BREAKING NEWS

‘സുരേഷ് ബാബുവിനെതിരായ പരാതി സിപിഎം പൊലീസിൽ നൽകണം, ഒതുക്കി തീർക്കരുത്’; പാർട്ടി നടപടിക്കെതിരെ വിമർശനം

· · 1 min read
Share: Copied!

പാലക്കാട്: സിപിഎം മുൻ പാലക്കാട് ജില്ലാ സെക്രട്ടറി ഇ.എൻ. സുരേഷ് ബാബുവിനെതിരെ ഉയർന്ന പരാതിയിൽ പാർട്ടി തലത്തിൽ മാത്രം നടപടി ഒതുക്കരുതെന്നും പരാതി പൊലീസിന് കൈമാറണമെന്നും ആവശ്യം. സുരേഷ് ബാബുവിനെതിരെ ഗുരുതര ആരോപണങ്ങളുമായി യുവതി പാർട്ടി നേതൃത്വത്തിന് പരാതി നൽകിയെന്ന വിവരങ്ങൾ പുറത്തുവന്ന സാഹചര്യത്തിലാണ് ആവശ്യം ശക്തമാകുന്നത്. പരാതിക്കൊപ്പം ഡിജിറ്റൽ തെളിവുകളും കൈമാറിയതായാണ് റിപ്പോർട്ടുകൾ.

സുരേഷ് ബാബുവിനെ ജില്ലാ സെക്രട്ടറി സ്ഥാനത്തുനിന്ന് മാറ്റിയതിന് പിന്നാലെ അദ്ദേഹത്തിനെതിരെ കൂടുതൽ പാർട്ടി നടപടികൾ ഉണ്ടായേക്കുമെന്ന റിപ്പോർട്ടുകളും പുറത്തുവരുന്നുണ്ട്. പ്രാഥമിക അംഗത്വത്തിൽനിന്ന് പുറത്താക്കുന്നതടക്കമുള്ള നടപടികൾ നേതൃത്വം പരിഗണിക്കുന്നതായാണ് വിവരം. എന്നാൽ ആരോപണങ്ങൾ നിയമപരമായി അന്വേഷിക്കേണ്ടതുണ്ടെന്നും അതിനാൽ പരാതി പൊലീസിന് നൽകുകയാണ് വേണ്ടതെന്നുമാണ് വിമർശനം.

അതേസമയം, പരാതിക്കാരി പൊലീസിൽ പരാതി നൽകിയിട്ടില്ലെന്നാണ് നിലവിലെ സൂചന. പാർട്ടി നേതൃത്വത്തിനാണ് യുവതി പരാതി നൽകിയതെന്നും ഡിജിറ്റൽ തെളിവുകൾ ഉൾപ്പെടെ കൈമാറിയതായും റിപ്പോർട്ടുകളുണ്ട്. പാർട്ടി നടപടി ഉണ്ടായില്ലെങ്കിൽ നിയമപരമായി മുന്നോട്ടുപോകുമെന്ന് യുവതി നേതൃത്വത്തെ അറിയിച്ചതായും റിപ്പോർട്ടുകൾ പറയുന്നു.

സുരേഷ് ബാബുവിന്റെ സ്ഥാനമാറ്റത്തെക്കുറിച്ച് സിപിഎം സംസ്ഥാന സെക്രട്ടറി എം.വി. ഗോവിന്ദൻ നേരത്തെ വ്യത്യസ്ത വിശദീകരണമാണ് നൽകിയത്. വ്യക്തിപരമായ കാരണങ്ങളാലാണ് സുരേഷ് ബാബു ജില്ലാ സെക്രട്ടറി സ്ഥാനത്തുനിന്ന് മാറിയതെന്നും പാർട്ടിക്ക് അദ്ദേഹത്തിനെതിരെ പരാതിയൊന്നും ലഭിച്ചിട്ടില്ലെന്നുമാണ് ഗോവിന്ദൻ പറഞ്ഞത്. അതേസമയം, പാർട്ടി നേതൃത്വത്തിന് യുവതി പരാതി നൽകിയെന്ന റിപ്പോർട്ടുകൾ പുറത്തുവന്നതോടെ വിഷയത്തിൽ കൂടുതൽ വ്യക്തത ആവശ്യപ്പെട്ടുള്ള ചർച്ചകളും ശക്തമായിട്ടുണ്ട്.

 

 

BREAKING NEWS
" പാഴ് വാഗ്ദാനങ്ങൾ നൽകാൻ ബിബിക്ക് യാതൊരു മടിയുമുണ്ടായിരുന്നില്ല!! മധ്യപൂർവേഷ്യയിൽ സ്ഥിരമായ സമാധാനം സ്ഥാപിക്കാമെന്ന എന്റെ പ്രതീക്ഷകൾ 2023 ഒക്ടോബർ ഏഴിന് ഹമാസ് നടത്തിയ ആക്രമണത്തോടെ തകർന്നു... ഗാസയിൽ ഓരോ തവണയും കൂടുതൽ സാധാരണക്കാർ കൊല്ലപ്പെട്ടു, സ്വന്തം രാഷ്ട്രീയ നേട്ടങ്ങൾക്കപ്പുറം രാജ്യത്തിന്റെ ഭാവിയ...
16 Nov 2026
BREAKING NEWS
പ്രണയ ബന്ധം തകർന്നതിന്റെ പ്രതികാരം; മുൻ പങ്കാളിയുടെ വളർത്തുനായ്ക്കളെ ക്രൂരമായി കൊലപ്പെടുത്തി, ദൃശ്യങ്ങൾ വീഡിയോ കോളിലൂടെ യുവതിയെ കാണിച്ചു, യുവാവ് അറസ്റ്റിൽ, നായ്ക്കളെ കൊലപ്പെടുത്തിയത് ഇഷ്ടിക ഉപയോഗിച്ച് ക്രൂരമായി മർദിച്ച്
16 Nov 2026
BREAKING NEWS
കസേരയിൽ ഇരിക്കുകയായിരുന്ന 18 കാരിയെ മുടിയിൽ പിടിച്ച് വലിച്ചെഴുന്നേൽപ്പിച്ച് പ്രതി ബലമായി ട്രയൽ റൂമിലേക്ക് വലിച്ചിഴച്ചു, ഇതിനിടെ പ്രാണരക്ഷാർത്ഥം കരയുന്ന യുവതിയു‌ടെ കഴുത്തറുത്തു...ഡൽഹിയിൽ വസ്ത്രശാലയിലെ ട്രയൽ റൂമിൽ 18കാരിയെ കൊലപ്പെടുത്തിയ സംഭവത്തിൽ അവസാന നിമിഷങ്ങളുടെ സിസിടിവി ദൃശ്യങ്ങൾ പുറത്ത്
16 Nov 2026
BREAKING NEWS
ട്രെയിനിൽ പോകുന്നതിനിടെ സ്ത്രീയും പുരുഷനും പാമ്പൻ പാലത്തിന് മുകളിൽ നിന്നു കടലിലേക്കു ചാടി ജീവനൊടുക്കാൻ ശ്രമം; ഒരാൾ മരിച്ചു!! സ്ത്രീ ​ഗുരുതര പരുക്കുകളോടെ ആശുപത്രിയിൽ, സംഭവം അടുത്തടുത്ത ദിവസങ്ങളിലായി
16 Nov 2026