ഇന്ത്യയിലെ ഏറ്റവും സമ്പന്നമായ രാഷ്ട്രീയ പാര്‍ട്ടി ബി ജെ പിയെന്ന് റിപ്പോര്‍ട്ട്. അസോയിയേഷന്‍ ഫോര്‍ ഡെമോക്രാറ്റിക് റിഫോംസ് (എ ഡി ആര്‍) എന്ന സംഘടനയുടെ ഓഡിറ്റ് അനുസരിച്ച് 1034 കോടിരൂപയാണ് ബി.ജെ.പിയുടെ 2016-17 വര്‍ഷത്തെ വരുമാനം. ഇന്ത്യയിലെ ഏഴു പ്രമുഖ രാഷ്ട്രീയ പാര്‍ട്ടികളുടെ 2016 -17 വര്‍ഷത്തെ വരവ് ചെലവ് കണക്കുകള്‍ എ ഡി ആര്‍ ഓഡിറ്റ് ചെയ്തിരുന്നു. ഈ പാര്‍ട്ടികള്‍ തെരഞ്ഞെടുപ്പ് കമ്മീഷന് നല്‍കിയ കണക്കുകള്‍ വിശകലനം ചെയ്താണ് ഈ വിവരങ്ങള്‍ പുറത്തു വിട്ടത്.
സി പി എം ആണ് എന്നതാണ് ഏറെ ശ്രദ്ധേയമായ മറ്റൊരു വസ്തുത. ബി ജെ പിയുമായി വരുമാനത്തില്‍ നേരിയ അന്തരവ് മാത്രമാണ് സി.പി.ഐ.എമ്മിനുള്ളത്. 2016 -17 ല്‍ സി പി എമ്മിന്റെ വരുമാനം 1002 കോടി രൂപയാണ്. മൂന്നാം സ്ഥാനത് നില്‍ക്കുന്ന കോണ്‍ഗ്രസിന്റെ വരുമാനം 225 കോടി രൂപയാണ്. നാലാം സ്ഥാനം ബി എസ് പിക്കാണ് 173 കോടി. എന്‍ സി പി 17 .25 കോടി, തൃണമൂല്‍ കോണ്‍ഗ്രസ്സ് 6 .30 കോടി, സി പി ഐ 2 കോടി എന്നിങ്ങനെയാണ് അടുത്ത സ്ഥാനങ്ങള്‍.
ഈ ഏഴു പാര്‍ട്ടികള്‍ കൂടി സമാഹരിച്ചത് 1559 കോടി രൂപയാണ്. ഇവ ചെലവാക്കിയത് 1228 കോടിയും. പാര്‍ട്ടികളുടെ വരുമാനം 2015 -16 നെ അപേക്ഷിച്ചു 51 ശതമാനം വളര്‍ച്ച രേഖപെടുത്തിയതായി എ ഡി ആര്‍ പറയുന്നു. ബി ജെ പിയുടെ കണക്കുകള്‍ പ്രകാരം അവരുടെ മൊത്തം ചെലവ് 710 കോടി രൂപയായിരുന്നു. എന്നാല്‍ 225 കോടി വരവുള്ള കോണ്‍ഗ്രസ്സിന് 321 കോടി രൂപ ചെലവായെന്ന് കണക്കുകള്‍ പറയുന്നു.
ബി ജെ പിയുടെ വരുമാനം 2015 -16 നെ അപേക്ഷിച്ചു 81 ശതമാനം വര്‍ധന രേഖപെടുത്തിയപ്പോള്‍ കോണ്‍ഗ്രസിന്റെ വരുമാനം 14 ശതമാനം ഇടിഞ്ഞു. മൊത്തം വരുമാനത്തിന്റെ 75 ശതമാനം ഈ പാര്‍ട്ടികള്‍ സമാഹരിച്ചത് സംഭവനയിലൂടെയാണ്. 2015 -16 നെ അപേക്ഷിച്ഛ് സി പി എമ്മിന്റെ വരുമാനം 6 .72 ശതമാനം കുറവ് രേഖപെടുത്തിയതായും എ ഡി ആര്‍ റിപ്പോര്‍ട്ട് പറയുന്നു.
രാഷ്ട്രീയ പാര്‍ട്ടികള്‍ ഇലക്ഷന്‍ കമ്മീഷന് കണക്കുകള്‍ നല്‍കുന്നത് 24 എ എന്ന ഫോം പൂരിപ്പിച്ചാണ്. എന്നാല്‍ പല പാര്‍ട്ടികളും അപൂര്‍ണ്ണമായാണ് ഫോം പൂരിപ്പിച്ചിരിക്കുന്നത്. ഇത് അനുവദിക്കരുതെന്നും 20,000 രൂപക്ക് മുകളില്‍ സംഭാവന നല്‍കുന്നവരുടെ വിവരങ്ങള്‍ രേഖപെടുത്തണമെന്നും എ ഡി ആര്‍ ശുപാര്‍ശ ചെയ്തിട്ടുണ്ട്. സംഭാവന നല്‍കുന്നവരുടെ വിവരങ്ങള്‍ വിവരാവകാശ നിയമത്തിന്റെ പരിധിയില്‍ ഉള്‍പ്പെടുത്തണമെന്നും ആവശ്യപെട്ടിട്ടുണ്ട്. പാര്‍ട്ടികള്‍ തെരഞ്ഞെടുപ്പ് കമ്മീഷന് നല്‍കിയ വിവരങ്ങളുടെ അടിസ്ഥാനത്തിലാണ് ഈ റിപ്പോര്‍ട്ട് തയാറാക്കിയിരിക്കുന്നത്.
Leave a Comment