സം​സ്ഥാ​ന​ത്തെ ഐ​എ​എ​സ് ഓ​ഫി​സ​ർ​മാ​ർ​ക്കി​ട​യി​ൽ വി​ഭാ​ഗീ​യ​ത സൃ​ഷ്ടി​ക്കാ​ൻ നോക്കി, ഫോ​റ​ൻ​സി​ക് പ​രി​ശോ​ധ​ന​യ്ക്ക് മു​ൻ​പ് ഫോ​ൺ ഫാ​ക്ട​റി റീ​സെ​റ്റ് ചെ​യ്ത് തെ​ളി​വ് ഇ​ല്ലാ​താ​ക്കാ​ൻ ശ്ര​മം; കെ. ​ഗോ​പാ​ല​കൃ​ഷ്ണ​ൻ ഐ​എ​എ​സിനെതിരെ കു​റ്റാ​രോ​പ​ണ മെ​മ്മോ

തി​രു​വ​ന​ന്ത​പു​രം: മ​താ​ടി​സ്ഥാ​ന​ത്തി​ൽ വാ​ട്‌​സ്ആ​പ്പ് ഗ്രൂ​പ്പ് ഉ​ണ്ടാ​ക്കി​യ സം​ഭ​വ​ത്തി​ൽ നിലവിൽ സ​സ്പെ​ൻ​ഷ​നിലായ ഐ​എ​എ​സ് ഉ​ദ്യോ​ഗ​സ്ഥ​ൻ കെ. ​ഗോ​പാ​ല​കൃ​ഷ്ണ​നെതിരെ കു​റ്റാ​രോ​പ​ണ മെ​മ്മോ. ചീ​ഫ് സെ​ക്ര​ട്ട​റി ശാ​ര​ദാ മു​ര​ളീ​ധ​ര​നാ​ണ് മെ​മ്മോ ന​ൽ​കി​യ​ത്.

ഗോ​പാ​ല​കൃ​ഷ്‌​ണ​ൻറെ പ്ര​വ​ർ​ത്തി​ക​ൾ ഓ​ൾ ഇ​ന്ത്യ സ​ർ​വീ​സ് റൂ​ൾ​സി​ലെ വി​വി​ധ വ​കു​പ്പു​ക​ളു​ടെ ലം​ഘ​ന​മാ​ണ്. സം​സ്ഥാ​ന​ത്തെ ഐ​എ​എ​സ് ഓ​ഫി​സ​ർ​മാ​ർ​ക്കി​ട​യി​ൽ വി​ഭാ​ഗീ​യ​ത സൃ​ഷ്ടി​ക്കാ​ൻ ശ്ര​മി​ച്ചു തു​ട​ങ്ങി​യ കു​റ്റ​ങ്ങ​ളാ​ണ് മെ​മ്മോ​യി​ൽ ആ​രോ​പി​ക്കു​ന്ന​ത്.

മാത്രമല്ല ഫോ​ൺ ഹാ​ക്ക് ചെ​യ്ത് ഗ്രൂ​പ്പു​ക​ൾ ഉ​ണ്ടാ​ക്കി​യെ​ന്ന പ​രാ​തി​ക്ക് തെ​ളി​വി​ല്ല. മ​ല്ലു​ഹി​ന്ദു, മ​ല്ലു മു​സ്‌​ലീം ഗ്രൂ​പ്പു​ക​ൾ ഉ​ണ്ടാ​ക്കി​യ​ത് ഗോ​പാ​ല​കൃ​ഷ്ണ​നാ​ണ്. ഫോ​റ​ൻ​സി​ക് പ​രി​ശോ​ധ​ന​യ്ക്ക് മു​ൻ​പ് പ​ല ത​വ​ണ ഫോ​ൺ ഫാ​ക്ട​റി റീ​സെ​റ്റ് ചെ​യ്ത് തെ​ളി​വ് ഇ​ല്ലാ​താ​ക്കാ​ൻ ശ്ര​മി​ച്ചു​വെ​ന്നും മെ​മ്മോ​യി​ൽ പ​റ​യു​ന്നു.

മ​താ​ടി​സ്ഥാ​ന​ത്തി​ൽ വാ​ട്‌​സ്ആ​പ്പ് ഗ്രൂ​പ്പ് ഉ​ണ്ടാ​ക്കി​യ സം​ഭ​വം വി​വാ​ദ​മാ​യ​തോ​ടെ ത​ൻറെ ഫോ​ൺ ഹാ​ക്ക് ചെ​യ്തു എ​ന്നു പ​റ​ഞ്ഞ് ഗോ​പാ​ലകൃ​ഷ്ണ​ൻ രം​ഗ​ത്ത് എ​ത്തി​യി​രു​ന്നു. എന്നാൽ ഈ ​പ​രാ​തി വ്യാ​ജ​മാ​ണെ​ന്ന് പോ​ലീ​സ് പരാതി ലഭിച്ച് അധികം താമസിക്കാതെതന്നെ ക​ണ്ടെ​ത്തി​യി​രു​ന്നു. തു​ട​ർ​ന്ന് ഇ​ദ്ദേ​ഹ​ത്തെ സ​സ്പെ​ൻ​ഡ് ചെ​യ്യു​ക​യാ​യി​രു​ന്നു. മു​പ്പ​തു ദി​വ​സ​ത്തി​നു​ള്ളി​ൽ മ​റു​പ​ടി ന​ൽ​കി​യി​ല്ലെ​ങ്കി​ൽ ഗോ​പാ​ല​കൃ​ഷ്‌​ണ​നെ​തി​രെ അ​ച്ച​ട​ക്ക ന​ട​പ​ടി​യി​ലേ​ക്ക് ക​ട​ക്കുമെന്നാണ് മെ​മ്മോ​യിൽ പറഞ്ഞിരിക്കുന്നത്.