ഇപ്പോള്‍ ഉയര്‍ത്തിയ പ്രതിഷേധത്തില്‍ നിന്ന് പിന്മാറില്ല, പക്ഷേ വോട്ട് ജോസ് കെ. മണിക്ക് തന്നെയെന്ന് വി.ടി ബല്‍റാം

പാലക്കാട്: രാജ്യസഭാ തെരഞ്ഞെടുപ്പില്‍ വിയോജിപ്പുകളപണ്ടെങ്കിലും വോട്ട് മുന്നണി സ്ഥാനാര്‍ത്ഥിയായ ജോസ് കെ. മണിക്ക് തന്നെയെന്ന് വ്യക്തമാക്കി വി.ടി ബല്‍റാം എം.എല്‍.എ. ഇപ്പോള്‍ ഉയര്‍ത്തിയ പ്രതിഷേധത്തില്‍ നിന്ന് പിന്മാറാനില്ലെന്നും പരസ്യമായ അഭിപ്രായപ്രകടനം നടത്തിയവര്‍ വിമര്‍ശനത്തിന് ഇടയാവാറുണ്ടെന്നും വി.ടി ബല്‍റാം പറഞ്ഞു. ഇക്കാര്യങ്ങള്‍ പാര്‍ട്ടി കമ്മറ്റിയില്‍ പറഞ്ഞാല്‍ പോരെ എന്ന് ചോദിക്കാമെങ്കിലും അങ്ങനെ ഒരിടം ഇല്ലാതാവുന്നെന്നും വിടി ബല്‍റാം അഭിപ്രായപ്പെട്ടു.

കൂടുതല്‍ ജനാധിപത്യ സ്വഭാവത്തില്‍ വേണം തീരുമാനങ്ങള്‍ എടുക്കുന്ന പ്രക്രിയ നടക്കാനെന്നും രാഷ്ട്രീയ കാര്യ സമിതിയില്‍ പോലും ഇതുമായി ബന്ധപ്പെട്ട ചര്‍ച്ചകള്‍ നടന്നിട്ടില്ലെന്നും അദ്ദേഹം ചൂണ്ടിക്കാട്ടി. ശക്തമായ മാറ്റം ഉണ്ടാവണമെന്ന് ശക്തമായി ആവശ്യപ്പെടുന്നുണ്ടെന്നും ബല്‍റാം മാധ്യമ പ്രവര്‍ത്തകരോട് പറഞ്ഞു.

pathram desk 2:
Leave a Comment