ചാക്കോച്ചന്റെ പിറന്നാള്‍; നാളെ ജനിക്കുന്ന കുഞ്ഞുങ്ങള്‍ക്ക് സ്വര്‍ണസമ്മാനം

ചാക്കോച്ചന് പിറന്നാളിന് അടിപൊളി സമ്മാനങ്ങളുമായി എത്തുകയാണ് ചാക്കോച്ചന്‍ ലൗവേഴ്‌സും ചാക്കോച്ചന്‍ ഫ്രണ്ട്സ് യുഎഇയും. നാളെ സര്‍ക്കാരാശുപത്രികളില്‍ ജനിക്കുന്ന കുഞ്ഞുങ്ങള്‍ക്ക് സ്വര്‍ണ്ണ മോതിരമാണ് സമ്മാനമായി ചാക്കോച്ചന്‍ ലൗവേഴ്‌സ് നല്‍കുന്നത്.
കുഞ്ചാക്കോ ബോബന്റെ സ്‌നേഹിതര്‍ ചേര്‍ന്നു രൂപപ്പെടുത്തിയ ഒരു ചാരിറ്റി സംഘടന ആണ് ചാക്കോച്ചന്‍ ലൗവേഴ്സ്. ‘ഈ വര്‍ഷം ചാക്കോച്ചന്റെ പിറന്നാള്‍ എങ്ങനെ കൂടുതല്‍ സന്തോഷകരമായി നടത്താം എന്ന ആലോചനയിലാണ് ഇങ്ങനെ ഒരു പരിപാടി തീരുമാനിക്കപ്പെട്ടത്. പതിവ് പോലെ രക്ത ദാനം, തെരുവില്‍ സൗജന്യ ഭക്ഷണം, അനാഥാലയം സന്ദര്‍ശനം എന്നീ പരിപാടികള്‍ക്കു പുറമെ ചാക്കോച്ചന്‍ ജനിച്ച ദിവസം ആയ നവംബര്‍ 2നി കേരളത്തില്‍ അങ്ങോളം ഉള്ള സര്‍ക്കാര്‍ ആശുപത്രിയില്‍ ജനിച്ചു വീഴുന്ന ഒരോ പൊന്നോമനയ്ക്കും ഒരു സ്വര്‍ണസമ്മാനം നല്‍ണണം എന്ന ഒരു തീരുമാനം ഉണ്ടായി.’ചാക്കോച്ചന്‍ ലൗവേഴ്‌സ് പറഞ്ഞു. ഇതുകൂടാതെ ചാക്കോച്ചന്‍ ഫ്രണ്ട്സ് യുഎഇയും മെഡക്സ് ഫാര്‍മസി ഗ്രൂപ്പും സംയുക്തമായി ദുബായ് ലത്തീഫ ഹോസ്പിറ്റലില്‍ വച്ച് രക്തദാന ക്യാംപും പിറന്നാളിനോടനുബന്ധിച്ച് സംഘടിപ്പിക്കുന്നുണ്ട്.