പത്തനംതിട്ട: അടൂർ പന്നിവിഴയിൽ 10 വയസുകാരനെ തട്ടിക്കൊണ്ടുപോകാൻ ശ്രമിച്ചതായി പരാതി. സെപ്റ്റംബർ 30ന് വൈകീട്ടാണ് സംഭവം. ഒമ്നി കാറിലെത്തിയ ആറംഗ സംഘം കുട്ടിയെ തട്ടിക്കൊണ്ടുപോകാൻ ശ്രമിച്ചെന്നാണ് പരാതി. കുട്ടി ബഹളംവെച്ചതോടെ സംഘം കുട്ടിയെ ഇറക്കിവിട്ട് കടന്നുകളയുകയായിരുന്നു.
വിജനമായ സ്ഥലത്താണ് കുട്ടിയെ ഉപേക്ഷിച്ചത്. പരിഭ്രാന്തനായി കണ്ടെത്തിയ നാട്ടുകാരാണ് കുട്ടിയുടെ വീട്ടുകാരെയും പൊലീസിനെയും വിവരം അറിയിച്ചത്. കുട്ടിയുടെ മൊഴിയുടെ അടിസ്ഥാനത്തിൽ അടൂർ പൊലീസ് കേസെടുത്ത് അന്വേഷണം ആരംഭിച്ചു.
കാറിൽ ആറോളം പേരുണ്ടായിരുന്നെന്നാണ് കുട്ടി പൊലീസിനോട് പറഞ്ഞത്. കാറിനുള്ളിൽവെച്ച് മുഖത്ത് എന്തോ ലായനി പുരട്ടാനും ശ്രമിച്ചെന്നും കുട്ടി മൊഴി നൽകിയിട്ടുണ്ട്. സംഭവത്തിൽ കുട്ടിയുടെ മൊഴിയുടെ അടിസ്ഥാനത്തിൽ കൂടുതൽ അന്വേഷണം നടത്തിവരികയാണ്.
Related Post
