മുംബൈ: ബോളിവുഡും ക്രിക്കറ്റും തമ്മിലുള്ള ബന്ധം പ്രശസ്തമാണ്. വിരാടിലും അനുഷ്‌കയിലുമെത്തി നില്‍ക്കുന്ന പ്രണയ വിവാഹങ്ങളും ഷാരൂഖ് ഖാനിലും പ്രീതി സിന്റയിലുമെത്തി നില്‍ക്കുന്ന ഐ.പി.എല്‍ ഉടമകളുമെല്ലാം അതിന് ഉദാഹരണമാണ്.ഇപ്പോഴിതാ ക്രിക്കറ്റിനോടുള്ള തന്റെ പ്രണയം തുറന്നു പറഞ്ഞ് രംഗത്തെത്തിയിരിക്കുകയാണ് ബോളിവുഡ് താരം ദീപിക പദുക്കോണ്‍. ഇന്ത്യന്‍ ടീമിന്റെ കളി കാണാന്‍ പലപ്പോഴായി ദീപിക വന്നിട്ടുണ്ട്. ഐ.പി.എല്ലില്‍ റോയല്‍ ചലഞ്ചേഴ്സ് ബംഗളൂരുവിന്റെ ബ്രാന്റ് അംബാസിഡറുമാണ് ദീപിക.
ഇപ്പോഴിതാ തന്റെ പ്രിയപ്പെട്ട ക്രിക്കറ്റ് താരം ആരെന്ന് വെളിപ്പെടുത്തിയിരിക്കുകയാണ് ദീപിക. ഒരു മാധ്യമത്തിന് നല്‍കിയ അഭിമുഖത്തിലായിരുന്നു ദീപിക മനസു തുറന്നത്.മുന്‍ ഇന്ത്യന്‍ നായകന്‍ എം.എസ് ധോണിയാണ് ദീപികയുടെ പ്രിയപ്പെട്ട ക്രിക്കറ്റ് താരം. താന്‍ മഹിയുടെ വലിയ ആരാധികയാണെന്നും ദീപിക പറയുന്നു.
നേരത്തെ ദീപികയും ധോണിയും തമ്മില്‍ പ്രണയത്തിലാണെന്ന് വാര്‍ത്തകളുണ്ടായിരുന്നു. ഇരുവരും ഒരിക്കലും ഇതിനെ കുറിച്ച് പരസ്യ പ്രതികരണം നടത്തിയിരുന്നില്ല. പിന്നീട് ധോണി സാക്ഷിയെ വിവാഹം ചെയ്യുകയായിരുന്നു.അതേസമയം, ദീപികയുടെ പുതിയ ചിത്രം പത്മാവതി വിവാദങ്ങള്‍ക്കിടയിലും സമ്മിശ്ര പ്രതികരണവുമായി പ്രദര്‍ശനം തുടരുകയാണ്.
Leave a Comment