കോഴിക്കോട് ജില്ലയില്‍ ഇന്ന് (june 22) അഞ്ച് പേര്‍ക്ക് കൂടി കൊവിഡ് സ്ഥിരീകരിച്ചു. ഇന്ന് രോഗം സ്ഥിരീകരിച്ചവരില്‍ നാല് പേര്‍ ഖത്തറില്‍ നിന്നും ഒരാള്‍ സൗദിയില്‍ നിന്നും വന്നവരാണ്. നാല് കുട്ടികള്‍ ഉള്‍പ്പെടെ എട്ടു പേര്‍ ഇന്ന് രോഗമുക്തരായി.
ഇന്ന് രോഗം സ്ഥിരീകരിച്ചവര്‍
1. വില്യാപ്പള്ളി സ്വദേശിനിയായ ഗര്‍ഭിണി (30 )- ജൂണ്‍ 19 ന് ഖത്തറില്‍ നിന്നു വിമാനമാര്‍ഗം കോഴിക്കോട്ടെത്തി. ടാക്സിയില്‍ വീട്ടിലെത്തിയ ശേഷം രോഗലക്ഷണങ്ങളെതുടര്‍ന്ന് കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. സ്രവപരിശോധനയില്‍ പോസിറ്റീവായി.
2. നരിപ്പറ്റ സ്വദേശി (25)- ജൂണ്‍ 15 ന് ഖത്തറില്‍ നിന്നു വിമാനമാര്‍ഗം കൊച്ചിയിലെത്തി. സര്‍ക്കാര്‍ സജ്ജമാക്കിയ വാഹനത്തില്‍ കോഴിക്കോട്ടെത്തി, വീട്ടില്‍ നിരീക്ഷണത്തിലായിരുന്നു. കൂടെ യാത്ര ചെയതവര്‍ പോസിറ്റീവായതിനെ തുടര്‍ന്ന് ആംബുലന്‍സില്‍ നാദാപുരം താലൂക്ക് ആശുപത്രിയില്‍ എത്തിച്ചു സ്രവസാംപിള്‍ എടുത്തു. ചികിത്സക്കായി എഫ്എല്‍ടിസിയിലേക്ക് മാറ്റി.
3. കായക്കൊടി സ്വദേശി (49)- ജൂണ്‍ 10 ന് സൗദിയില്‍ നിന്നു വിമാനമാര്‍ഗം കണ്ണൂരിലെത്തി. ടാക്സിയില്‍ വീട്ടില്‍ വന്ന് നിരീക്ഷണത്തിലായിരുന്നു. കൂടെ യാത്ര ചെയതവര്‍ പോസിറ്റീവായതിനെ തുടര്‍ന്ന് ജൂണ്‍ 20 ന് സ്വന്തം വാഹനത്തില്‍ നാദാപുരം താലൂക്ക് ആശുപത്രിയില്‍ എത്തി സ്രവസാംപിള്‍ എടുത്തു. ചികിത്സക്കായി എഫ്എല്‍ടിസിയിലേക്ക് മാറ്റി.
4,5. ഒളവണ്ണ സ്വദേശികളായ ദമ്പതികള്‍ (60, 54 വയസ്)- ജൂണ്‍ 16 ന് ഖത്തറില്‍ നിന്നു വിമാനമാര്‍ഗം കോഴിക്കോട്ടെത്തി. പ്രൈവറ്റ് ടാക്സിയില്‍ വീട്ടിലെത്തി നിരീക്ഷണത്തിലായിരുന്നു. രോഗലക്ഷണങ്ങളെതുടര്‍ന്ന് ജൂണ്‍ 20 ന് ആംബുലന്‍സില്‍ ഫറോക് ആശുപത്രിയിലെത്തി സ്രവസാംപിള്‍ എടുത്തു. പോസിറ്റീവ് ആയതിനെ തുടര്‍ന്ന് രണ്ടു പേരേയും ചികിത്സയ്ക്കായി കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. നിലവില്‍ അഞ്ചു പേരുടേയും ആരോഗ്യനില തൃപ്തികരമാണ്.
എഫ്എല്‍ടിസിയില്‍ ചികിത്സയിലായിരുന്ന ഒളവണ്ണ സ്വദേശി (10 വയസ്), കായണ്ണ സ്വദേശിനി (34), പാലേരി സ്വദേശി (9), ചാലിയം സ്വദേശി (30), മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്ന നരിപ്പറ്റ സ്വദേശി (2 വയസ്), കൊടുവള്ളി സ്വദേശിനി (ഒരു വയസ്), കൊടുവളളി സ്വദേശിനി (25). കണ്ണൂരില്‍ ചികിത്സയിലായിരുന്ന വളയം സ്വദേശി (24) എന്നിവരാണ് ഇന്ന് രോഗമുക്തി നേടിയത്.
ഇതോടെ ഇതുവരെ രോഗം സ്ഥിരീകരിച്ച കോഴിക്കോട് സ്വദേശികളുടെ എണ്ണം 211 ഉം രോഗമുക്തി നേടിയവര്‍ 103 ഉം ആയി. ചികിത്സക്കിടെ ഒരാള്‍ മരിച്ചു. ഇപ്പോള്‍ 107 കോഴിക്കോട് സ്വദേശികളാണ് കൊവിഡ് പോസിറ്റീവായി ചികിത്സയിലുള്ളത്. ഇവരില്‍ 37 പേര്‍ കോഴിക്കോട് മെഡിക്കല്‍ കോളജ് ആശുപത്രിയിലും 65 പേര്‍ ഫസ്റ്റ്ലൈന്‍ ട്രീറ്റ്മെന്റ് സെന്ററിലും രണ്ടുപേര്‍ കണ്ണൂരിലും രണ്ടുപേര്‍ മഞ്ചേരി മെഡിക്കല്‍ കോളജ് ആശുപത്രിയിലും ഒരാള്‍ കോഴിക്കോട് സ്വകാര്യ ആശുപത്രിയിലും ചികിത്സയിലാണ്. ഇതുകൂടാതെ രണ്ടു കണ്ണൂര്‍ സ്വദേശികള്‍, ഒരു പാലക്കാട് സ്വദേശി, ഒരു വയനാട് സ്വദേശി എന്നിവര്‍ കൊവിഡ് ഫസ്റ്റ്ലൈന്‍ ട്രീറ്റ്മെന്റ് സെന്ററില്‍ ചികിത്സയിലുണ്ട്.
FOLLOW US: pathram oniline
Leave a Comment