BREAKING NEWS

’യമുനയിലെ മലിനീകരണം കുറഞ്ഞു’; അവകാശവാദത്തിന് പിന്നാലെ നദിയിൽ മുങ്ങിക്കുളിച്ച് വെള്ളം കുടിച്ച് മനോജ് തിവാരി, രാഹുൽ ഗാന്ധിയുംഅരവിന്ദ് കെജ്രിവാളും വന്നു കുളിക്കൂവെന്നും തിവാരി

· · 1 min read
Share: Copied!

ന്യൂ ഡൽഹി: ഒരിടവേളയ്ക്കുശേഷം യമുന നദിയെച്ചൊല്ലി ഡൽഹിയിൽ രാഷ്ട്രീയ വാഗ്വാദം വീണ്ടും സജീവമാകുന്നു. ബിജെപി സർക്കാർ അധികാരമേറ്റതോടെ യമുനയിലെ മലിനീകരണം കുറഞ്ഞെന്ന അവകാശവാദവുമായി നദിയിൽ മുങ്ങിക്കുളിക്കുകയും വെള്ളം കുടിക്കുകയും ചെയ്ത് ബിജെപി എംപി മനോജ് തിവാരി.

വ്യാഴാഴ്ച സോണിയ വിഹാർ ഘട്ടിലെത്തിയായിരുന്നു മനോജ് തിവാരിയുടെ പ്രകടനം. പിന്നാലെ കോൺഗ്രസ് നേതാവ് രാഹുൽ ഗാന്ധിയെയും എഎപി നേതാവ് അരവിന്ദ് കെജ്രിവാളിനെയും യമുനയിൽ മുങ്ങിക്കുളിക്കാൻ അദ്ദേഹം ക്ഷണിച്ചു. ജനങ്ങൾക്ക് വീണ്ടും യമുനയിൽ ഛത് പൂജ ആഘോഷിക്കാൻ കഴിയുന്ന സാഹചര്യമുണ്ടായെന്നും ഈസ്റ്റ് ഡൽഹി എംപി അവകാശപ്പെട്ടു. എന്നാൽ മനോജ് തിവാരി മുങ്ങിക്കുളിച്ചത് യമുനയിലെ താരതമ്യേന വൃത്തിയുള്ള ഭാഗത്താണെന്ന് എഎപി തിരിച്ചടിച്ചു. കാളിന്ദി കുഞ്ച് ഘട്ടിലെത്തി അവിടത്തെ വെള്ളം കുടിക്കാൻ തയ്യാറാണോയെന്നും പാർട്ടി ചോദിച്ചു.

യമുനയുടെ തീരങ്ങളിൽ ദേശാടനപ്പക്ഷികളുടെ സാന്നിധ്യം വർധിച്ചത് നദിയുടെ സ്ഥിതി മെച്ചപ്പെട്ടതിന്റെ സൂചനയാണെന്നും മനോജ് തിവാരി പറഞ്ഞു. നദി മലിനമായിരുന്നെങ്കിൽ ഇത്തരം പക്ഷികൾ ഇവിടെ എത്തില്ലായിരുന്നു. നദിയിൽ മുതലകളെയും കാണാം. ശുദ്ധജലത്തിലാണ് മുതലകൾ ഉണ്ടാകുകയെന്നും അദ്ദേഹം അവകാശപ്പെട്ടു.

യമുന മലിനമാകുന്നതിന് ഹരിയാനയെ കുറ്റപ്പെടുത്താനാണ് മുൻ എഎപി സർക്കാർ ശ്രമിച്ചതെന്നും മനോജ് തിവാരി ആരോപിച്ചു. ബിജെപി അധികാരത്തിലെത്തി ഒന്നര വർഷത്തിനുള്ളിൽ നദിയുടെ പകുതിയോളം വൃത്തിയാക്കിയെന്നും അടുത്ത രണ്ട് വർഷത്തിനുള്ളിൽ ശേഷിക്കുന്ന ശുചീകരണ പ്രവർത്തനങ്ങൾ പൂർത്തിയാക്കുമെന്നും അദ്ദേഹം പറഞ്ഞു. കഴിഞ്ഞ 27 വർഷത്തിനിടെ കോൺഗ്രസിനും എഎപിക്കും ചെയ്യാൻ കഴിയാത്ത കാര്യമാണ് ബിജെപി സർക്കാർ രണ്ട് വർഷംകൊണ്ട് ചെയ്തതെന്ന് ബിജെപി ഡൽഹി ഘടകം എക്സിൽ കുറിച്ചു. യമുനയിൽ മുങ്ങിക്കുളിക്കാൻ അരവിന്ദ് കെജ്രിവാളിനെയും ബിജെപി വെല്ലുവിളിച്ചു.

എന്നാൽ ബിജെപിക്ക് ഡൽഹിയെക്കുറിച്ച് ഒന്നും അറിയില്ലെന്നായിരുന്നു ഡൽഹി എഎപി അധ്യക്ഷൻ സൗരവ് ഭരദ്വാജിന്റെ മറുപടി. മനോജ് തിവാരി മുങ്ങിക്കുളിച്ച ഭാഗം എപ്പോഴും താരതമ്യേന വൃത്തിയുള്ളതാണെന്നും എഎപി സർക്കാരിന്റെ കാലത്ത് അത് കൂടുതൽ വൃത്തിയുള്ളതായിരുന്നുവെന്നും അദ്ദേഹം പറഞ്ഞു. കാളിന്ദി കുഞ്ച് ഘട്ടിലെത്തി വെള്ളം കുടിക്കാൻ മനോജ് തിവാരിയെയും ജലവിഭവ മന്ത്രി പർവേശ് വർമ്മയെയും സൗരവ് ഭരദ്വാജ് വെല്ലുവിളിച്ചു. കഴിഞ്ഞ വർഷവും ഈ വെല്ലുവിളിയിൽനിന്ന് ഇരുവരും ഒഴിഞ്ഞുമാറിയെന്നും ഈ വർഷവും അതുതന്നെ സംഭവിക്കുമെന്നുമാണ് അദ്ദേഹത്തിന്റെ പരിഹാസം.

BREAKING NEWS
പത്മജയെ പോലെ നാണവും നേരും നിലപാടും നെറിയും ഇല്ലാത്ത ജന്മങ്ങളെ പാർട്ടിയിലേക്ക് തിരിച്ചുകൊണ്ടുവരുന്നു, പിന്നെ എന്തുകൊണ്ട് രാഹുല്‍ മങ്കൂട്ടത്തിലിന് അവസരം കൊടുക്കുന്നില്ല?? സ്വന്തം നേതാക്കള്‍ തള്ളി പറഞ്ഞപ്പോഴും പാര്‍ട്ടിയ്‌ക്കെതിരെ ഒരക്ഷരം പോലും അയാള്‍ പറഞ്ഞിട്ടില്ല, പത്മജയോ?? അവരെ തിരിച്ചെടുക്കുന്ന...
20 Nov 2026
BREAKING NEWS
കോണ്‍ഗ്രസ് പ്രവര്‍ത്തകര്‍ തെരുവില്‍ കിടന്ന് പോരാടിയത് അധികാര കൊതി മൂത്ത് പാളയങ്ങള്‍ മാറി ചേക്കേറുന്ന പദ്മജമാര്‍ക്ക് വേണ്ടിയല്ല, പദ്മജ-പദ്മിനിമാര്‍ ബൂത്തുകളില്‍ പ്രവര്‍ത്തിക്കട്ടെ, സെലിബ്രേറ്റഡ് പ്രിവിലേജുകളുടെ കാലം കഴിഞ്ഞു, സാധാരണക്കാരായ പാര്‍ട്ടി പ്രവര്‍ത്തകര്‍ പരിഗണിക്കപ്പെടട്ടെ- അലോഷ്യസ് സേവ്യര്‍
20 Nov 2026
BREAKING NEWS
സ്കൂട്ടറിനു പിന്നിൽ കണ്ടെയ്‌നർ ട്രക്കിടിച്ചു, 32കാരിക്ക് ദാരുണാന്ത്യം
20 Nov 2026
BREAKING NEWS
രണ്ട് പെൺമക്കളുടെ അമ്മ, പക്ഷേ മുംബൈയിൽ 40 വർഷമായി ഒറ്റയ്ക്ക്; മരണത്തിനു പിന്നാലെ മക്കളെ തേടി പത്രപരസ്യം നല്കി അയൽവാസികൾ, നൊമ്പരമായി കുറിപ്പ്
20 Nov 2026