ബോളിവുഡ് താരം സാറാ അലി ഖാനാണ് ഇപ്പോൾ ഫാഷൻ ലോകത്തെ ചർച്ചാ വിഷയം. കറുപ്പും വെളുപ്പും നിറങ്ങൾ ഇടലകലർന്ന ഷീർ ഗൗൺ അണിഞ്ഞാണ് താരം സോഷ്യൽ മീഡിയയെ ഇളക്കിമറിച്ചത്. ഒന്നര ലക്ഷം രൂപയാണ് ഈ ഗൗണിന്റെ വില.
കാൽതുട മുതൽ കീറലുള്ള സുതാര്യമായ ഈ ഗൗൺ സാറയ്ക്ക് കൂടുതൽ ഹോട്ട് ലുക്ക് നൽകി. അരക്കെട്ട് വരെ നീണ്ടുകിടക്കുന്ന നെറ്റ് പോലെയുള്ള തുണിയാണ് ഈ ഗൗണിന്റെ ഹൈലൈറ്റ്. സാറ ധരിച്ചതിൽ ഏറ്റവും ഭംഗിയുള്ള ഔട്ട്ഫിറ്റ് എന്നാണ് ഫാഷനിസ്റ്റുകൾ ഇതിനെ വിലയിരുത്തുന്നത്.
ഗൗണിനൊപ്പം ആഭരണങ്ങളൊന്നും താരം ഉപയോഗിച്ചിട്ടില്ല. മിനിമൽ മേക്കപ്പ് ആണ് ചെയ്തത്. മുടി അലസമായി അഴിച്ചിട്ട ഹെയർസ്റ്റൈലാണ് തിരഞ്ഞെടുത്തത്. ഒപ്പം കറുപ്പ് ഹൈ ഹീൽസ് ചെരുപ്പും ധരിച്ചു. ഇതെല്ലാം ഗൗണിന്റെ ലുക്ക് കൂട്ടി. ലണ്ടൻ ആസ്ഥാനമായുള്ള ഫാഷൻ ഡിസൈനർ ഡേവിഡ് കോമയുടെ കളക്ഷനിൽ നിന്നുള്ളതാണ് ഈ ഗൗൺ.
മുംബൈയിൽ ഒരു സ്വകാര്യ ചടങ്ങിനെത്തിയപ്പോഴായിരുന്നു സാറ ഈ ഗൗൺ ധരിച്ചത്. അതിനുശേഷം ഫോട്ടോഷൂട്ടും നടത്തി. ഇതിന്റെ ചിത്രങ്ങൾ താരം ഇൻസ്റ്റഗ്രാമിൽ പങ്കുവെച്ചിട്ടുണ്ട്.
Leave a Comment