ഏറെ നാളത്തെ പ്രണയത്തിന് സമന്തയും നാഗചൈതന്യയും വിവാഹിതരായത്. തെന്നിന്ത്യയിലെ പ്രമുഖ താരങ്ങള്‍ എല്ലാവരും വിവാഹ സല്‍ക്കാര ചടങ്ങില്‍ പങ്കെടുത്തിരുന്നു. ഇരുവരുടേയും വിവാഹം അതിഗംഭീരമായാണ് സോഷ്യല്‍മീഡിയ ആഘോഷിക്കുകയും ചെയ്തു.
വിവാഹ ശേഷം നടിമാര്‍ സിനിമയില്‍ നിന്ന് മാറിനില്‍ക്കുന്നത് പതിവാണ്. എന്നാല്‍ വിവാഹ ചടങ്ങുകള്‍ കഴിഞ്ഞതോടെ സമന്ത ഷൂട്ടിഗിന് പോകുകയായിരുന്നു. നാഗചൈതന്യയും പുതിയ ചിത്രത്തിന്റെ തിരക്കിലായി. സമന്തയ്ക്ക് ഇഷ്ടമാണെങ്കില്‍ തുടര്‍ന്ന് അഭിനയിക്കട്ടെ എന്ന നിലപാടായിരുന്നു വിവാഹത്തിന് മുന്‍പ് നാഗചൈതന്യ എടുത്തത്. അത് അക്ഷരാര്‍ത്ഥത്തില്‍ നിറവേറ്റുകയും ചെയ്തു.
പിന്നീട് നിരവധി ചിത്രങ്ങളില്‍ സമന്ത അഭിനയിച്ചു. സൂപ്പര്‍ഹിറ്റായി മുന്നേറുന്ന രാംചരണിന്റെ രംഗസ്ഥലത്തില്‍ സാമന്തയായിരിന്നു നായിക. ചിത്രത്തെക്കുറിച്ചുള്ള വിശേഷങ്ങള്‍ സംസാരിക്കുന്നതിനിടയ്ക്ക് സിനിമയില്‍ നിന്ന് താന്‍ എപ്പോള്‍ വിരമിക്കുമെന്നും നടി വെളിപ്പെടുത്തി.
സമന്തയുടെ വാക്കുകള്‍:
ഞാന്‍ ആഗ്രഹിക്കുന്നത് ലഭിക്കാതാകുമ്പോള്‍ സിനിമയില്‍ നിന്ന് വിരമിക്കും. കുഞ്ഞിനെക്കുറിച്ച് ഞങ്ങള്‍ ചിന്തിച്ചു തുടങ്ങിയിട്ടുണ്ട്. എപ്പോള്‍ വേണമെന്നുള്ളതിന് ഒരു തീയതി തീരുമാനിച്ചിട്ടുണ്ട്. ആ തീയതിയില്‍ തന്നെ നടക്കണമെന്നില്ല. പക്ഷേ നാഗചൈതന്യയ്ക്ക് ഉറപ്പാണ്,ആ തീയതിയില്‍ തന്നെ നടക്കുമെന്ന്.
തീയതി ഞാന്‍ പുറത്തുവിടുന്നില്ല. പിന്നെ എല്ലാവരും നാഗചൈതന്യയുടെ പിറകിലാകും. കുഞ്ഞ് ജനിച്ചാല്‍ എന്റെ കുറച്ചു വര്‍ഷങ്ങള്‍ കുഞ്ഞിനോടൊപ്പം ആയിരിക്കും.
Leave a Comment