്‍ പൊലീസിന് മൊഴി നല്‍കിയിട്ടുണ്ട്. നാഗേശ്വര്‍ റാവുവിന് മാനസികവെല്ലുവിളി യുണ്ടെന്ന സംശയത്തിലാണ് പൊലീസ്.ഇയാളുടെ പെരുമാറ്റത്തില്‍ അസ്വഭാവികതയുണ്ടെന്നും വൈദ്യപരിശോധന പൂര്‍ത്തിയാവുന്നതോടെ ഇക്കാര്യത്തില്‍ വ്യക്തത വരുമെന്നുമാണ് പൊലീസ് പറയുന്നത്. അന്വേഷണത്തില്‍ ദമ്പതികള്‍ക്ക് അമേരിക്കയില്‍ താമസിക്കുന്ന ഒരു മകളുണ്ടെന്ന് അറിയാന്‍ കഴിഞ്ഞു. ഇത് പ്രതിയുടെ മൊഴിക്ക് വിപരീതമാണെന്നു പൊലീസ് ചൂണ്ടിക്കാട്ടുന്നു. സംഭവത്തില്‍ പൊലീസ് അന്വേഷണം ആരംഭിച്ചു.

BREAKING NEWS
കുഞ്ഞ് കരഞ്ഞത് ഇഷ്ടപ്പെട്ടില്ല, കുട്ടിയെ പിടിച്ചുവലിച്ച് മുഖം തറയില്‍ അടിച്ചു, രണ്ടാമത്തെ അടിയോടെ അനക്കം ഇല്ലാതായി, തടയാന്‍ ശ്രമിച്ച മൂത്തമകളെയും മര്‍ദിച്ചു, ഒന്നരവയസുകാരിയുടെ കൊലപാതകത്തില്‍ കൂടുതല്‍ വിവരങ്ങള്‍ പുറത്ത്
16 Nov 2026
BREAKING NEWS
താന്‍മാത്രം മന്ത്രിയായി ഇരുന്നാല്‍ മതിയോയെന്ന് സഖാക്കള്‍ ചോദിക്കുന്ന അവസ്ഥയുണ്ടാക്കരുത്, കോര്‍പ്പറേഷന്‍ നിയമനങ്ങള്‍ അടിയന്തരമായി നടത്തണം, യുഡിഎഫിന്റെ ഭാഗത്തുനിന്ന് മാന്യതയുണ്ടാകുമെന്നാണ് കരുതുന്നത്- ഷിബു ബേബി ജോണ്‍
16 Nov 2026
BREAKING NEWS
മൂന്ന് പേരുടെ ജീവനെടുത്ത നെടുമ്പാശേരി മിനികൂപ്പർ അപകടം; ഒന്നാം പ്രതി സുഹൈൽ ഇന്ന് പുറത്തിറങ്ങും, കോടതി ആവശ്യപ്പെട്ട 10 ദിവസത്തെ ജയിൽവാസം പൂർത്തിയായി
16 Nov 2026
BREAKING NEWS
മാർക്കറ്റ് ഗേറ്റ് ചാടിക്കടന്ന് അടക്ക മോഷണം; 3.64 ലക്ഷം രൂപയുടെ 16 ചാക്ക് കവർന്ന പ്രായപൂർത്തിയാകാത്ത രണ്ടുപേരടക്കം അഞ്ചംഗ സംഘം പിടിയിൽ
16 Nov 2026