ചേര്‍ത്തല: ഗൃഹനാഥയുടെ മരണം കൊലപാതകമെന്ന് സംശയം. ഭര്‍ത്താവ് സോണിയെ പോലീസ് കസ്റ്റഡിയിലെടുത്തു. മൃതദേഹം കല്ലറ തുറന്ന് പുറത്തെടുത്തു. ചേർത്തല നഗരസഭയിലെ പണ്ടകശാല പറമ്പിൽ സോണിയുടെ ഭാര്യ സജി (46) ആണ് ഞായറാഴ്ച രാവിലെ എട്ടിന് ആലപ്പുഴ മെഡിക്കൽ കോളജ് ആശുപത്രിയിൽ മരിച്ചത്. കഴിഞ്ഞ ഞായറാഴ്ചയാണ് സജിയെ സെന്‍റ്. മോരീസ് ഫൊറോന പള്ളി സെമിത്തേരയില്‍ സംസ്കാരം നടത്തിയത്.
ഒരു മാസം മുന്‍പാണ് വീട്ടില്‍ വീണ് പരിക്കേറ്റ് സജി ആശുപത്രിയില്‍ ചികിത്സ തേടിയത്. അമ്മയുടെ മരണത്തിൽ ദുരൂഹതയുണ്ടെന്ന് ആരോപിച്ച് മകൾ ചേർത്തല പോലീസിൽ പരാതി നൽകിയിരുന്നു. ഇതേതുടര്‍ന്നുള്ള അന്വേഷണത്തിലാണ് ഭർത്താവ് സോണിയെ കസ്റ്റഡിയിലെടുത്തത്. ഇന്ന് വൈകീട്ടോടെ തഹസിൽദാർ കെ.ആർ.മനോജ്, എഎസ്പി ഹരീഷ് ജയിൻ എന്നിവരുടെ നേതൃത്വത്തിലാണ് കല്ലറ പൊളിച്ച് മൃതദേഹം പുറത്തെടുത്തത്. ഇനി മൃതദേഹം പോസ്റ്റ്‌മോർട്ടത്തിന് വിധേയമാക്കും.
