Related Post
പാലക്കാട്: സഹോദരൻ റിമോർട്ട് നൽകാത്തതിന്റെ പേരിൽ 12 വയസുകാരൻ ജീവനൊടുക്കി. പാലക്കാട് തച്ചമ്പാറ മുതുക്കുറിശ്ശിയിലെ പ്രമോദിന്റെ മകൻ പ്രദോഷാണ് തൂങ്ങി മരിച്ചത്. വീടിന്റെ തട്ടിൻപുറത്ത് തൂങ്ങി മരിച്ച നിലയിൽ കണ്ടെത്തുകയായിരുന്നു. വ്യാഴാഴ്ച രാവിലെയാണ് സംഭവം.
പ്രദോഷിനെക്കാൾ രണ്ടുവയസ്സ് മൂത്ത സഹോദരൻ ടി.വിയിൽ ഒരു പരിപാടി കണ്ടുകൊണ്ടിരിക്കുകയായിരുന്നു. അതിനിടെ പ്രദോഷ് റിമോട്ട് ആവശ്യപ്പെട്ടു. എന്നാൽ സഹോദരൻ നൽകിയില്ല. അതേതുടർന്ന് പ്രദോഷ് പിണങ്ങി വീടിന്റെ തട്ടിൻപുറത്ത് കയറിയിരുന്നു. അത് വീട്ടുകാരുടെ ശ്രദ്ധയിൽപ്പെട്ടില്ല. ഏറെ നേരമായിട്ടും കാണാതായതിനെ തുടർന്ന് പിതാവ് പ്രമോദ് അന്വേഷിച്ചപ്പോഴാണ് തൂങ്ങി നില്ക്കുന്ന നിലയിൽ കണ്ടെത്തിയത്. ഉടൻ ആശുപത്രിയിൽ കൊണ്ടുപോയെങ്കിലും അപ്പോഴേയ്ക്കും മരണം സംഭവിച്ചിരുന്നു.
