വാഷിങ്ടൺ: ഇന്ത്യൻ പ്രധാനമന്ത്രി നരേന്ദ്രമോദിയെ പുകഴ്ത്തി മുൻ അമേരിക്കൻ പ്രസിഡന്റും റിപ്പബ്ലിക്കൻ സ്ഥാനാർത്ഥിയുമായ ഡൊണാൾഡ് ട്രംപ്. തന്റെ ഏറ്റവുമടുത്ത സുഹൃത്തും നല്ലൊരു മനുഷ്യനുമാണ് മോദിയെന്ന് ഡൊണാൾഡ് ട്രംപ് പറഞ്ഞു.
ഫ്ളാഗ്രന്റ് പോഡ്കാസ്റ്റ് പരിപാടിയിൽ ലോകത്തിലെ പ്രമുഖരായ നേതാക്കളേക്കുറിച്ച് വിലയിരുത്തുമ്പോഴാണ് മോദിയേക്കുറിച്ചും ട്രംപ് സംസാരിച്ചത്. ഇന്ത്യൻ പ്രധാനമന്ത്രി മോദി തന്റെ നല്ല സുഹൃത്തും സർവോപരി നല്ലൊരു മനുഷ്യനുമാണ്. മോദി പ്രധാനമന്ത്രിയാവുന്നതിനുമുൻപ് ഇന്ത്യ അസ്ഥിരമായ അവസ്ഥയിലായിരുന്നുവെന്നും ട്രംപ് പറഞ്ഞു. ടോട്ടൽ കില്ലർ എന്നാണ് ട്രംപ് മോദിയെ വിശേഷിപ്പിച്ചത്.
2019-ൽ ടെക്സസിൽ നടന്ന ഹൗഡി മോദി പരിപാടിയേക്കുറിച്ചും ട്രംപ് പരാമർശിച്ചു. ഹൂസ്റ്റണിൽ നടന്ന പരിപാടി തനിക്കൊരിക്കലും മറക്കാനാവില്ലെന്ന് ട്രംപ് പറഞ്ഞു.
“ഹൗഡി മോദി എന്ന പേരിൽ ടെക്സസിൽ അവരൊരു പരിപാടി നടത്തിയിരുന്നു. ഞാനും അദ്ദേഹവുമാണതിൽ പങ്കെടുത്തത്. മനോഹരമായ അനുഭവമായിരുന്നു അത്. എൺപതിനായിരത്തോളംപേർ പങ്കെടുത്ത സമ്മേളനമായിരുന്നു അത്. ഞങ്ങൾ ഒരുമിച്ച് ജനങ്ങളോട് സംസാരിച്ചു. ഇന്ന് ചിലപ്പോൾ അതുപോലൊന്ന് സംഘടിപ്പിക്കാൻ എനിക്ക് കഴിയില്ലായിരിക്കും.” ട്രംപ് കൂട്ടിച്ചേർത്തു.
donald trump about his friendship with narendra modi and howdy modi gathering
Leave a Comment