കൊച്ചി: ശീതളപാനീയത്തിൽ മദ്യം കലർത്തി നൽകി ഒഡീഷ സ്വദേശിനിയായ യുവതിയെ പീഡിപ്പിപ്പിച്ച കേസിലെ പ്രതി 27 ദിവസങ്ങൾക്കു ശേഷം കീഴടങ്ങി. ഹോർട്ടികോപ്പ് മുൻ എംഡി ആയിരുന്ന ശിവപ്രസാദ് (75) ആണ് സൗത്ത് എസിപി ഓഫീസിൽ കീഴടങ്ങിയത്. കീഴടങ്ങിയ പ്രതിക്ക് ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് മെഡിക്കൽ ട്രസ്റ്റ് ആശുപത്രിയിലേക്ക് മാറ്റി.
ശിവപ്രസാദ് സർക്കാർ ഹോർട്ടികോർപ്പ്, ഫിഷറീസ്, പ്ലാന്റേഷൻ കോർ‍പ്പറേഷൻ എംഡി അടക്കം നിരവധി സർക്കാർ പൊതുമേഖലാ സ്ഥാപനങ്ങളിൽ ഉന്നത പദവിയിലിരുന്ന വ്യക്തിയാണ്. യുവതിയെ പീഡിപ്പിച്ച ശേഷം മുങ്ങിയ പ്രതിക്കായി അയൽ സംസ്ഥാനങ്ങളിലടക്കം പൊലീസ് തിരച്ചിൽ നടത്തിയിരുന്നു.
കേസിൽ ദേശീയ പട്ടികവർഗ കമ്മിഷൻ സ്വമേധയാ കേസ് എടുത്തിട്ടുണ്ട്. കൊച്ചി പൊലീസിനോട് ദേശീയ പട്ടികവർഗ കമ്മിഷൻ റിപ്പോർട്ട് തേടിയിരുന്നു. ഏഴ് ദിവസത്തിനകം കൊച്ചി പൊലീസ് റിപ്പോർട്ട് നൽകണമെന്നാണ് പട്ടികവർഗ കമ്മിഷന്‍റെ നിർദേശം.
Leave a Comment