BREAKING NEWS

മകന്റെ ഉപദ്രവം സഹിക്കവയ്യാതെ കേസുകൊടുത്തു, ഭക്ഷണം കഴിച്ചുകൊണ്ടിരിക്കെ പിതാവിനെ കഴുത്തുഞെരിച്ചും വടികൊണ്ട് തലയ്ക്കടിച്ചും കൊലപ്പെടുത്തി, കൊല്ലം സ്വദേശിക്കു ജീവപര്യന്തം കഠിനതടവും ഒരുലക്ഷം രൂപ പിഴയും, ശിക്ഷ പ്രതിക്ക് മാനസികരോഗമുണ്ടെന്ന എതിർഭാ​ഗത്തിന്റെ വാദം തള്ളി

· · 1 min read
Share: Copied!

കൊല്ലം: തന്റെ ഉപദ്രവം സഹിക്കവയ്യാതെ പോലീസിൽ കേസുകൊടുത്ത അച്ഛനെ കൊലപ്പെടുത്തിയെന്ന കേസിൽ മകന് ജീവപര്യന്തം കഠിനതടവും ഒരുലക്ഷം രൂപ പിഴയും ശിക്ഷ. ഇരവിപുരം, തെക്കേവിള സ്നേഹ നഗർ-163, വെളിയിൽവീട്ടിൽ സത്യബാബു(73)വിനെ കഴുത്തുഞെരിച്ചു കൊന്നെന്ന കേസിലാണ് മകനായ രാഹുൽ സത്യനെ (36) ശിക്ഷിച്ചുകൊണ്ട് ഉത്തരവായത്. കൊല്ലം ഫസ്റ്റ് അഡീഷണൽ ജില്ലാ സെഷൻസ് ജഡ്‌ജി പിഎൻ വിനോദാണ് ശിക്ഷ വിധിച്ചത്.

2022 ഡിസംബർ 21-നാണ്‌ കേസിനാസ്പദമായ സംഭവം. പ്രതി രാഹുലും അമ്മയായ രമണിയും കൊല്ലപ്പെട്ട സത്യനുമായി കുടുംബവീട്ടിൽ താമസിക്കുകയായിരുന്നു. പ്രതി മാതാപിതാക്കളുടെ കൈയിൽനിന്നും മദ്യപിക്കായി ബലമായി പണംവാങ്ങുക പതിവായിരുന്നു. ഒടുവിൽ രാഹുലിന്റെ ഉപദ്രവം സഹിക്കാൻ വയ്യാത്തതിനെത്തുടർന്ന് ഇയാൾക്കെതിരേ പോലീസിൽ പരാതിപ്പെട്ടശേഷം തിരിച്ചു വീട്ടിൽവന്ന്‌, ആഹാരം കഴിക്കുകയായിരുന്ന അച്ഛനെയും അമ്മയെയും പ്രതി ആക്രമിക്കുകയായിരുന്നു.
പോക്‌സോ കേസിൽ സ്‌കൂൾ ബസ് ഡ്രൈവറും ക്ലീനറും അറസ്റ്റിൽ, അറസ്റ്റ് തങ്ങളോടെ മോശമായി പെരുമാറിയതായി കാണിച്ച വിദ്യാർഥിനികൾ സ്കൂൾ പ്രിൻസിപ്പാളിനു നൽകിയ പരാതിയെ തുടർന്ന്

പ്രതി സത്യബാബുവിനെ കഴുത്തിൽ കുത്തിപ്പിടിച്ച് ശ്വാസംമുട്ടിക്കുകയും വടിയെടുത്ത് തലയ്ക്കടിക്കുകയും ചെയ്തു. പരുക്കേറ്റതിനെ തുടർന്ന്‌ വീട്ടിൽനിന്നിറങ്ങിയ സത്യബാബു വഴിയിൽ കുഴഞ്ഞുവീണ് മരിച്ചെന്നാണ് കേസ്. പരുക്കേറ്റ അമ്മ രമണിയെയടക്കം 15 സാക്ഷികളെ പ്രോസിക്യൂഷൻ വിസ്തരിച്ചു.

പ്രതിക്ക് മാനസികരോഗമുണ്ടെന്ന പ്രതിഭാഗത്തിന്റെ വാദം തള്ളിയ കോടതി രമണിക്ക്‌ ഉചിതമായ നഷ്ടപരിഹാരം കൊടുക്കാൻ ജില്ലാ ലീഗൽ സർവീസ് അതോറിറ്റിക്ക് ഉത്തരവിൽ നിർദേശം നൽകി. പ്രോസിക്യൂഷനുവേണ്ടി ജില്ലാ പബ്ലിക് പ്രോസിക്യൂട്ടർ സിസിൻ ജി മുണ്ടയ്ക്കൽ, അഡ്വ. ചേതന ടി കർമ എന്നിവർ ഹാജരായി. ഇരവിപുരം പോലീസ് ഇൻസ്പെക്ടറായിരുന്ന പി അജിത്‌കുമാറാണ് കേസന്വേഷിച്ച് കുറ്റപത്രം ഹാജരാക്കിയത്. എഎസ്ഐ മഞ്ജുഷ പ്രോസിക്യൂഷൻ സഹായിയായി.

BREAKING NEWS
ഡോക്ടറുടെ ഫോണിൽ രോഗികളുടെ ഉൾപ്പെടെ ഒട്ടേറെ നഗ്നദൃശ്യങ്ങൾ, ഉടൻ ഫോൺ തിരികെ ലഭിച്ചില്ലെങ്കിൽ ഇക്കാര്യങ്ങൾ പുറത്തു വരുമെന്ന ഭീതിയിയിൽ ഡോക്ടർ പരാതി നൽകി- നടിയുടെ അഭിഭാഷകൻ കോടതിയിൽ!! ഡോക്ടറെ മർദിച്ച കേസിൽ നടി അതുല്യ ഉൾപ്പെടെയുള്ളവർക്ക് ജാമ്യം
19 Nov 2026
BREAKING NEWS
‘ചരിത്രം കുറിക്കുകയാണ്; ഇറാനെ ആണവായുധം സ്വന്തമാക്കാൻ അനുവദിക്കില്ല’: ട്രംപ്–ഷി–പുട്ടിൻ ത്രികക്ഷി ഉച്ചകോടിക്ക് തുടക്കം
19 Nov 2026
BREAKING NEWS
'കൂട്ടുത്തരവാദിത്തം നഷ്ടമായി, ടീം യുഡിഎഫ് ടീമല്ലാതായി; മുഖ്യമന്ത്രിക്ക് ഏകാധിപത്യ മനോഭാവം; കെപിസിസി പ്രസിഡന്റായ മന്ത്രിക്ക് പോലും തന്റെ അഭിപ്രായം പരസ്യമായി രേഖപ്പെടുത്തേണ്ടിവന്നു'; പിണറായി വിജയൻ
19 Nov 2026
BREAKING NEWS
"അന്ന് സംഘർഷമുണ്ടായ സ്ഥലങ്ങൾ സന്ദർശിക്കാൻ പോയ സംഘത്തിൽ ഞാനും ഉണ്ടായിരുന്നു, ഞാൻ ഇറങ്ങിയില്ല, ഓട്ടോയിൽ നിന്നിറങ്ങിയ ജയരാജനടക്കമുള്ളവർക്ക് ഏറ് കിട്ടി, ആശുപത്രിയിൽ ആളുകൾക്കിടയിൽ നിന്ന് എന്ത് ഗൂഢാലോചന നടത്താനാണ് പറ്റുക? 14 വർഷത്തോളം അനുഭവിച്ച പ്രയാസത്തിന് അറുതിയായി"- കെ കെ ശൈലജ
19 Nov 2026