തിരുവനന്തപുരം: ഏകമകന്റെ വേർപാട് താങ്ങാനാവാതെ ദമ്പതികൾ അരുവിപ്പുറത്തു നെയ്യാറിൽ ചാടി മരിച്ചു. ഒരു വർഷം മുൻപാണ് ഇവരുടെ ഏകമകൻ മരിച്ചത്. വ്യാഴാഴ്ച രാവിലെ പത്തുമണിക്കാണു നെയ്യാറിൽ ഇരുവരുടേയും മൃതദേഹം കണ്ടെത്തി.
ദമ്പതികളുടെ കൈകൾ കൂട്ടിക്കെട്ടിയ നിലയിലായിരുന്നു. കരയിൽ ഇവരുടെ ചെരുപ്പുകളും കുടിച്ചു ബാക്കിവച്ച ജൂസ് ബോട്ടിലും കണ്ടെത്തി. കാറിൽ നിന്നും നാലു പേജുള്ള ആത്മഹത്യാകുറിപ്പും കണ്ടെത്തിയിട്ടുണ്ട്.
മുട്ടട സ്വദേശികളായ സ്നേഹദേവും ശ്രീകലയുമാണു മരിച്ചത്. മൃതദേഹം ആദ്യം കണ്ടതു തൊഴിലുറപ്പ് തൊഴിലാളികളാണ്. കമിഴ്ന്നു കിടക്കുന്ന നിലയിലായിരുന്നു മൃതദേഹങ്ങൾ. തുടർന്നു പൊലീസിൽ വിവരമറിയിക്കുകയായിരുന്നു. സ്വത്തുക്കളെല്ലാം ഒരു ട്രസ്റ്റ് രൂപീകരിച്ചു കൈമാറ്റം ചെയ്തതായി ആത്മഹത്യാകുറിപ്പിൽ പറയുന്നു. അരുവിപ്പുറം ക്ഷേത്രത്തിനു സമീപത്താണ് ഇവരുടെ കാർ പാർക്ക് ചെയ്തിരുന്നത്.
