കൊച്ചി: അൻവർ സാദത്ത് എംഎൽഎയെ സമൂഹമാധ്യമങ്ങളിലൂടെ വധഭീഷണി മുഴക്കിയ സംഭവത്തിൽ കവർച്ചാക്കേസ് പ്രതിക്കെതിരെ പോലീസ് കേസെടുത്തു. ആലുവ റെയിൽവേ സ്റ്റേഷനിലേക്ക് പോയ യാത്രക്കാരനെ ആക്രമിച്ച കേസിലെ മൂന്നാം പ്രതിയായ മേയ്ക്കാട് സ്വദേശി ജോബിക്കെതിരെയാണ് സൈബർ പോലീസ് നടപടി സ്വീകരിച്ചത്.
കവർച്ചാക്കേസിൽ ജാമ്യത്തിലിറങ്ങിയതിന് പിന്നാലെയാണ് ജോബി ഫേസ്ബുക്കിലൂടെ എംഎൽഎയ്ക്കെതിരെ ഭീഷണി മുഴക്കിയത്. എംഎൽഎയെ കൊലപ്പെടുത്തുമെന്നായിരുന്നു ഭീഷണി. കവർച്ചാക്കേസ് പ്രതികൾക്ക് ശിക്ഷ ഉറപ്പാക്കണമെന്ന് അൻവർ സാദത്ത് മാധ്യമങ്ങളോട് പ്രതികരിച്ചതാണ് ജോബിയെ പ്രകോപിപ്പിച്ചതെന്നാണ് വിവരം.
സംഭവത്തിൽ സൈബർ പോലീസ് കേസെടുത്ത് തുടർനടപടികൾ ആരംഭിച്ചു.
