പാലക്കാട്: യുവതിയില്‍ നിന്നും പീഡനപരാതിയുയര്‍ന്ന സാഹചര്യത്തില്‍ പി.കെ ശശി എം.എല്‍.എ പരസ്യപ്രസ്താവനകളില്‍ നിന്നും വിട്ടുനില്‍ക്കണമെന്ന് സി.പി.എം. പ്രകോപനം ഒഴിവാക്കണമെന്നും പാര്‍ട്ടി ശശിയ്ക്ക് നിര്‍ദ്ദേശം നല്‍കി. സംസ്ഥാന സെക്രട്ടറിയേറ്റ് യോഗത്തിന് ശേഷമാണ് എം.എല്‍.എയ്ക്ക് താക്കീത് രൂപേണ നിര്‍ദ്ദേശം നല്‍കിയത്.
ആരോപണ നിഴലില്‍ നില്‍ക്കുമ്പോഴും ശശി പ്രകോപനപരമായ പ്രസ്താവനകള്‍ ഇറക്കി കൂടുതല്‍ വിവാദങ്ങള്‍ സൃഷ്ടിച്ച പശ്ചാത്തലത്തിലാണ് സംസ്ഥാന സെക്രട്ടറിയേറ്റിന്റെ ഇടപെടലുണ്ടായത്.
അതേസമയം, ആരോപണമുയര്‍ന്ന സാഹചര്യത്തില്‍ പരാതിക്കാരിയുടെ മൊഴിയെടുക്കുമെന്ന് പി.കെ. ശ്രീമതി എം.പി പറഞ്ഞു. അന്വേഷണ കമ്മിഷന് നടപടികള്‍ ഉടന്‍ പൂര്‍ത്തീകരിക്കുമെന്നും ശ്രീമതി വ്യക്തമാക്കി. സംഭവത്തില്‍ അന്വേഷണം പൂര്‍ത്തീകരിക്കുന്നത് വൈകിപ്പിക്കരുതെന്ന് കമ്മിഷന് സി.പി.എം സംസ്ഥാന സെക്രട്ടേറിയറ്റ് നിര്‍ദേശം നല്‍കിയിട്ടുണ്ട്.
Leave a Comment