തിരുവനന്തപുരം: പിണറായി വിജയൻ തന്നെയായിരിക്കുംകേരളത്തിൻ്റെ അടുത്ത മുഖ്യമന്ത്രിയെന്ന മുതിർന്ന നേതാവും മുൻ കേന്ദ്ര മന്ത്രി മണിശങ്കർ അയ്യരുടെ പ്രസ്താവനയ്ക്ക് പിന്നാലെ പ്രതികരണവുമായി രമേശ് ചെന്നിത്തല. മണിശങ്കർ അയ്യർ പാർട്ടിയിൽ ഇല്ലെന്നും എഐസിസി സ്ഥിരീകരിച്ച രമേശ് ചെന്നിത്തല പറഞ്ഞു.
മണിശങ്കർ അയ്യരുടെ പ്രസ്താവന ചടങ്ങിന് വിളിച്ചതിൻ്റെ ഉപകാരസ്മരണയാണെന്നോണമാണ് ഇടതുപക്ഷ സർക്കാരിനെ പുകഴ്ത്തിയതെന്നും രമേശ് ചെന്നിത്തല പറഞ്ഞു. മഹാത്മാഗാന്ധിയുടെ ദർശനം ഇന്ത്യയിൽ നടപ്പാക്കിയ ഏക സംസ്ഥാന കമ്മ്യൂണിസ്റ്റ് മാർക്സിസ്റ്റ് പാർട്ടി ഭരിക്കുന്ന കേരളമാണെന്ന് മണിശങ്കർ അയ്യരുടെ പരാമർശം പരിഹസിച്ചു, മുഖ്യമന്ത്രിയെ ഗാന്ധിയെന്ന് പറയാത്തത് തന്നെ ഭാഗ്യമെന്ന് പ്രതികരിച്ചു.
ആസൂത്രണ വകുപ്പിൻ്റെ ആഭിമുഖ്യത്തിൽ നടത്തിയ ‘വിഷൻ 2031’ എന്ന അന്താരാഷ്ട്ര കോൺഫറൻസിൻ്റെ ഉദ്ഘാടന വേദിയിലായിരുന്നു മണിശങ്കർ അയ്യർ സംസ്ഥാനത്തിൻ്റെ വികസനത്തെയും സംസ്ഥാന സർക്കാരിനെയും പുകഴ്ത്തിയത്. അടുത്ത മുഖ്യമന്ത്രി പിണറായി വിജയൻതന്നെ ആയിരിക്കുമെന്നും വേദിയിലിരുത്തി മണിശങ്കർ അയ്യർ പറഞ്ഞിരുന്നു. സമ്മേളനം ബഹിഷ്‌കരിച്ചതിൻ്റെ നടപടിയിൽ വളരെയധികം ഖേദിക്കുന്നുവെന്നും അദ്ദേഹം പറഞ്ഞിരുന്നു.
വിഷയത്തിൽ മണിശങ്കർ അയ്യരെ തള്ളി ഹൈക്കമാൻഡ് മുന്നിലിരുന്നു. കഴിഞ്ഞ കുറച്ച് വർഷങ്ങളായി മണിശങ്കർ അയ്യർക്ക് ഒരു ബന്ധവുമില്ലെന്നായിരുന്നു വക്താവ് പവൻ ഖേര പറഞ്ഞത്. മണിശങ്കർ പറയുന്നത് വ്യക്തിപരമായ അഭിപ്രായങ്ങളാണെന്നും അദ്ദേഹം എക്സിൽ കുറിച്ചിരുന്നു. അതേസമയം മണിശങ്കർ അയ്യർക്കെതിരെ കെപിസിസി വക്താവ് ഡോ. ജിൻ്റോ ജോണിജോൺ ഫേസ്ബുക്കിലൂടെ കുറിപ്പും പങ്കുവയ്ക്കുകയുണ്ടായി. ‘ഈ അലവലാതിയെ ഇനിയും ചുമക്കണോ’ എന്നാണ് ഡോ. ജിൻ്റോ ജോണിജോൺ കുറിച്ചത്.
