ദുബായ് എയര്‍പോര്‍ട്ടില്‍ അറ്റകുറ്റപ്പണി; എയര്‍ ഇന്ത്യയുടെ ചില വിമാനങ്ങള്‍ സര്‍വീസ് ഷാര്‍ജയില്‍നിന്ന്

ദുബായ്: ദുബായ് അന്താരാഷ്ട്ര വിമാനത്താവളത്തിലെ പടിഞ്ഞാറുഭാഗത്തെ റണ്‍വേയില്‍ അറ്റകുറ്റപ്പണി നടക്കുന്നതിനാല്‍ ഏപ്രില്‍ 16 മുതല്‍ 30 വരെ അടച്ചിടും. ഇതുകാരണം എയര്‍ ഇന്ത്യയുടെ ചില വിമാനങ്ങളുടെ സര്‍വീസുകള്‍ ഷാര്‍ജ വിമാനത്താവളത്തില്‍ നിന്നായിരിക്കും പുറപ്പെടുക. ഈ സര്‍വീസുകള്‍ എത്തുന്നതും ഷാര്‍ജയിലായിരിക്കും.

ചെന്നൈ (എ.ഐ. 905, 906), വിശാഖപട്ടണം (എ.ഐ. 951, 952), ഹൈദരാബാദ് (എ.ഐ. 951, 952), ബെംഗളൂരു (എ.ഐ. 993, 994), ഗോവ (എ.ഐ. 993, 994) എന്നീ സര്‍വീസുകളാണ് ഷാര്‍ജയിലേക്ക് മാറ്റിയത്. റണ്‍വേയുടെ അറ്റകുറ്റപ്പണി നടക്കുന്ന ദിവസങ്ങളിലാണ് ഈ മാറ്റം. എയര്‍ ഇന്ത്യയുടെ മറ്റ് സര്‍വീസുകള്‍ ദുബായില്‍നിന്നുതന്നെ പുറപ്പെടും.

മറ്റുപല വിമാനക്കമ്പനികളുടെ സര്‍വീസുകളിലും ഈ ദിവസങ്ങളില്‍ മാറ്റമുണ്ട്. ചില സര്‍വീസുകള്‍ ദുബായ് സൗത്തിലെ മക്തൂം ഇന്റര്‍നാഷണല്‍ എയര്‍പോര്‍ട്ടിലേക്കാണ് മാറ്റിയിരിക്കുന്നത്.