Related Post
വിഴിഞ്ഞം: വിഴിഞ്ഞത്തെ വീട്ടിൽ നിന്നു കാണാതായ പതിമൂന്നുകാരി തനിയെ വിമാനമാർഗം ഡൽഹിയിൽ. പെൺകുട്ടിയെ കാണാതായെന്ന ബന്ധുക്കളുടെ പരാതിയിൽ നടത്തിയ അന്വേഷണത്തിലാണ് കുട്ടി ഡൽഹിയിലെത്തിയെന്ന് അറിഞ്ഞത്. ഇതോടെ പെൺകുട്ടിയെ മടക്കിക്കൊണ്ടുവരാൻ പോലീസ് ഡൽഹിക്കു പോയി.
വിഴിഞ്ഞത്തു താമസിക്കുന്ന ബംഗാൾ സ്വദേശികളുടെ മകളാണ് ഒറ്റയ്ക്ക് വിമാനം കയറി ഡൽഹിയിലെത്തിയത്. കുട്ടിയെ ഇന്നലെ രാവിലെ 7 മുതൽ കാണാനില്ലെന്നു ബന്ധുക്കളുടെ പരാതിയുടെ അടിസ്ഥാനത്തിലുള്ള അന്വേഷണത്തിനിടെ, കുട്ടിയെ വിമാനത്താവളത്തിൽ എത്തിച്ച ഓട്ടോ ഡ്രൈവറെ കണ്ടെത്തുകയായിരുന്നു. അയാളുടെ മൊഴിയാണ് അന്വേഷണത്തിനു തുമ്പായത്. തുടർന്നുള്ള അന്വേഷണത്തിൽ കുട്ടി വിമാനം കയറിയതായി വിവരം ലഭിച്ചു.
