തിരുവനന്തപുരം മെഡിക്കൽ കോളേജിലെ മാൻഹോളിൽ ഭ്രൂണം; കണ്ടെത്തിയത് ശുചീകരണ തൊഴിലാളികൾ
തിരുവനന്തപുരം: തിരുവനന്തപുരം മെഡിക്കൽ കോളേജ് ആശുപത്രിയിലെ മാൻഹോളിൽനിന്ന് ഭ്രൂണം കണ്ടെത്തി. ഓട വൃത്തിയാക്കുന്നതിനിടെ ശുചീകരണ തൊഴിലാളികളാണ് ഭ്രൂണം കണ്ടെത്തിയത്. ആശുപത്രിയിലെ രണ്ടാം വാർഡിന് സമീപമുള്ള മാൻഹോളിലായിരുന്നു സംഭവം.
ഭ്രൂണം കണ്ടെത്തിയ ഉടൻ തൊഴിലാളികൾ ആശുപത്രി അധികൃതരെ വിവരമറിയിച്ചു. തുടർന്ന് പോലീസ് സ്ഥലത്തെത്തി പരിശോധന നടത്തി. ഭ്രൂണം എങ്ങനെ മാൻഹോളിലെത്തി, ആരാണ് ഉപേക്ഷിച്ചത് തുടങ്ങിയ കാര്യങ്ങളിൽ പോലീസ് അന്വേഷണം ആരംഭിച്ചു.
