മുംബൈ: പ്രധാനമന്ത്രിക്കൊരു കത്ത്, കൂടെ മണിയോർഡറായി നൂറുരൂപയും.ലോക്‌ഡൗണിൽ രാജ്യത്തെ അസംഘടിത മേഖല തകർന്നതിലുള്ള പ്രതിഷേധം പ്രകടിപ്പിക്കാൻ ബാരമതിയിൽനിന്നുള്ള ചായക്കടക്കാരൻ കണ്ടെത്തിയത് തികച്ചും വ്യത്യസ്ത മാർഗമായിരുന്നു.
മഹാരാഷ്ട്ര ബാരമതിയിൽ ചായക്കടനടത്തുന്ന അനിൽ മോറെ പ്രധാനമന്ത്രി നരേന്ദ്ര മോദിക്ക്‌ മണിയോർഡറായി നൂറുരൂപ അയച്ചത് താടി വടിക്കണമെന്ന അഭ്യർഥനയോടെയാണ്.
‘പ്രധാനമന്ത്രി മോദിയുടെ താടി വളരെയധികം വളർന്നിരിക്കുന്നു. അതേസമയം രാജ്യത്ത്‌ തൊഴിലവസരങ്ങൾ കുറഞ്ഞിരിക്കുന്നു. അദ്ദേഹം എന്തെങ്കിലും വളർത്താൻ ഉദ്ദേശിക്കുന്നുവെങ്കിൽ അത് തൊഴിൽ അവസരമാകണമെന്ന്‌ ആഗ്രഹിക്കുന്നതിനാലാണ് പണത്തോടൊപ്പം കത്തയച്ചത്‌.
രാജ്യത്ത്‌ വക്‌സിനേഷൻ പ്രവർത്തനങ്ങൾ വേഗത്തിലാക്കണം. ആരോഗ്യ സംവിധാനം മെച്ചപ്പെടുത്തണം. കോവിഡ്‌ മൂലം മരിച്ചവരുടെ ആശ്രിതർക്ക്‌ അഞ്ചുലക്ഷം രൂപ വീതം ധനസഹായം പ്രഖ്യാപിക്കണം. ലോക്‌ഡൗണിൽ പ്രതിസന്ധിനേരിടുന്ന കുടുംബങ്ങൾക്ക്‌ 30,000 രൂപ സഹായമായി നൽകണം’ എന്നീ കാര്യങ്ങളും മോറെ കത്തിൽ ആവശ്യപ്പെട്ടിട്ടുണ്ട്.
Leave a Comment