നാലുവയസുകാരനെയെടുത്ത് കിണറ്റില്‍ ചാടി, അമ്മയും മകനും മരിച്ചു

ലഖ്നൗ: ഉത്തർപ്രദേശിൽ നാലുവയസുകാരനായ മകനുമായി യുവതി കിണറ്റിൽ ചാടി മരിച്ച നിലയിൽ. 26കാരിയായ പൂജയും മകനുമാണ് മരിച്ചത്. സംഭവത്തിന്റെ കാരണം വ്യക്തമല്ലെന്ന് പൊലീസ് അറിയിച്ചു. ഝാൻസി ജില്ലയിലെ ജഖൗറ പൊലീസ് സ്റ്റേഷൻ പരിധിയിലെ ഹർദില പ്രദേശത്താണ് സംഭവം. തിങ്കളാഴ്ചയാണ് യുവതി മകനുമായി കിണറ്റിൽ ചാടിയതെന്നാണ് പൊലീസിന്റെ പ്രാഥമിക വിവരം. സംഭവത്തെക്കുറിച്ച് വിവരം ലഭിച്ചതിനെ തുടർന്ന് ജഖൗറ പൊലീസ് സ്ഥലത്തെത്തി.

തുടർന്ന് കിണറ്റിൽ നടത്തിയ പരിശോധനയിൽ പൂജയുടെയും മകന്റെയും മൃതദേഹങ്ങൾ പുറത്തെടുത്തു. മൃതദേഹങ്ങൾ പോസ്റ്റ്മോർട്ടത്തിനായി അയച്ചതായി പൊലീസ് അറിയിച്ചു. ജഖൗറ സ്റ്റേഷൻ ഹൗസ് ഓഫീസർ റാം പ്രകാശിന്റെ നേതൃത്വത്തിലാണ് തുടർനടപടികൾ പുരോഗമിക്കുന്നത്.

യുവതി ഇത്തരമൊരു നടപടി സ്വീകരിച്ചതിന്റെ കാരണം നിലവിൽ വ്യക്തമല്ലെന്നാണ് പൊലീസ് പറയുന്നത്. സംഭവവുമായി ബന്ധപ്പെട്ട സാഹചര്യങ്ങൾ അന്വേഷിച്ചുവരികയാണ്. കുടുംബാംഗങ്ങളിൽനിന്നും പ്രദേശവാസികളിൽനിന്നും വിവരങ്ങൾ ശേഖരിച്ചുവരുന്നതായും പൊലീസ് അറിയിച്ചു.

Related Post

‘സുധാകരൻ ഹരിശ്ചന്ദ്രനാകാൻ നോക്കേണ്ട; തെരഞ്ഞെടുപ്പിന് മുമ്പ് അക്കൗണ്ടിലുണ്ടായിരുന്ന 50 ലക്ഷം രൂപ മകന്റെ അക്കൗണ്ടിലേക്ക് മാറ്റി, പിന്നീട് പറവൂർ സ്കൂളിനടുത്ത് ഭാര്യയുടെ പേരിൽ ഒരു ആധാരം നടന്നു. അതിന്റെ പൈസ എവിടെ നിന്നാണ്‘ ആരോപണമുയർത്തി എച്ച്. സലാം

October 6, 2026

ഫോണ്‍ പരിശോധിച്ചപ്പോള്‍ കണ്ടത് 15 സ്ത്രീകളുമായി അശ്ലീല ചാറ്റ്, ചോദ്യം ചെയ്തപ്പോള്‍ മര്‍ദനം, മൂന്നാം ഭര്‍ത്താവിനെതിരെ പരാതിയുമായി യുവതി, വിവാഹം കഴിഞ്ഞ് ദിവസങ്ങള്‍ മാത്രം

October 6, 2026

’എഴുന്നേറ്റ് നിൽക്കാൻ പോലും കഴിയാത്ത അവസ്ഥയിലാണ് വീട്ടിലെത്തിയത്; 3 നേരവും ലഹരികലർത്തിയ ഭക്ഷണമാണ് അവർ കൊടുത്തത്, 2 ദിവസം പൂട്ടിയിട്ട് കൂട്ടബലാത്സംഗം; ഞാൻ സ്ഥലത്തില്ലായിരുന്നു’: കളമശ്ശേരിയിൽ കൂട്ടബലാത്സം​ഗത്തിനിരയായ യുവതിയുടെ ഭർത്താവ്

October 6, 2026

‘പാർട്ടി കോടതി അല്ല, തെറ്റ് ചെയ്താൽ നടപടിയുണ്ടാകും; വിഷയങ്ങൾ പഠിച്ച ശേഷമാണ് തീരുമാനമെടുക്കുന്നത്’:കെ.കെ. ശൈലജ

October 6, 2026