കൊച്ചി:ആരാധകര്‍ ഏറെ പ്രതീക്ഷയോടെ കാത്തിരിക്കുന്ന അമല്‍നീരദ് ഫഹദ് ഫാസില്‍ ചിത്രം ‘വരത്തന്‍’ ഓണത്തിനെത്തും. ആഗസ്റ്റ് 22 നാണ് ചിത്രം തിയേറ്ററുകളിലെത്തുക. ഇയോബിന്റെ പുസ്തകത്തിന് ശേഷം അമല്‍ നീരദും ഫഹദും ഒന്നിക്കുന്ന ചിത്രമാണിത്. അമല്‍ നീരദിന്റെ ഉടമസ്ഥതയിലുള്ള എ.എന്‍.പിയും ഫഹദ് ഫാസിലിന്റെ ഉടമസ്ഥതയിലുള്ള നസ്രിയ നസീം പ്രൊഡക്ഷന്‍സും ചേര്‍ന്നാണ് ചിത്രം നിര്‍മിക്കുന്നത്. വാഗമണ്‍, ദുബായ് എന്നിവിടങ്ങളായിരുന്നു പ്രധാനലൊക്കേഷന്‍.
മായാനദി, ഞണ്ടുകളുടെ നാട്ടില്‍ ഒരിടവേള എന്നീ ചിത്രങ്ങളിലൂടെ പ്രേക്ഷക ഹൃദയം കീഴടക്കിയ ഐശ്വര്യ ലക്ഷ്മിയാണ് ചിത്രത്തിലെ നായിക. പറവയുടെ ഛായാഗ്രാഹകന്‍ ലിറ്റില്‍ സ്വയമ്പാണ് ഈ ചിത്രത്തിന് ക്യാമറ ചലിപ്പിക്കുന്നത്. സുഷിന്‍ ശ്യാം ആണ് ചിത്രത്തിലെ ഗാനങ്ങള്‍ക്ക് സംഗീതം പകരുന്നത്.
അന്‍വര്‍ റഷീദ് ഫഹദിനെ നായകനാക്കി ഒരുക്കുന്ന ചിത്രമായ ട്രാന്‍സാണ് ഈ കൂട്ടുകെട്ടിലെ അടുത്ത ചിത്രം. ട്രാന്‍സിന്റെ അവസാന ഷെഡ്യൂള്‍ വരത്തന്റെ റിലീസിന് ശേഷം ആരംഭിക്കും. ട്രാന്‍സിന്റെ ഛായാഗ്രഹണം കൈകാര്യം ചെയ്യുന്നത് അമല്‍ നീരദാണ്. ഇതിന് ശേഷം മമ്മൂട്ടി നായകനാകുന്ന ബിലാല്‍ 2 ആണ്
Leave a Comment