തിരുവനന്തപുരം: സമൂഹമാധ്യമങ്ങളിലൂടെ അപ്രഖ്യാപിത ഹര്‍ത്താല്‍ നടത്തി അക്രമം അഴിച്ചുവിട്ടത് അത്യന്തം ഹീനമായ ഗൂഢാലോചനയുടെ ഭാഗമാണെന്ന് മുഖ്യമന്ത്രി പിണറായി വിജയന്‍. നാട്ടില്‍ ഭിന്നിപ്പുണ്ടാക്കി ഒരു വിഭാഗത്തെ പ്രകോപിപ്പിക്കാനുള്ള ശ്രമമായിരുന്നു ഇതിന് പിന്നില്‍. സമൂഹമാധ്യമങ്ങള്‍ ഉപയോഗിച്ച് നാട്ടില്‍ ഭിന്നിപ്പുണ്ടാക്കുന്നത് ആപത്കരമായ സൂചനയാണെന്നും പിണറായി പറഞ്ഞു.
ഇതില്‍ നമ്മുടെ നാട്ടിലെ ചിലരും പങ്കാളികളായിട്ടുണ്ട്. ഇത് നമ്മുടെ നാടിനെ ഊഹിക്കാന്‍ കഴിയാത്ത അപകടാവസ്ഥയിലെത്തിക്കുമെന്നും പിണറായി വിജയന്‍ പറഞ്ഞു. കത്തുവ സംഭവത്തിന് പിന്നാലെയാണ് സമൂഹമാധ്യമങ്ങളിലൂടെ വ്യാപകമായി ഹര്‍ത്താല്‍ പ്രചാരണം നടത്തിയത്. ഹര്‍ത്താല്‍ ദിവസം കോഴിക്കോട് ഉള്‍പ്പടെയുള്ള ജില്ലകളില്‍ കലാപത്തിന് സമാനമായ രീതിയില്‍ സംഘര്‍ഷം ഉണ്ടായിരുന്നു
Leave a Comment