ഇന്ദിരാഗാന്ധി അടിയന്തരാവസ്ഥക്കാലത്തുപോലും ഇത്തരമൊരു നടപടി സ്വീകരിച്ചിട്ടില്ല,.. വരൂ, ഞാൻ അറസ്റ്റ് ചെയ്യപ്പെടാൻ വേണ്ടിയാണ് വന്നത്, എന്നെ അറസ്റ്റ് ചെയ്യൂ,…ദീപ്‌കെ, സിജെപി അഭിഭാഷകയെ വീട്ടിലെത്തി കസ്റ്റഡിയിലെടുക്കാൻ ശ്രമം, ഇതുവരെ 1,100 പേർ കസ്റ്റഡിയിൽ
ന്യൂഡൽഹി: മുഖ്യ തെരഞ്ഞെടുപ്പ് കമ്മിഷണർ ഗ്യാനേഷ് കുമാറിന്റെ രാജിയാവശ്യപ്പെട്ടും SIR വിഷയത്തിലും ഡൽഹിയിലെ ജന്തർ മന്തറിൽ നടത്താനിരുന്ന പ്രതിഷേധത്തിന് മുന്നോടിയായി കോക്ക്റോച്ച് ജനതാ പാർട്ടി (സിജെപി) നേതാക്കളെ ഡൽഹി പോലീസ് കസ്റ്റഡിയിലെടുത്തു. ശനിയാഴ്ച ഇന്ദിരാഗാന്ധി അന്താരാഷ്ട്ര വിമാനത്താവളത്തിൽ വിമാനം ഇറങ്ങിയതിന് പിന്നാലെയാണ് പാർട്ടി നേതാക്കളായ അഭിജീത് ദിപ്‌കെ, സൗരവ് ദാസ്, ആശുതോഷ് റങ്ക എന്നിവരെ പോലീസ് കസ്റ്റഡിയിലെടുത്തത്. വിമാനത്തിനുള്ളിൽ കയറി തന്നെ അറസ്റ്റ് ചെയ്യാൻ പോലീസ് ശ്രമിച്ചെന്ന് അഭിജീത് ദിപ്‌കെ ആരോപിച്ചു.
പാർട്ടി എക്സിൽ പങ്കുവെച്ച വിഡിയോയിൽ, മുൻ പ്രധാനമന്ത്രി ഇന്ദിരാഗാന്ധി അടിയന്തരാവസ്ഥക്കാലത്തുപോലും ഇത്തരമൊരു നടപടി സ്വീകരിച്ചിട്ടില്ലെന്ന് ദീപ്‌കെ പറയുന്നത് കേൾക്കാം. നരേന്ദ്ര മോദി സർക്കാരിനെതിരായ വിമർശനവും അദ്ദേഹം ഉന്നയിച്ചു.
വിമാനത്തിനുള്ളിൽ ഡൽഹി പോലീസ് കയറി തന്നെ കസ്റ്റഡിയിലെടുക്കാൻ ശ്രമിക്കുകയാണെന്ന് ദീപ്‌കെ വീഡിയോയിൽ ആരോപിച്ചു. വിമാനം ഇറങ്ങിയ ഉടൻ പോലീസ് ഉദ്യോഗസ്ഥർ വിമാനത്തിന്റെ ഇടനാഴിയിൽ നിലയുറപ്പിച്ചെന്നും തന്നെ വിമാനത്തിനുള്ളിൽനിന്ന് പിടിച്ചുകൊണ്ടുപോകാൻ ശ്രമിച്ചെന്നുമാണ് അദ്ദേഹത്തിന്റെ വാദം.
Related Post
“ഡൽഹി പോലീസ് ഞങ്ങളെ അറസ്റ്റ് ചെയ്യാനായി വിമാനത്തിനുള്ളിലേക്ക് കയറുന്നത് നിങ്ങൾക്ക് കാണാം. ഞങ്ങൾ ഇപ്പോൾ മാത്രമാണ് ഇറങ്ങിയത്. പോലീസ് ഉദ്യോഗസ്ഥരെല്ലാം വിമാനത്തിന്റെ ഇടനാഴിയിൽ നിൽക്കുകയാണ്. വിമാനത്തിനുള്ളിൽനിന്ന് തന്നെ ഞങ്ങളെ അറസ്റ്റ് ചെയ്യാനാണ് ശ്രമം. ഇതാണ് നരേന്ദ്ര മോദിയുടെ ഭയം,” ദീപ്‌കെ പറഞ്ഞു.
“അടിയന്തരാവസ്ഥക്കാലത്ത് പോലും ഇന്ദിരാഗാന്ധി ഇങ്ങനെയൊന്നും ചെയ്തിട്ടില്ല. ഞങ്ങൾ ആവശ്യപ്പെട്ടത് സമാധാനപരമായ പ്രതിഷേധം നടത്താൻ മാത്രമാണ്. എന്നാൽ കുറ്റവാളികളെപ്പോലെ വിമാനത്തിൽനിന്ന് തന്നെ ഞങ്ങളെ പിടിച്ചുകൊണ്ടുപോകുകയാണ്,” എന്നും അദ്ദേഹം ആരോപിച്ചു.
#WATCH | Delhi Police personnel enter the aircraft that was carrying Cockroach Janta Party (CJP) Founder Abhijeet Dipke to Delhi. The flight landed at IGI Airport a few minutes ago.
“…I have come here to be arrested; arrest me,” Abhijeet Dipke tells Delhi Police
“No, this is not an arrest. Please cooperate,” Delhi Police personnel tell him.
— ANI (@ANI) October 10, 2026
മറ്റൊരു വീഡിയോയിൽ രാജ്യത്തിന്റെ പോക്ക് എങ്ങോട്ടാണെന്ന് ഇതിലൂടെ വ്യക്തമാകുന്നുവെന്നും ദീപ്‌കെ പറഞ്ഞു. വിമാനത്തിൽനിന്ന് നേരിട്ട് അറസ്റ്റ് ചെയ്യാനാണ് പോലീസ് എത്തിയിരിക്കുന്നതെന്നും അദ്ദേഹം ആരോപിച്ചു. “ഇത് ഏകാധിപത്യമാണ്. ഡൽഹി പോലീസ് വിമാനത്തിനുള്ളിൽ കയറി ഞങ്ങളെ അറസ്റ്റ് ചെയ്യാൻ ശ്രമിക്കുകയാണ്. വരൂ, അറസ്റ്റ് ചെയ്യൂ. അറസ്റ്റ് ചെയ്യപ്പെടാനാണ് ഞങ്ങൾ ഇവിടെ വന്നിരിക്കുന്നത്. നിങ്ങളെ ഞങ്ങൾക്ക് ഭയമില്ല,” ദിപ്‌കെ വിഡിയോയിൽ പറഞ്ഞു.
“ഞാൻ അറസ്റ്റ് ചെയ്യപ്പെടാൻ വേണ്ടിയാണ് വന്നത്. എന്നെ അറസ്റ്റ് ചെയ്യൂ,” എന്ന് ദീപ്‌കെ ആവശ്യപ്പെടുന്നതും വീഡിയോയിലുണ്ട്. എന്നാൽ, “ഇത് അറസ്റ്റല്ല. ദയവായി സഹകരിക്കൂ,” എന്ന് ഒരു പോലീസ് ഉദ്യോഗസ്ഥൻ മറുപടി നൽകുന്നതും ദൃശ്യങ്ങളിൽ കേൾക്കാം. അഭിഭാഷകയെയും കസ്റ്റഡിയിലെടുക്കാൻ ശ്രമമെന്നും ആരോപണമുണ്ട്. പാർട്ടിയുടെ നിയമവിഭാഗം മേധാവി രത്ന സിങ്ങിനെയും പോലീസ് കസ്റ്റഡിയിലെടുക്കാൻ ശ്രമിച്ചതായി സിജെപി ആരോപിച്ചു. കാറിൽ വീട്ടിൽനിന്ന് പുറത്തുപോകാൻ ശ്രമിക്കുന്നതിനിടെ പോലീസ് ഉദ്യോഗസ്ഥർ എത്തിയെന്നാണ് രത്ന സിങ്ങിന്റെ ആരോപണം.
രാവിലെ പോലീസ് ഉദ്യോഗസ്ഥർ വീട്ടിലെത്തിയെന്നും താൻ അവിടെയില്ലെന്ന് അവരോട് അറിയിച്ചിരുന്നുവെന്നും രത്ന സിങ് വീഡിയോയിൽ പറയുന്നു. തന്നെ കസ്റ്റഡിയിലെടുക്കാനുള്ള ഔദ്യോഗിക ഉത്തരവോ രേഖയോ ഉണ്ടോയെന്ന് ചോദിച്ചെങ്കിലും ഒന്നും കാണിച്ചില്ലെന്നും അവർ ആരോപിച്ചു. “രാവിലെ അവർ എന്റെ വീട്ടിലെത്തി. ഞാൻ വീട്ടിലില്ലെന്ന് അവരോട് പറഞ്ഞു. ഔദ്യോഗിക അറിയിപ്പോ ഉത്തരവോ ഉണ്ടോയെന്ന് ഞങ്ങൾ ചോദിച്ചു. അവരുടെ കൈയിൽ ഒന്നുമില്ല. ‘നിങ്ങളെ കസ്റ്റഡിയിലെടുക്കണം, മുകളിൽനിന്ന് ഉത്തരവുണ്ട്’ എന്ന് മാത്രമാണ് അവർ പറഞ്ഞത്. ആരാണ് ആ ഉത്തരവ് നൽകിയതെന്ന് എനിക്കറിയില്ല,” രത്ന സിങ് പറഞ്ഞു.
കാറിൽനിന്ന് പുറത്തിറങ്ങി വീട്ടിൽ തുടരണമെന്ന് പോലീസ് ഉദ്യോഗസ്ഥർ ആവശ്യപ്പെട്ടതായും ഇത് നിയമവിരുദ്ധമായ തടങ്കലാണെന്നും അവർ ആരോപിച്ചു. യൂട്യൂബർ ധ്രുവ് റാത്തിയെയും ഗുരുഗ്രാമിലെ സെക്ടർ 56-ലുള്ള വസതിയിൽനിന്ന് കസ്റ്റഡിയിലെടുത്തതായി റിപ്പോർട്ടിൽ പറയുന്നു.
1,100-ലധികം പേർ കസ്റ്റഡിയിൽ
പ്രതിഷേധം തടയുന്നതിനായി ഡൽഹിയിൽ സുരക്ഷ ശക്തമാക്കിയതായി പോലീസ് അറിയിച്ചു. ഇതുവരെ 1,100-ലധികം പേരെ കസ്റ്റഡിയിലെടുത്തതായാണ് കണക്ക്. ഇതിൽ 600-ഓളം പേരെ മുൻകരുതൽ നടപടിയുടെ ഭാഗമായി കസ്റ്റഡിയിലെടുത്തപ്പോൾ 500-ലധികം പേരെ നഗരത്തിന്റെ വിവിധ ഭാഗങ്ങളിൽനിന്നാണ് കസ്റ്റഡിയിലെടുത്തത്. ന്യൂഡൽഹി ജില്ലയെ 20 പ്രവർത്തന മേഖലകളായി വിഭജിച്ചാണ് സുരക്ഷാ ക്രമീകരണങ്ങൾ നടപ്പാക്കിയത്. ഓരോ മേഖലയിലും ആളുകളെ കസ്റ്റഡിയിലെടുത്ത് പാർപ്പിക്കുന്നതിനായി പ്രത്യേക കേന്ദ്രങ്ങളും നിശ്ചയിച്ചു. നഗരത്തിന്റെ വിവിധ ഭാഗങ്ങളിൽ പോലീസ് ഉദ്യോഗസ്ഥരെ വിന്യസിച്ചതിനൊപ്പം ഡൽഹിയിലേക്കുള്ള പ്രവേശനകവാടങ്ങളിലും നിരീക്ഷണം ശക്തമാക്കി.
സുരക്ഷാ നടപടികളുടെ ഭാഗമായി 46 മെട്രോ സ്റ്റേഷനുകൾ അടച്ചിട്ടു. ജൂലൈ 20-ന് നടന്ന പ്രതിഷേധങ്ങൾ ആവർത്തിക്കാതിരിക്കാനാണ് ഇത്തവണ വിപുലമായ സുരക്ഷാ ക്രമീകരണങ്ങൾ ഏർപ്പെടുത്തിയതെന്നാണ് അധികൃതരുടെ വിശദീകരണം.
Abhijeet Dipke DETAINED!
Saurav Das DETAINED!
Ashutosh Ranka DETAINED!To save his traitor friend, the dictator has declared war against his own citizens! https://t.co/cUGrdetlx2
— Cockroach Janta Party – CJP (@Cockroachisback) October 10, 2026