BREAKING NEWS

’സംഭവ സമയം ഞാൻ ഉറങ്ങുകയായിരുന്നു; മകൻ കാറുമായി പോയത് വീട്ടിലാരും അറിഞ്ഞില്ല; വാഹനം എന്റെ പേരിലാണെന്നതു കൊണ്ട് മാത്രം എനിക്കെതിരെ നരഹത്യാക്കുറ്റം ചുമത്താനാകില്ല; അറസ്റ്റ് ചെയ്യേണ്ട സാഹചര്യവുമില്ല’: ചേരാനല്ലൂർ അപകടക്കേസിൽ അഡീഷണൽ ജഡ്ജി

· · 1 min read
Share: Copied!

കൊച്ചി: ചേരാനല്ലൂർ വാഹനാപകടക്കേസിൽ തനിക്കെതിരേ നരഹത്യാക്കുറ്റം നിലനിൽക്കില്ലെന്ന് വാദിച്ച് പ്രതിയായ 17കാരന്റെ പിതാവും അഡീഷണൽ ജഡ്ജിയുമായ വ്യക്തി ഹൈക്കോടതിയിൽ മുൻകൂർ ജാമ്യാപേക്ഷ സമർപ്പിച്ചു. മകൻ രഹസ്യമായി കാർ എടുത്തുകൊണ്ടുപോയതാണെന്നും വാഹനം ഓടിക്കാൻ താൻ അനുമതി നൽകിയിരുന്നില്ലെന്നും ഹർജിയിൽ പറയുന്നു.

സംഭവസമയത്ത് താൻ ഉറങ്ങിക്കിടക്കുകയായിരുന്നു. കാർ തന്റെ പേരിലാണെന്ന കാരണത്താൽ മാത്രം നരഹത്യാക്കുറ്റം ചുമത്താനാകില്ലെന്നും പിതാവ് എന്ന നിലയിലാണ് സംഭവസ്ഥലത്തും പോലീസ് സ്റ്റേഷനിലും എത്തിയതെന്നും ഹർജിയിൽ വിശദീകരിക്കുന്നു. പോലീസ് നടത്തിയ പരിശോധനയിൽ ഡിജിറ്റൽ ഉപകരണങ്ങളും ബൈക്കും പിടിച്ചെടുത്തിട്ടുണ്ട്. അന്വേഷണത്തോട് സഹകരിച്ചെന്നും ചോദ്യംചെയ്യലിന് ഹാജരായെന്നും ചൂണ്ടിക്കാട്ടിയ അദ്ദേഹം, ഇനി അറസ്റ്റ് ചെയ്യേണ്ട സാഹചര്യമില്ലെന്നാണ് വാദിക്കുന്നത്.

കേസിൽ അറസ്റ്റ് ചെയ്യപ്പെടാൻ സാധ്യതയുണ്ടെന്നും ഹർജിയിൽ പറയുന്നു. പോലീസ് സ്റ്റേഷനിലെത്തിയത് ജുഡീഷ്യൽ ഓഫീസർ എന്ന നിലയിലല്ല, മറിച്ച് അച്ഛൻ എന്ന നിലയിലാണെന്നും അദ്ദേഹം വ്യക്തമാക്കി. സെഷൻസ് ജഡ്ജിയുടെ അനുമതിയില്ലാതെ പോലീസ് സ്റ്റേഷനിലെത്തിയതുമായി ബന്ധപ്പെട്ട് ഹൈക്കോടതി വിശദീകരണം തേടിയിട്ടുണ്ടെന്നും അതിന് മറുപടി നൽകിയെന്നും ഹർജിയിൽ പറയുന്നു. ജില്ലാ ജഡ്ജിയുടെ അനുമതി വാങ്ങാൻ സമയം ലഭിക്കാത്തതിനാലാണ് ഉടൻ സ്റ്റേഷനിലെത്തിയതെന്നാണ് വിശദീകരണം.

അതേസമയം, 17കാരന് അനുവദിച്ച ജാമ്യം റദ്ദാക്കാൻ സംസ്ഥാന സർക്കാർ നീക്കം നടത്തുന്നുണ്ട്. ജുവനൈൽ ജസ്റ്റിസ് ആക്ടിലെ 12-ാം വകുപ്പ് പ്രകാരമാണ് കുട്ടിക്ക് ജാമ്യം ലഭിച്ചത്. കുട്ടിയുടെ ക്ഷേമത്തിനാണ് മുൻഗണന നൽകേണ്ടതെന്നും പ്രായപൂർത്തിയാകാത്ത മകൻ രഹസ്യമായി വാഹനം എടുത്തുകൊണ്ടുപോയതിൽ പിതാവിന് അറിവുണ്ടായിരുന്നുവെന്ന് അനുമാനിക്കുന്നത് നിയമപരമായി നിലനിൽക്കില്ലെന്നും ഹർജിയിൽ വാദിക്കുന്നു.

തനിക്കെതിരേ ചുമത്തിയിരിക്കുന്നത് പരമാവധി മൂന്ന് വർഷം വരെ ശിക്ഷ ലഭിക്കാവുന്ന വകുപ്പുകളാണെന്നും അതിനാൽ അറസ്റ്റ് ആവശ്യമില്ലെന്നും മുൻ ക്രിമിനൽ ചരിത്രമില്ലെന്നും ഹർജിയിൽ പറയുന്നു. അറസ്റ്റ് ചെയ്താൽ ജാമ്യം അനുവദിക്കണമെന്നും അപേക്ഷയിലുണ്ട്.

എന്നാൽ, അഡീഷണൽ ജഡ്ജിക്ക് മുൻകൂർ ജാമ്യം അനുവദിക്കരുതെന്ന് അപകടത്തിൽ മരിച്ച ജയബാലകൃഷ്ണന്റെ കുടുംബം ഹൈക്കോടതിയോട് ആവശ്യപ്പെട്ടു. ഹർജി പരിഗണിക്കുമ്പോൾ തങ്ങളുടെ ഭാഗം കൂടി കേൾക്കണമെന്നാണ് കുടുംബത്തിന്റെ ആവശ്യം.

BREAKING NEWS
വിളിച്ചുവരുത്തി വകവരുത്തി... വനിതാ ഹെഡ് കോൺസ്റ്റബിൾ പ്രണയബന്ധം അവസാനിപ്പിക്കാൻ ആ​ഗ്രഹിച്ചു, എഎസ്ഐ വഴങ്ങിയില്ല, വീട്ടിലേക്ക് വിളിച്ചുവരുത്തി കൊലപ്പെടുത്തി, സഹോദരനേയും ബന്ധുവിനേയും കൂട്ടി മൃതദേഹം വനത്തിലെത്തിച്ച് കാറിലിട്ട് കത്തിച്ചു!! നാലുപേർ അറസ്റ്റിൽ, തീ ആളിപ്പടരുന്നതിനിടെ യുവതിക്കും പൊള്ളലേറ്റു
18 Nov 2026
BREAKING NEWS
സാവരിയ ബസന്ത് കൊല്ലപ്പെട്ട കേസ്, ഉസ്ബക്കിസ്ഥാനിൽ സഹപാഠിക്ക് എട്ടരവർഷം തടവ്, ഒരേ കുറ്റകൃത്യത്തിന് രണ്ടു രാജ്യങ്ങളിൽ വിചാരണ നടത്തുന്നതിൽ നിയമപരമായ പരിമിതി, സംസ്ഥാന ക്രൈംബ്രാഞ്ച് അന്വേഷണം അവസാനിപ്പിക്കാൻ നീക്കം
18 Nov 2026
BREAKING NEWS
സിഎംആർഎൽ- എക്സാലോജിക്... ഒന്നാംഘട്ട കുറ്റപത്രം ഉടൻ കോടതിയിൽ!! മുഹമ്മദ് റിയാസിന്റെ സുഹൃത്തുക്കളെ ചോദ്യം ചെയ്യാൻ ഇ.ഡി, 3 പേർക്ക് സമൻസ്, ഈ മാസം അവസാനം ഹാജരാകാൻ നിർദേശം
18 Nov 2026
BREAKING NEWS
"അവൻ വിഡ്ഢിയാണ്, പക്ഷേ ഞാൻ ക്യാപ്റ്റനാണ്, എന്റെ അഹങ്കാരത്തിന് വഴങ്ങുകയാണെങ്കിൽ അവന്റെ ബാഗുകൾ പാക്ക് ചെയ്ത് ഇപ്പോൾ തന്നെ വീട്ടിലേക്ക് അയക്കാം, എന്നാൽ ചെന്നൈയെ വിജയിപ്പിക്കാൻ അവന് കഴിയും, അതുകൊണ്ട് എന്റെ അഭിമാനവും അഹങ്കാരവും മാറ്റിവെച്ച് അവനെ തുടർന്നും കളിപ്പിക്കും," 2023 ഐപിഎല്ലിലെ സംഭവം വെളിപ്പെ...
18 Nov 2026