ന്യൂഡൽഹി: സൗത്ത് ഡൽഹിയിൽ ഹൗസ് റാണി മേഖലയിലെ ഹോട്ടലിൽ ബുധനാഴ്ച രാവിലെ ഉണ്ടായ തീപിടിത്തത്തിൽ കുറഞ്ഞത് 21 പേർ മരണപ്പെട്ടു. ഹൗസ് റാണി പ്രദേശത്തെ ഫ്ലൂറിഷ് സ്റ്റേയിലാണ് തീപിടിത്തമുണ്ടായത്. മരണപ്പെട്ടവരിൽ ഭൂരിഭാഗവും വിദേശ പൗരന്മാരാണെന്നാണ് അറിയുന്നത്. താഴത്തെ നിലയിൽ ആരംഭിച്ച തീ ഞൊടിയിടയിൽ അഞ്ച് നില കെട്ടിടത്തിന്റെ മറ്റ് നിലകളിലേക്കും പടരുകയായിരുന്നു.
തീയിൽ നിന്ന് രക്ഷപ്പെടാൻ സ്ത്രീകൾ മുകളിലത്തെ നിലകളിൽ നിന്ന് ചാടുന്നത് സംഭവസ്ഥലത്ത് നിന്നുള്ള വീഡിയോകളിൽ കാണാം. തീപിടിത്തത്തിൽ നിന്ന് രക്ഷപ്പെടാൻ നിരാശരായ രണ്ട് സ്ത്രീകൾ, തീജ്വാലകൾക്കിടയിലൂടെ ജീവനോടെ ഹോട്ടലിന് മുന്നിലുള്ള റോഡിലേക്ക് ചാടിയതും ദൃശ്യങ്ങളിൽ കാണാമായിരുന്നു. ഇതിനിടെ കുടുങ്ങിക്കിടക്കുന്നവരെ സഹായിക്കാൻ നാട്ടുകാർ വിരിച്ച മെത്തകളിലേക്കാണ് ചിലർ ചാടിയത്. ഗുരുതരാവസ്ഥയിൽ പരിക്കേറ്റവരെ ഉടൻ സമീപത്തെ ആശുപത്രികളിലേക്ക് മാറ്റി.
“കെട്ടിടത്തിന്റെ താഴത്തെ നിലയിലാണ് റെസ്റ്റോറന്റ് പ്രവർത്തിച്ചിരുന്നത്. തീപിടിത്തത്തിന്റെ കാരണം ഇപ്പോഴും അറിവായിട്ടില്ല. മുകളിലത്തെ നിലയിലുള്ള ചിലർ കെട്ടിടത്തിൽ നിന്ന് നാട്ടുകാർ റോഡിൽ വച്ച മെത്തകളിൽ ചാടിയതായി സൗത്ത് ഡിസ്ട്രിക്റ്റിലെ ഡിഡിഎംഎയിലെ എസ്ഡിഎം ജിതേന്ദ്ര കുമാർ പറഞ്ഞു. ഇടുങ്ങിയ വഴികളുള്ള പ്രദേശമായതിനാൽ രക്ഷാപ്രവർത്തനത്തിന് തടസം നേരിട്ടതായി ഫയർഫോഴ്സ് ഉദ്യോഗസ്ഥർ പറഞ്ഞു. തീ അണയ്ക്കുന്നതിനായി മണിക്കൂറുകളോളം പരിശ്രമിക്കേണ്ടിവന്നു
Related Post
അതേസമയം ഹൗസ് റാണിയിലെ ഇടുങ്ങിയ പാതകൾക്കുള്ളിൽ സ്ഥിതി ചെയ്യുന്ന ഹോട്ടലിന്റെ ബേസ്മെന്റിൽ ഒരു റെസ്റ്റോറന്റ് ഉണ്ടായിരുന്നു. പ്രദേശവാസികൾ പറയുന്നതനുസരിച്ച്, ഏകദേശം 25 മുറികളുള്ള ഹോട്ടലിൽ 40 ഓളം അതിഥികൾക്ക് താമസ സൗകര്യമുണ്ടായിരുന്നു, അവരിൽ ഭൂരിഭാഗവും വൈദ്യ ചികിത്സയ്ക്കായി രാജ്യത്തെത്തിയ വിദേശ പൗരന്മാരായിരുന്നു. തീപിടിത്തമുണ്ടായപ്പോൾ ഹോട്ടലിലെ മിക്ക അതിഥികളും ഉറങ്ങുകയായിരുന്നുവെന്നാണ് റിപ്പോർട്ട്.
VIDEO | Delhi: Fire broke out at Flourish Stay in Malviya Nagar. Fire tenders and ambulances carry out a rescue operation. Death toll reaches 18.
(Source: Third Party)#Fire #Delhi
(Full video available on PTI Videos – https://t.co/n147TvrpG7) https://t.co/dB5JttEvOJ pic.twitter.com/mmtJUAMCny
— Press Trust of India (@PTI_News) June 3, 2026
