നടിയെ ആക്രമിച്ച കേസില്‍ പുതിയ വഴത്തിരിവായേക്കാവുന്ന മൊഴിയുമായി കേസിലെ രണ്ടാം പ്രതി മാര്‍ട്ടിന്‍. ആലുവ മജിസ്ട്രേറ്റ് കോടതിയില്‍ ഹാജരാക്കിയപ്പോഴാണ് നാടകീയ സംഭവങ്ങള്‍ നടന്നത്. രഹസ്യമൊഴി രേഖപ്പെടുത്താനായി കൊണ്ടു വന്നപ്പോഴാണ് ജഡ്ജിയോട് മാര്‍ട്ടിന്‍ പള്‍സര്‍ സുനിയെ പേടിയാണെന്നും അയാളുടെ മുന്നില്‍വെച്ച് ഒന്നും പറയാന്‍ സാധിക്കില്ലെന്നും മാര്‍ട്ടിന്‍ പറഞ്ഞത്.
മാര്‍ട്ടിന്‍ പറഞ്ഞത് അനുസരിച്ച് പള്‍സര്‍ സുനിയെ കോടതി മുറിയില്‍നിന്ന് പുറത്താക്കി കതക് അടച്ചു. അതിന് ശേഷമാണ് മാര്‍ട്ടിന്റെ മൊഴി രേഖപ്പെടുത്തിയത്. മാര്‍ട്ടിന്‍ രഹസ്യമായി പറഞ്ഞ മൊഴി കേസില്‍ നിര്‍ണായകമായേക്കാന്‍ സാധ്യതയുണ്ടെന്നാണ് നിയമവൃത്തങ്ങള്‍ നല്‍കുന്ന സൂചന.ഇന്ന് രാവിലെയായിരുന്നു സുപ്രധാന രേഖകള്‍ ആവശ്യപ്പെട്ട് ദിലീപ് അങ്കമാലി കോടതിയില്‍ ഹര്‍ജി സമര്‍പ്പിച്ചത്. നടിയെ ആക്രമിച്ച് പകര്‍ത്തിയ ദൃശ്യത്തിന്റെ പകര്‍പ്പ്, പ്രതികളും കേസിലെ ദൃക്സാക്ഷികളുമായുള്ള ഫോണ്‍ സംഭാഷണങ്ങള്‍ തുടങ്ങിയവ ആവശ്യപ്പെട്ടാണ് ദിലീപ് ഹര്‍ജി നല്‍കിയിരിക്കുന്നത്.
Leave a Comment