BREAKING NEWS

27 കിലോ സ്വർണാഭരണം, വജ്രങ്ങൾ, 11,344 സാരി, 250 ഷാൾ, 750 ജോടി ചെരുപ്പ്…!! ജയലളിതയിൽനിന്ന് പിടിച്ചെടുത്ത സ്വത്ത് ഇനി തമിഴ്നാട് സർക്കാരിന്…

· · 1 min read
Share: Copied!

ബെംഗളൂരു: അന്തരിച്ച മുൻ മുഖ്യമന്ത്രി ജയലളിതയിൽനിന്ന് പിടിച്ചെടുത്ത സ്വത്ത് ബെംഗളൂരുവിലെ സിബിഐ പ്രത്യേക കോടതി തമിഴ്നാടിന് കൈമാറും. 27 കിലോ സ്വർണാഭരണങ്ങൾ, വജ്രങ്ങൾ, 11344 സാരി, 250 ഷാൾ, 750 ജോടി ചെരിപ്പ് എന്നിവ കൈമാറുന്ന 14,15 തീയതികളിൽ തമിഴ്നാട് സർക്കാരിന്റെ പ്രതിനിധികൾ കോടതിയിൽ ഹാജരാകണമെന്നും നിർദേശിച്ചു.

1996ൽ ചെന്നൈ പോയസ് ഗാർഡനിലെ വസതി റെയ്ഡ് ചെയ്താണ് ഇവ പിടിച്ചെടുത്തത്. സ്വത്തിൽ അവകാശമുണ്ടെന്ന ജയലളിതയുടെ സഹോദരന്റെ മക്കളായ ജെ.ദീപ, ജെ.ദീപക്ക് എന്നിവരുടെ വാദം കോടതി തള്ളിയിരുന്നു. അനധികൃത സ്വത്ത് കേസിന്റെ വിചാരണ ബെംഗളൂരുവിലെ പ്രത്യേക കോടതിയിലേക്കു മാറ്റിയതോടെയാണ് തമിഴ്നാട് പൊലീസ് പിടിച്ചെടുത്ത സ്വത്ത് കർണാടക സർക്കാരിന്റെ കസ്റ്റഡിയിലായത്.

2024 മാർച്ചിൽ സ്വത്തുക്കൾ കൈമാറാൻ സിബിഐ കോടതി ലക്ഷ്യമിട്ടിരുന്നെങ്കിലും ദീപക്കും ദീപയും കർണാടക ഹൈക്കോടതിയെ സമീപിച്ച് സ്റ്റേ സ്വന്തമാക്കി. ഹർജികളിൽ തീർപ്പാകുന്നതുവരെ വിലപിടിപ്പുള്ള വസ്തുക്കൾ കൈമാറരുതെന്നായിരുന്നു അന്ന് കോടതി നൽകിയ നിർദേശം. ഈ സ്റ്റേ അടുത്തിടെ ഒഴിവായതോടെയാണ് ജയലളിതയുടെ സ്വത്തുക്കൾ തമിഴ്‌നാട് സർക്കാരിന് കൈമാറാൻ ബെംഗളൂരുവിലെ പ്രത്യേക സിബിഐ കോടതി ഉത്തരവിട്ടത്. ജയിലളിതയുടെ വസ്തുക്കളുടെ അവകാശം അവകാശപ്പെട്ട് അവകാശികൾ സമർപ്പിച്ച ഹർജികൾ ജനുവരി 13ന് ഹൈക്കോടതി തള്ളുകയായിരുന്നു.

ഇതോടെ കോടിക്കണക്കിന് രൂപയുടെ സ്വത്തുവകകളാണ് തമിഴ്നാട് സർക്കാരിലേക്ക് എത്തുന്നത്. ചെന്നൈയിലെ പോയസ് ഗാർഡനിലെ വസതിയായ വേദനിലയം, ഭൂമി, എസ്റ്റേറ്റുകൾ, ബാങ്ക് നിക്ഷേപങ്ങൾ, ആഭരണങ്ങൾ ഉൾപ്പെടെയുള്ള 700 കിലോ വെള്ളി, സ്വർണം, വജ്രം, മുത്ത്, വിലയേറിയ കല്ലുകൾ കൊണ്ട് നിർമിച്ച ആഭരണങ്ങൾ, 11000ത്തിലധികം സാരികൾ, 750 ചെരുപ്പുകൾ തുടങ്ങി നിരവധി വസ്തുക്കൾ ആസ്തികളിൽ ഉൾപ്പെടുന്നുണ്ട്.

2016ൽ ജയലളിത അന്തരിച്ചതോടെ സ്വത്ത സമ്പാദനവുമായി ബന്ധപ്പെട്ട നിയമനടപടികൾ അവസാനിപ്പിച്ചിരുന്നു. എന്നാൽ സ്വത്തുക്കൾ കണ്ടുകെട്ടുന്നതിൽ സുപ്രീം കോടതി അനുകൂല തീരുമാനമെടുത്തു. എന്നാൽ, ജയലളിതയ്‌ക്കെതിരായ കേസ് അവസാനിപ്പിച്ചതിനാൽ സ്വത്തുക്കൾ കണ്ടുകെട്ടരുതെന്നായിരുന്നു ജയലളിതയുടെ അവകാശികളുടെ വാദം.

അതേസമയം മുൻ മുഖ്യമന്ത്രി ജയലളിതയുടെ ഓർമ നിലനിർത്താൻ ശശികല സ്മൃതിമണ്ഡപം നിർമിക്കുന്നതായും കഴിഞ്ഞയാഴ്ച വാർത്തകൾ വന്നിരുന്നു. മരണം വരെ തോഴിയായി കൂടെയുണ്ടായിരുന്ന വി.കെ.ശശികലയാണ് ജയലളിതയുടെ പ്രതിമ സഹിതമുള്ള സ്മൃതിമണ്ഡപം ജയലളിതയുടെ വേനൽക്കാല വസതിയായിരുന്ന കൊടനാട് എസ്റ്റേറ്റിൽ ഒരുക്കുന്നത്. ഇതിനായുള്ള ഭൂമിപൂജ ഇന്നലെ എസ്റ്റേറ്റ് വളപ്പിൽ നടന്നു. ജയലളിതയുടെ പൂർണകായ പ്രതിമയാണ് ഇവിടെ സ്ഥാപിക്കുക. ടൂറിസം മേഖലയായ കൊടനാട് വ്യൂ പോയിന്റ് കാണാൻ എത്തുന്നവർക്ക് സ്മൃതിമണ്ഡപം കാണാൻ സൗകര്യം ഒരുക്കുമെന്ന് ശശികല പറഞ്ഞു. ഓഗസ്റ്റിനുള്ളിൽ പണിതീർത്ത് പൊതുജനങ്ങൾക്കു തുറന്നുനൽകും.

ജയലളിതയ്ക്ക് ഏറ്റവും ഇഷ്ടമുള്ള പ്രദേശമായിരുന്നു ഇതെന്നും തന്റെ കുടുംബാംഗങ്ങളെ പോലെ കരുതുന്ന ഇവിടത്തെ തൊഴിലാളികൾ നിരന്തരം വിളിച്ചതുകൊണ്ടാണു വീണ്ടും വന്നതെന്നും ശശികല പറഞ്ഞു. ഇവിടെ ജയലളിതയ്ക്ക് ഏറ്റവും ഇഷ്ടമുള്ള സ്ഥലത്തു തന്നെയാണ് പ്രതിമ നിർമിക്കുന്നതെന്നും ഇതുവരെ ഒരുമിച്ചു വന്നിരുന്ന സ്ഥലത്ത് തനിച്ചു വരുന്നത് സങ്കടകരമാണെന്നും പറഞ്ഞ ശശികല തൊഴിലാളികളുടെ കുടുംബാംഗങ്ങളെ പ്രത്യേകം കണ്ടു സുഖവിവരം അന്വേഷിച്ചു. എസ്റ്റേറ്റിൽ നിന്ന് ഇന്നു കാർ മാർഗം ശശികല തഞ്ചാവൂരിലേക്കു പോകും.

Bengaluru court to hand over confiscated valuables of Jayalalithaa to Tamil Nadu government
J Jayalalithaa Jayalalithaa wealth case Tamil Nadu CBI Court India News

BREAKING NEWS
താന്‍മാത്രം മന്ത്രിയായി ഇരുന്നാല്‍ മതിയോയെന്ന് സഖാക്കള്‍ ചോദിക്കുന്ന അവസ്ഥയുണ്ടാക്കരുത്, കോര്‍പ്പറേഷന്‍ നിയമനങ്ങള്‍ അടിയന്തരമായി നടത്തണം, യുഡിഎഫിന്റെ ഭാഗത്തുനിന്ന് മാന്യതയുണ്ടാകുമെന്നാണ് കരുതുന്നത്- ഷിബു ബേബി ജോണ്‍
16 Nov 2026
BREAKING NEWS
മൂന്ന് പേരുടെ ജീവനെടുത്ത നെടുമ്പാശേരി മിനികൂപ്പർ അപകടം; ഒന്നാം പ്രതി സുഹൈൽ ഇന്ന് പുറത്തിറങ്ങും, കോടതി ആവശ്യപ്പെട്ട 10 ദിവസത്തെ ജയിൽവാസം പൂർത്തിയായി
16 Nov 2026
BREAKING NEWS
മാർക്കറ്റ് ഗേറ്റ് ചാടിക്കടന്ന് അടക്ക മോഷണം; 3.64 ലക്ഷം രൂപയുടെ 16 ചാക്ക് കവർന്ന പ്രായപൂർത്തിയാകാത്ത രണ്ടുപേരടക്കം അഞ്ചംഗ സംഘം പിടിയിൽ
16 Nov 2026
BREAKING NEWS
'ലഡു കൊണ്ട് എറിഞ്ഞാലും ഏറ് ഏറാണ്; മുറിവുണ്ടാക്കിയവർ തന്നെയത് ഉണക്കണം'; സർക്കാരിനെതിരേ ഓർത്തഡോക്സ് സഭ; പാത്രിയാർക്കീസ് ബാവയുടെ ടെ മണർകാട് സന്ദർശനത്തോടെ വീണ്ടും ഓർത്തഡോക്സ്-യാക്കോബായ സഭാ തർക്കം
16 Nov 2026