ലഡാക്ക്: ഗാല്‍വാന്‍ താഴ്വരയിലെ സംഘര്‍ഷത്തിനു ശേഷം ഇന്ത്യയ്ക്കെതിരെ സൈബര്‍യുദ്ധം ശക്തമാക്കി ചൈന. 7 ദിവസത്തിനുള്ളില്‍ ഇന്ത്യന്‍ സൈബര്‍ സ്‌പേസില്‍ വന്‍ ആക്രമണങ്ങളാണ് ചൈന അഴിച്ചുവിട്ടത്. ജൂണ്‍ 15 ന് ബിഹാര്‍ റെജിമെന്റിലെയും പിഎല്‍എയിലെയും സൈനികര്‍ മുഖാമുഖം ഏറ്റുമുട്ടുകയായിരുന്നു. ഗാല്‍വാന്‍ താഴ്വരയില്‍ അക്രമാസക്തമായ ഏറ്റുമുട്ടലുകളാണ് നടന്നത്. ഇതിന്റെ ഫലമായി 20 ഇന്ത്യന്‍ ജവാന്‍മാര്‍ കൊല്ലപ്പെടുകയും മറുവശത്ത് നിരവധി പേര്‍ക്ക് പരുക്കേല്‍ക്കുകയും നാശനഷ്ടങ്ങള്‍ സംഭവിക്കുകയും ചെയ്തു.
സുരക്ഷാ ഏജന്‍സികളില്‍ നിന്ന് ലഭ്യമായ പുതിയ ഡേറ്റ പ്രകാരം ജൂണ്‍ 15 മുതല്‍ ഇന്നുവരെ ചൈനീസ് ഹാക്കര്‍മാര്‍ ഇന്ത്യന്‍ സൈബര്‍ നെറ്റ്വര്‍ക്കുകള്‍ ആക്രമിക്കാന്‍ നാല്‍പതിനായിരത്തിലധികം തവണ ശ്രമിച്ചിട്ടുണ്ടെന്നാണ് റിപ്പോര്‍ട്ട്. ജൂണ്‍ 15 മുതല്‍ ഇന്ത്യയിലെ സൈബര്‍ കേന്ദ്രങ്ങള്‍ ആക്രമിക്കാന്‍ ചൈനീസ് ഹാക്കര്‍മാര്‍ നടത്തിയ നാല്‍പതിനായിരത്തി മുന്നൂറിലധികം ശ്രമങ്ങളാണ്.
സുരക്ഷാ ഏജന്‍സികളില്‍ ലഭ്യമായ വിവരമനുസരിച്ച് ഈ ആക്രമണങ്ങളില്‍ ഭൂരിഭാഗവും ചൈനയിലെ സിചുവാന്‍ പ്രവിശ്യയില്‍ നിന്നാണ്. ചൈനയിലെ സൈബര്‍വാര്‍ഫെയറിന്റെ ആസ്ഥാനമാണ് സിചുവാന്‍ പ്രദേശം. ഈ ആക്രമണങ്ങള്‍ ഭരണകൂട സ്‌പോണ്‍സര്‍ ചെയ്തതാണോ അതോ പൂര്‍ണ്ണമായും സംസ്ഥാനേതര ശക്തികളുടെ സൃഷ്ടിയാണോ എന്ന് കണ്ടെത്താന്‍ ഇന്ത്യന്‍ അധികാരികള്‍ ഇപ്പോഴും പരിശോധിച്ചുറപ്പിക്കുകയും തെളിവുകള്‍ കണ്ടെത്തുകയും ചെയ്യുന്നുണ്ട്.
ഇന്ത്യന്‍ സൈബര്‍ ഇടത്തെ ആക്രമിക്കാന്‍ പ്രധാനമായും രണ്ട് സാങ്കേതികവിദ്യകളാണ് ചൈന ഉപയോഗിക്കുന്നത്. ആദ്യത്തേത് ‘ഡിസ്ട്രിബ്യൂട്ടഡ് ഡിനൈല്‍ ഓഫ് സര്‍വീസ് ‘ ആണ്. ഇതില്‍ ഒരു യൂട്ടിലിറ്റി പ്രൈവറ്റ് വെബ്സൈറ്റിന് ആയിരം അഭ്യര്‍ഥനകള്‍ മാത്രമേ സ്വീകരിക്കാന്‍ കഴിയൂവെങ്കില്‍ ചൈനീസ് ഹാക്കര്‍മാര്‍ക്ക് ശേഷി പത്ത് ലക്ഷമായി ഉയര്‍ത്താന്‍ കഴിയും. ഇത് സെര്‍വര്‍ സജ്ജീകരണം തകരാന്‍ ഇടയാക്കും. ഹാക്കര്‍മാര്‍ എടുക്കുന്ന രണ്ടാമത്തെ റൂട്ട് ‘ഇന്റര്‍നെറ്റ് പ്രോട്ടോക്കോള്‍ ഹൈജാക്ക്’ ആണ്, അതില്‍ നിരീക്ഷണ ആവശ്യത്തിനായി ടാര്‍ഗെറ്റിലേക്ക് ചൈന വഴി ഇന്റര്‍നെറ്റ് അക്കൗണ്ടും ട്രാഫിക്കും വഴിതിരിച്ചുവിടാന്‍ ഹാക്കര്‍മാര്‍ക്ക് കഴിയും.
ഇന്ത്യയും ചൈനയും പരസ്പരം യുദ്ധം ചെയ്യുന്ന അവസ്ഥയിലല്ല. പക്ഷേ ചൈനക്കാര്‍ ഇത്തരം നിശബ്ദയുദ്ധ മുറകളെ പ്രോല്‍സാഹിപ്പിക്കുന്നുണ്ട്. ഇന്ത്യയ്ക്കെതിരെ ചൈന എല്ലാത്തരം തന്ത്രങ്ങളും ഉപയോഗിക്കുന്നു. അടുത്തതായി ഹൈബ്രിഡ് യുദ്ധമാണ് ചൈന ലക്ഷ്യമിടുന്നതെന്നും റിപ്പോര്‍ട്ടുകളുണ്ട്.
സൈബര്‍ വിദഗ്ദ്ധനായ പ്രശാന്ത് മാലി പറയുന്നത്, ‘ഇതൊരു സൈബര്‍വാറാണ്, കൂടുതലും അവ ചെയ്യുന്നത് പിഎല്‍എയുടെ സൈബര്‍ വിംഗല്ല, മറിച്ച് പിഎല്‍എ നിയമിച്ച സംസ്ഥാനേതര ടെക്കികളാണ്. കൃത്യമായി പ്രതിരോധിക്കാനായില്ലെങ്കില്‍ ഈ ആക്രമണങ്ങള്‍ സേവനങ്ങളെ ബാധിക്കും. വിവിധ വെബ്സൈറ്റുകളെ തകര്‍ക്കും
follow us pathram online
Leave a Comment