ഏതെങ്കിലുമൊരു കാര്യം പെട്ടെന്ന് ഗ്രഹിക്കാൻ പറ്റിയില്ലെങ്കിൽ അപ്പോൾ ചോദിക്കും നിന്റെ തലയിൽ കളിമണ്ണാണോയെന്ന്. എന്നാൽ പകരം ഞാറ് നട്ട് കാണിക്കുകയാണ് അനജ് വാലെ ബാബ’. 2025 ജനുവരി 13 മുതൽ ഫെബ്രുവരി 26 വരെ പ്രയാഗ് രാജിൽ നടക്കുന്ന മഹാകുംഭമേളയിൽ പങ്കെടുക്കാനെത്തിയ ‘അനജ് വാലെ ബാബ’ എന്ന ഒരു യോഗിയാണ് ഇപ്പോൾ ദേശീയ ശ്രദ്ധയാകർഷിക്കുന്നത്.
ഉത്തര്പ്രദേശിലെ സോന്ഭദ്ര ജില്ലയിൽ നിന്നുള്ള ഈ യോഗി തൻറെ തലമുടിക്ക് ഇടയിൽ പ്രത്യേകം സജ്ജീകരിച്ചാണ് നെല്ല് വളർത്തുന്നത്. അദ്ദേഹം പരിസ്ഥിതി അവബോധത്തിൻറെ ജീവിക്കുന്ന പ്രതീകമാണെന്നാണ് സമൂഹ മാധ്യമ ഉപയോക്താക്കുടെ അഭിപ്രായം. അമർജീത് എന്നാണ് അനജ് വാലെ ബാബയുടെ യഥാർത്ഥ പേര്.
കഴിഞ്ഞ അഞ്ച് വർഷമായി നിരവധി വിളകളാണ് ഈ തലയിൽ കൃഷി ചെയ്തിട്ടുള്ളത്. ഗോതമ്പ്, ചെറുധാന്യങ്ങൾ, കടല തുടങ്ങിയവയെല്ലാം ഇക്കാലയളവിൽ അദ്ദേഹത്തിൻറെ തലയിൽ വിളവെടുത്തു. നെറ്റിയോടൊപ്പം ചേർന്ന് കാവിത്തുണി കെട്ടി അതിനുള്ളിലാണ് അദ്ദേഹത്തിൻറെ കൃഷി. തലയിൽ ഒരു പാടം കൊണ്ട് നടക്കുന്നത് പോലെ. അനജ് വാലെ ബാബയുടെ രൂപം മേള തുടങ്ങുന്നതിന് മുമ്പ് തന്നെ പ്രശസ്തമായി.
മുഖ്യമന്ത്രി വാക്ക് പാലിച്ചു…!! ഈ അവസ്ഥയിലേക്ക് എന്നെ തള്ളിവിട്ടവരില്‍ പ്രധാനിയാണ് ഇപ്പോള്‍ കസ്റ്റഡിയിലായിരിക്കുന്നത്…!! ആശ്വാസമായെന്ന് ഹണി റോസ്…!! ഈ കേസിന് പിന്നില്‍ തന്നെയുണ്ടാകും… ബോബി ചെമ്മണ്ണൂരിനെ കസ്റ്റഡിയിൽ എടുത്തതിൽ പ്രതികരണം….
തലയിൽ കൃഷി ചെയ്യുന്നതിലൂടെ പരിസ്ഥിതിയുടെ പ്രധാന്യത്തെ കുറിച്ചുള്ള സന്ദേശം പ്രചരിപ്പിക്കാനാണ് തൻറെ ശ്രമമെന്ന് ബാബ വിശദീകരിക്കുന്നു. ‘വനനശീകരണം വർദ്ധിച്ചുവരുന്ന പ്രശ്നമാണ്, കൂടുതൽ പച്ചപ്പ് നടാൻ ആളുകളെ പ്രചോദിപ്പിക്കാൻ ഞാൻ ആഗ്രഹിക്കുന്നു’ അദ്ദേഹം തൻറെ ആശയം മണി കൺട്രോളിനോട് പറഞ്ഞു. വെറുതെ കാഴ്ചക്കാർക്ക് വേണ്ടിയുള്ള കൃഷിയല്ല ബാബയുടേത്. മറിച്ച് എല്ലാ ദിവസവും അദ്ദേഹം വിളകൾക്ക് കൃത്യമായ വെള്ളവും വളവും നൽകുന്നു. അവയ്ക്ക് എന്തെങ്കിലും കീടബാധയുണ്ടെയെന്ന് പരിശോധിക്കുന്നു.
Related Post
കൽപവാസ സമയത്ത് കില ഘട്ടിനടുത്താണ് ബാബ തന്നെ കാണാനെത്തുന്നവരെ സ്വീകരിക്കുന്നത്. അദ്ദേഹത്തെ ഒന്ന് കാണാനായി പോലും ഭക്തർ പ്രദേശത്ത് തിരക്ക് കൂട്ടുകയാണെന്ന് റിപ്പോർട്ടുകൾ പറയുന്നു. മഹാ കുംഭമേള അവസാനിച്ചാൽ ബാബ സോൻഭദ്രയിലേക്ക് മടങ്ങിപ്പോകും. അവിടെ തൻറെ പാരിസ്ഥിതിക അറിവുകൾ ജനങ്ങളുമായി പങ്കുവയ്ക്കും. കൃഷിയുടെയും പ്രകൃതിയുടെയും പ്രധാന്യത്തെ കുറിച്ച് സാധാരണക്കാരോട് സംസാരിക്കും. 12 വർഷത്തിലൊരിക്കൽ നടക്കുന്ന മഹാ കുംഭമേളിൽ 45 കോടി ഭക്തരെത്തുമെന്ന് കണക്കാക്കുന്നത്.
