BREAKING NEWS

ഹോസ്റ്റൽ കെട്ടിടം തകർന്നു വീണു, നിരവധി വിദ്യാര്‍ത്ഥികള്‍ കുടുങ്ങിക്കിടക്കുന്നു

· · 1 min read
Share: Copied!

ന്യൂഡൽഹി: ഡൽഹിയിൽ വിദ്യാർഥികൾ താമസിക്കുന്ന കെട്ടിടം തകർന്നുവീണ് വൻ അപകടം. ഒട്ടേറെ പേർ കുടുങ്ങിക്കിടക്കുന്നതായി ആശങ്ക. 10 പേരെ രക്ഷപ്പെടുത്തി. ഡൽഹി സർവകലാശാല സൗത്ത് ക്യാംപസ് പൊലീസ് സ്റ്റേഷൻ പരിധിയിലുള്ള സത്യനികേതനിൽ ഇന്ന് ഉച്ചയോടെയാണ് ഹോസ്റ്റൽ കെട്ടിടം തകർന്നു വീണത്. ഒട്ടേറെ വിദ്യാർഥികൾ അവശിഷ്ടങ്ങൾക്കിടയിൽ കുടുങ്ങിക്കിടക്കുന്നതായാണ് സംശയിക്കുന്നത്. സംഭവത്തെ തുടർന്ന് പ്രദേശത്ത് കടുത്ത പരിഭ്രാന്തി നിലനിൽക്കുകയാണ്. ഇതുവരെ ആളപായമൊന്നും ഔദ്യോഗികമായി റിപ്പോർട്ട് ചെയ്തിട്ടില്ല. ഞായറാഴ്ചയായിരുന്നതിനാൽ കെട്ടിടങ്ങളിൽ പതിവിലും കൂടുതൽ താമസക്കാരുണ്ടായിരുന്നതായി വിവരമുണ്ട്.ആൺകുട്ടികൾക്കായുള്ള ‘ഹോസ്റ്റൽ ഡെയ്‌സ്’ എന്ന പിജിയാണ് തകർന്നു വീണതെന്ന് ദൃക്‌സാക്ഷികൾ പറയുന്നു.

ഇതിനോട് ചേർന്നുള്ള മറ്റൊരു കെട്ടിടവും തകർന്നിട്ടുണ്ട്. മുറികൾക്കുള്ളിലുണ്ടായിരുന്ന മിക്ക വിദ്യാർഥികളും അവശിഷ്ടങ്ങൾക്കിടയിൽ കുടുങ്ങിയിട്ടുണ്ടെന്ന് പ്രദേശവാസികൾ പറയുന്നു. ഹോസ്റ്റൽ റജിസ്റ്റർ പരിശോധിച്ചാൽ മാത്രമേ എത്ര പേർ കുടുങ്ങിയെന്ന് കൃത്യമായി പറയാനാകൂ. കെട്ടിടം തകർന്നയുടൻ തന്നെ ഫയർഫോഴ്സും രക്ഷാപ്രവർത്തകരും എത്തി ആളുകളെ പുറത്തെടുക്കാൻ കഠിനമായി ശ്രമിക്കുന്നുണ്ട്. പുറത്തെടുത്ത ഒട്ടേറെ വിദ്യാർഥികൾക്ക് ഗുരുതരമായി പരുക്കേറ്റിട്ടുണ്ട്. അഞ്ചുനില കെട്ടിടമാണ് തകർന്നതെന്നാണ് പ്രാഥമിക വിവരം.

ഉച്ചയ്ക്ക് 1.30 ഓടെയാണ് അഗ്നിരക്ഷാസേനയ്ക്ക് വിവരം ലഭിക്കുന്നത്. ഉടൻ തന്നെ 12 ഫയർഫോഴ്സ് യൂണിറ്റുകളും വിവിധ വകുപ്പുകളുടെ ദുരന്തനിവാരണ സേനകളും സ്ഥലത്തെത്തി രക്ഷാപ്രവർത്തനം ആരംഭിച്ചു. പ്രദേശം ബാരിക്കേഡ് വച്ച് തിരിച്ചിരിക്കുകയാണ്. കേന്ദ്ര ദ്രുത കർമ സേനയുൾപ്പെടെ സ്ഥലത്തെത്തി. ഡൽഹി സർവകലാശാലയിലെ വിദ്യാർഥികളും വിവിധ രാഷ്ട്രീയ പാർട്ടികളുടെ വിദ്യാർഥി സംഘടന ഭാരവാഹികളും രക്ഷാപ്രവർത്തനത്തിൽ സഹായിക്കുന്നു.

BREAKING NEWS
ഡോക്ടറുടെ ഫോണിൽ രോഗികളുടെ ഉൾപ്പെടെ ഒട്ടേറെ നഗ്നദൃശ്യങ്ങൾ, ഉടൻ ഫോൺ തിരികെ ലഭിച്ചില്ലെങ്കിൽ ഇക്കാര്യങ്ങൾ പുറത്തു വരുമെന്ന ഭീതിയിയിൽ ഡോക്ടർ പരാതി നൽകി- നടിയുടെ അഭിഭാഷകൻ കോടതിയിൽ!! ഡോക്ടറെ മർദിച്ച കേസിൽ നടി അതുല്യ ഉൾപ്പെടെയുള്ളവർക്ക് ജാമ്യം
19 Nov 2026
BREAKING NEWS
‘ചരിത്രം കുറിക്കുകയാണ്; ഇറാനെ ആണവായുധം സ്വന്തമാക്കാൻ അനുവദിക്കില്ല’: ട്രംപ്–ഷി–പുട്ടിൻ ത്രികക്ഷി ഉച്ചകോടിക്ക് തുടക്കം
19 Nov 2026
BREAKING NEWS
'കൂട്ടുത്തരവാദിത്തം നഷ്ടമായി, ടീം യുഡിഎഫ് ടീമല്ലാതായി; മുഖ്യമന്ത്രിക്ക് ഏകാധിപത്യ മനോഭാവം; കെപിസിസി പ്രസിഡന്റായ മന്ത്രിക്ക് പോലും തന്റെ അഭിപ്രായം പരസ്യമായി രേഖപ്പെടുത്തേണ്ടിവന്നു'; പിണറായി വിജയൻ
19 Nov 2026
BREAKING NEWS
"അന്ന് സംഘർഷമുണ്ടായ സ്ഥലങ്ങൾ സന്ദർശിക്കാൻ പോയ സംഘത്തിൽ ഞാനും ഉണ്ടായിരുന്നു, ഞാൻ ഇറങ്ങിയില്ല, ഓട്ടോയിൽ നിന്നിറങ്ങിയ ജയരാജനടക്കമുള്ളവർക്ക് ഏറ് കിട്ടി, ആശുപത്രിയിൽ ആളുകൾക്കിടയിൽ നിന്ന് എന്ത് ഗൂഢാലോചന നടത്താനാണ് പറ്റുക? 14 വർഷത്തോളം അനുഭവിച്ച പ്രയാസത്തിന് അറുതിയായി"- കെ കെ ശൈലജ
19 Nov 2026