BREAKING NEWS

ഉറങ്ങിക്കിടക്കുകയായിരുന്ന 11 കാരി മകളെ നാലുതവണ ക്രൂരമായി ബലാത്സം​ഗം ചെയ്തു, ആരോടെങ്കിലും പറഞ്ഞാൽ കൊന്നുകളയുമെന്ന് ഭീഷണി!! അമ്മയുടെ പരാതിയിൽ അറസ്റ്റിലായ 46 കാരന് 178 വർഷം തടവ്, 10 ലക്ഷം പിഴ, വിധിയെത്തിയത് ഭിന്നശേഷിക്കാരിയായ അയൽക്കാരിയെ വീട്ടിൽ കയറി പീഡിപ്പിച്ച കേസിൽ ശിക്ഷയനുഭവിക്കവേ

· · 1 min read
Share: Copied!

മലപ്പുറം: അരീക്കോട്ട് മകളെ ക്രൂരമായി ബലാത്സംഗംചെയ്ത കേസിലും കൊല്ലുമെന്ന് ഭീഷണിപ്പെടുത്തിയ കേസിലും പിതാവിന് 178 വർഷം തടവ് വിധിച്ച് കോടതി. 2022-23 കാലയളവിൽ 11 വയസുകാരിയെ പിതാവ് ലൈംഗികമായി പീഡിപ്പിച്ചു എന്നാണ് കേസ്. വിവിധ വകുപ്പുകളിലായാണ് മഞ്ചേരി പോക്‌സോ കോടതി പ്രതിക്ക് 178 വർഷം ശിക്ഷ വിധിച്ചത്. ശിക്ഷാ കാലയളവിൽ ഒരു വർഷം കഠിനതവിനും വിധിച്ചിട്ടുണ്ട്. 10 ലക്ഷത്തിലധികം രൂപ പിഴയും വിധിച്ചിട്ടുണ്ട്.

നിലവിൽ പ്രതി മറ്റൊരു ബലാത്സംഗക്കേസിൽ ശിക്ഷിക്കപ്പെട്ട് ജയിലിൽ കഴിയുകയാണ്. അയൽവാസിയും ഭിന്നശേഷിക്കാരിയുമായ യുവതിയെ വീട്ടിൽ അതിക്രമിച്ച് കയറി ബലാത്സംഗം ചെയ്ത കേസിലാണ് ഇയാൾ ജയിലിലായത്. ഈ കേസിൽ മഞ്ചേരി കോടതിയിൽനിന്നും 10 വർഷം കഠിന തടവിനാണ് ഇയാൾക്ക് ശിക്ഷ ലഭിച്ചത്. ജയിലിൽ ആയിരിക്കെയാണ് 11-കാരിയെ ബലാത്സംഗംചെയ്ത കേസിൽ വിചാരണ നടന്നത്.

അതേസമയം മകൾ കുടുംബത്തിനൊപ്പം താമസിച്ചിരുന്ന വീട്ടിൽവെച്ചാണ് പ്രതി അതിക്രമം നടത്തിയത്. 2022 ജൂൺ മാസത്തിലാണ് ആദ്യമായി അതിക്രമം നടന്നത്. 46-കാരനായ പിതാവ് കുട്ടി രാത്രി ഉറങ്ങിക്കിടന്നിരുന്ന സമയത്താണ് ബലാത്സംഗം ചെയ്തത്. ആരോടെങ്കിലും പറഞ്ഞാൽ കൊന്നുകളയുമെന്നും ഇയാൾ കുട്ടിയെ ഭീഷണിപ്പെടുത്തിയിരുന്നു. പിന്നീട് മൂന്ന് തവണകൂടി ഇയാൾ കുട്ടിയോട് ക്രൂരത ആവർത്തിച്ചു.

എന്നാൽ വിവരം മനസിലാക്കിയ കുട്ടിയുടെ അമ്മയാണ് അരീക്കോട് പോലീസിൽ പരാതി നൽകിയത്. കേസിൽ അന്വേഷണം നടത്തിയ പോലീസ് കുട്ടിയുടെ അച്ഛനെ അറസ്റ്റ് ചെയ്യുകയായിരുന്നു. പോക്‌സോ നിയമത്തിലെ ബലാത്സംഗം, അതിക്രമിച്ച് കടക്കൽ, ഭീഷണിപ്പെടുത്തൽ ഉൾപ്പെടെയുള്ള വകുപ്പുകളിലാണ് കോടതി ഇത്രയും വർഷം തടവ് വിധിച്ചിരിക്കുന്നത്.
സംരക്ഷിക്കേണ്ട പിതാവ് തന്നെ കുട്ടിയെ ഉപദ്രവിച്ചത് ഒരുതരത്തിലും അംഗീകരിക്കാനാവില്ല എന്ന് ചൂണ്ടിക്കാട്ടിയാണ് കോടതി പ്രതിക്ക് 178 വർഷം ശിക്ഷ വിധിച്ചത്. പ്രതിക്ക് ഏതെങ്കിലും തരത്തിലുള്ള ശിക്ഷാ ഇളവിന് അർഹനല്ലെന്നും കോടതി കൂട്ടിച്ചേർത്തു. അതേസമയം, പ്രതി ശിക്ഷ ഒരുമിച്ച് അനുഭവിച്ചാൽ മതിയാകും, അങ്ങനെയെങ്കിൽ 40 വർഷം ഇയാൾ ജയിലിൽ കഴിഞ്ഞാൽ മതിയാകും.

BREAKING NEWS
വീണ്ടും യു​ദ്ധഭീതി; ഇറാനിൽ സ്ഫോടനങ്ങൾ, ഹോർമുസിൽ മിസൈൽ ആക്രമണം, ഖേഷം ദ്വീപിൽ നിന്നും പുകയുയരുന്നതായി റിപ്പോർട്ട്; മനാമയിലും ആശങ്ക; ഹോർമുസിൽ കപ്പലുകൾക്ക് തീപിടിച്ചു, ഇന്ത്യൻ നാവികനെ കാണാതായി; 24 പേർ രക്ഷപ്പെട്ടു
17 Nov 2026
BREAKING NEWS
ഹോർമുസ് കടലിടുക്കിന് മുകളിലൂടെ പറന്ന അമേരിക്കൻ ഡ്രോൺ ഇറാൻ വെടിവെച്ചിട്ടു; മണിക്കൂറുകൾക്കിടെ രണ്ടാമത്തെ ആക്രമണം; പശ്ചിമേഷ്യയിൽ സംഘർഷം മുറുകുന്നു
17 Nov 2026
BREAKING NEWS
’സയൻസ് അറിയാത്ത പൊട്ടന്മാരുടെ സൃഷ്ടി; ചില മഹാന്മാർ കന്നാസിൽ പെട്രോൾ കൊണ്ടുപോയി സ്വയം മിക്സ് ചെയ്തതാണോ എന്നറിയില്ല; ഇ-20 പെട്രോളിൽ ആശങ്ക വേണ്ട,ഇതുവരെ ഒരു പരാതിയുമില്ല, ക്ലെയിമുമില്ല’ വിമർശനങ്ങൾക്ക് സുരേഷ് ഗോപിയുടെ മറുപടി
17 Nov 2026
BREAKING NEWS
'ചുണ്ടിൽ ഒരു ഉമ്മ തരൂ, പ്ലീസ്, ഒരു ഉമ്മ തരൂ'; പിന്നെ ഫോട്ടോയെടുക്കണമെന്ന ആവശ്യം, തീർന്നില്ല; ഷേക്ക് ഹാൻഡിനായി കൈ നീട്ടി; വിദേശ വനിതയെ ശല്യം ചെയ്ത യുവാവ് അറസ്റ്റിൽ; വീഡിയോ പങ്കുവച്ച് യുവതി
17 Nov 2026