ന്യൂഡൽഹി: ന്യൂഡൽഹിയിൽ നടക്കുന്ന 18-ാമത് ബ്രിക്സ് ഉച്ചകോടിക്കിടെ ഹിന്ദി ഗാനം ആലപിച്ച് ശ്രദ്ധനേടി മലേഷ്യൻ പ്രധാനമന്ത്രി അൻവർ ഇബ്രാഹിം. കിഷോർ കുമാർ ആലപിച്ച ക്ലാസിക് ഹിറ്റ് ഗാനമായ ‘ഖ്വാബ് ഹോ തും യാ കോയി ഹഖീഖത്ത്’ ആണ് അൻവർ ഇബ്രാഹിം ആലപിച്ചത്. ഗാനം പാടുന്ന വീഡിയോ അദ്ദേഹം തന്നെയാണ് സമൂഹമാധ്യമങ്ങളിലൂടെ പങ്കുവെച്ചത്. നിരവധി സംഗീതപ്രേമികളാണ് വീഡിയോയ്ക്ക് അഭിനന്ദനവുമായി എത്തിയത്.
ബ്രിക്സ് ഉച്ചകോടിയിൽ പങ്കെടുക്കുന്നതിനായാണ് മലേഷ്യൻ പ്രധാനമന്ത്രി ന്യൂഡൽഹിയിലെത്തിയത്. ഉച്ചകോടിക്കിടെ നടന്ന അനൗദ്യോഗിക പരിപാടിയിലായിരുന്നു അദ്ദേഹം ഹിന്ദി ഗാനം ആലപിച്ചത്. പിയാനോയുടെ അകമ്പടിയോടെയാണ് അൻവർ ഇബ്രാഹിം ഗാനം പാടിയത്.
1965ൽ പുറത്തിറങ്ങിയ ‘തീൻ ദേവിയാം’ എന്ന ഹിന്ദി ചിത്രത്തിനായി എസ്.ഡി. ബർമൻ ചിട്ടപ്പെടുത്തിയ ഗാനമാണ് ‘ഖ്വാബ് ഹോ തും യാ കോയി ഹഖീഖത്ത്’. ഗാനം ആലപിക്കുന്ന വീഡിയോയ്ക്കൊപ്പം ‘ഒരു പാട്ടുപാടാൻ അവസരം തരാമോ’ എന്നർഥമുള്ള മലായ് വരികളും അൻവർ ഇബ്രാഹിം കുറിച്ചിട്ടുണ്ട്.
Related Post
ഇതാദ്യമായല്ല ഇന്ത്യയോടും ഹിന്ദി ഗാനങ്ങളോടുമുള്ള തന്റെ ഇഷ്ടം മലേഷ്യൻ പ്രധാനമന്ത്രി പരസ്യമാക്കുന്നത്. ഇന്ത്യയിലേക്കുള്ള മുൻ സന്ദർശനങ്ങൾക്കിടയിലും അദ്ദേഹം കിഷോർ കുമാറിന്റെയും മുകേഷിന്റെയും ഗാനങ്ങൾ ആലപിച്ചിട്ടുണ്ട്.
ഇന്ത്യയും മലേഷ്യയും തമ്മിലുള്ള ചരിത്രപരവും സാംസ്കാരികവുമായ ബന്ധങ്ങൾ ഔദ്യോഗിക നയതന്ത്ര ചർച്ചകളിലും അൻവർ ഇബ്രാഹിം സ്ഥിരമായി എടുത്തുപറയാറുണ്ട്. ബ്രിക്സ് ഉച്ചകോടിക്കിടയിലെ അദ്ദേഹത്തിന്റെ ഹിന്ദി ഗാനാലാപനവും ഇന്ത്യയോടുള്ള സാംസ്കാരിക അടുപ്പത്തിന്റെ മറ്റൊരു ഉദാഹരണമായാണ് ശ്രദ്ധ നേടുന്നത്.
Guru mintak izin nyanyi kejap ok! https://t.co/NzazFHV509
— Anwar Ibrahim (@anwaribrahim) September 12, 2026
