ബെംഗളൂരു: ജെ.പി. നഗർ മൂന്നാം ഘട്ടത്തിൽ 26കാരിയായ നഴ്സിന് നേരെ ഭർത്താവിന്റെ ആക്രമണം. ദാമ്പത്യ തർക്കത്തെ തുടർന്ന് യുവതിയെ വെട്ടുകത്തിയുമായി പിന്തുടർന്ന ഭർത്താവ് ആസിഡ് ഒഴിക്കുകയും ആക്രമിക്കുകയും ചെയ്തതായാണ് പരാതി. സംഭവത്തെ തുടർന്ന് പ്രദേശത്ത് പരിഭ്രാന്തി പടർന്നു. പെട്ടെന്നുണ്ടായ ആക്രമണം കണ്ട് സ്ഥലത്തുണ്ടായിരുന്നവരും വഴിയാത്രക്കാരും സുരക്ഷിത സ്ഥാനങ്ങളിലേക്ക് ഓടിമാറി. വ്യാഴാഴ്ച രാവിലെയോടെയാണ് സംഭവം.
കൊൽക്കത്ത സ്വദേശിനിയായ മധുമിതയാണ് ഭർത്താവിന്റെ ക്രൂര ആക്രമണത്തിനിരയായത്. കഴിഞ്ഞ ഒന്നര വർഷമായി ജെ.പി. നഗറിലെ സ്വകാര്യ ക്ലിനിക്കിൽ നഴ്സായി ജോലി ചെയ്യുകയായിരുന്നു യുവതി. വ്യാഴാഴ്ച രാവിലെ 9.15ഓടെ പ്രഭാതഭക്ഷണം കഴിക്കാനായി പുറത്തേക്ക് ഇറങ്ങിയപ്പോഴാണ് തമിഴ്നാട് സ്വദേശിയായ ഭർത്താവ് വെങ്കിടേശൻ ഇവരെ പിന്തുടർന്നെത്തിയതെന്ന് പോലീസ് പറഞ്ഞു.
ബൈക്കിലെത്തിയ വെങ്കിടേശന്റെ കൈവശം കത്തിയും വെട്ടുകത്തിയും ആസിഡും ഉണ്ടായിരുന്നതായാണ് പ്രാഥമിക അന്വേഷണത്തിൽ കണ്ടെത്തിയത്. ക്ലിനിക്കിന്റെ ബേസ്മെന്റ് പാർക്കിങ് ഏരിയയിലേക്ക് മധുമിത ഓടിയെത്തിയതിന് പിന്നാലെ ഇയാൾ വെട്ടുകത്തി ഉപയോഗിച്ച് ആക്രമിക്കുകയും പിന്നീട് ആസിഡ് ഒഴിക്കുകയും ചെയ്തതായി പോലീസ് പറഞ്ഞു.
ആക്രമണത്തിനിടെ മധുമിത നിലവിളിച്ചതോടെ ക്ലിനിക്കിലെ ജീവനക്കാരും പ്രദേശവാസികളും സ്ഥലത്തെത്തി. ചിലർ കല്ലെടുത്ത് പ്രതിയെ തടയാനും യുവതിയെ രക്ഷിക്കാനും ശ്രമിച്ചു. എന്നാൽ ഇവരെയും ആക്രമിക്കാൻ വെങ്കിടേശൻ ശ്രമിച്ചതായാണ് വിവരം. ഇതിനിടെ സമീപത്തെ ട്രാഫിക് സിഗ്നലിൽ ഡ്യൂട്ടിയിലുണ്ടായിരുന്ന പോലീസ് ഉദ്യോഗസ്ഥർ സംഭവമറിഞ്ഞ് സ്ഥലത്തെത്തി. രക്ഷപ്പെടാൻ ശ്രമിച്ച വെങ്കിടേശനെ ഇവർ പിടികൂടുകയായിരുന്നു. തുടർന്ന് ജെ.പി. നഗർ പോലീസ് സ്ഥലത്തെത്തി പരിശോധന നടത്തി പ്രതിയെ കസ്റ്റഡിയിലെടുത്തു.
ഗുരുതരമായി പരുക്കേറ്റ മധുമിതയെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. ഇവർ ചികിത്സയിൽ തുടരുകയാണ്. ആക്രമണത്തിന് പിന്നിലെ കൃത്യമായ കാരണം കണ്ടെത്തുന്നതിനായി വെങ്കിടേശനെ പോലീസ് ചോദ്യം ചെയ്യുകയാണ്. സംഭവത്തിൽ കൂടുതൽ അന്വേഷണം പുരോഗമിക്കുകയാണ്.
Panic gripped JP Nagar 3rd Phase on Thursday morning after a 26-year-old nurse was allegedly chased and attacked with a machete and acid by her husband over a marital row near a private clinic, leaving shocked onlookers and passersby fleeing for safety amid the sudden assault.
The injured woman has been identified as Madhumitha, who is from Kolkata and had been working as a nurse at the clinic for one-and-a-half years.
Based on the primary investigation, police said that around 9.15am, she had stepped out to have breakfast when her husband, Venkatesan, a native of Tamil Nadu, chased her to the clinic parking area in the basement of the multi-storey building.
According to police, Venkatesan arrived on a bike carrying a knife, machete and acid. He attacked Madhumitha with the machete and then threw acid at her before fleeing the spot.
Madhumitha reportedly raised an alarm and ran into the parking area, prompting the hospital staff and locals to intervene.
A few people tried to protect her by hitting the accused with stones, but he attempted to attack them as well.
Meanwhile, traffic police posted at a nearby signal noticed the commotion and apprehended Venkatesan when he was trying to escape.
Madhumitha, who suffered serious injuries, is currently undergoing treatment at a private hospital.
JP Nagar police visited the spot and conducted an inspection before taking Venkatesan into custody. Police are questioning him to ascertain the exact motive behind the attack.
— Hate Detector 🔍 (@HateDetectors) September 17, 2026
