മോഹന്‍ലാലിനെ നായകനാക്കി ബോളിവുഡ് സംവിധായകന്‍ അജോയ് വര്‍മ ഒരുക്കുന്ന മലയാളസിനിമയുടെ ചിത്രീകരണം ആരംഭിച്ചു. മുംബൈ ആണ് സിനിമയുടെ പ്രധാനലൊക്കേഷന്‍. നടനെന്ന നിലയില്‍ വളരെയധികം രസകരമായ തിരക്കഥയാണ് സിനിമയുടേതെന്നും ഇതിന്റെ ഭാഗമായതില്‍ അത്യധികം സന്തോഷത്തിലാണെന്നും മോഹന്‍ലാല്‍ പറഞ്ഞു.മൂണ്‍ഷോട്ട് എന്റര്‍ടെയ്ന്‍മെന്റിന്റെ ബാനറില്‍ സന്തോഷ് ടി. കുരുവിള നിര്‍മിക്കുന്ന സിനിമയ്ക്ക് തിരക്കഥ എഴുതുന്നത് സാജു തോമസ് ആണ്. ഛായാഗ്രഹണം സന്തോഷ് തുണ്ടിയില്‍.
ചിത്രത്തില്‍ നായികയായി എത്തുന്നത് മീനയാണ്. മുന്തിരിവള്ളികള്‍ തളിര്‍ക്കുമ്പോള്‍ എന്ന സിനിമയ്ക്കു ശേഷം ഇരുവരും ഒരുമിക്കുന്ന ചിത്രമാണ് ഇത്. പേരിട്ടിട്ടില്ലാത്ത ഡ്രാമ ത്രില്ലര്‍ ആയ ചിത്രത്തില്‍ തൃഷയും മുഖ്യകഥാപാത്രമായി എത്തും. പ്രകാശ് രാജാണ് മറ്റൊരു മുഖ്യകഥാപാത്രത്തെ അവതരിപ്പിക്കുന്നത്. മോഹന്‍ലാലിന്റെ ബിഗ് ബജറ്റ് ചിത്രങ്ങളിലൊന്നായ ഇതിന്റെ ഷൂട്ടിങ് മുംബൈ, പൂനൈ, തായ്‌ലന്‍ഡ് എന്നിവിടങ്ങളിലായിരിക്കും. മേയ് ആദ്യം തിയറ്ററുകളിലെത്തിക്കാനാകുമെന്നാണ് പ്രതീക്ഷിക്കുന്നത്. മോഹന്‍ലാലിനെ എക്‌സൈറ്റഡ് ആക്കിയ ഒരു ഡ്രാമ ത്രില്ലറാണ് ചിത്രം എന്നാണ് അണിയറപ്രവര്‍ത്തകര്‍ പുറത്തു വിടുന്ന വിവരം.
Leave a Comment